DANIAL 11:8 - PATHIAN LEKHABU THIANGTHO (BSI)

⁸ A ûm leh bêl uh dangka leh sana kisiam zosia, a milimteu leh a pathianteu natiang gâl lâk in, Aigupta lam ah pawmang in au. Mallam lengpa a do chu kum bang jat a hem chawl ta’n a;

DANIAL 11:8 ပူးပေါင်းရင်းမြစ်များ

THILSIAM THU 31:30

Ahi’n, la pa In lam ah chia nuam malehchinle, bangatia ka Inkuan pathian limte lei gûk mang piak khel khel a hem?” a ti’n.

2 SAMUEL 5:21

Philistinte chun zia mun ah chun a milim pathian uh a taisan ua; David leh a sepaite chun zia chu a thak mang tau hi.

PAWTDAWNA THU 12:12

Zia jan hileh, Aigupta gam pumpi hung vâkvêl ding ka hi’n: tichun, Aigupta gam sung ah a piang masa pen, mihing hileh, gancha hitaleh hun that gam sik sek ding ka hi: chutichun, Aigupta gam ah pathian zosia hun gawt ding ka hi: Keima hi Lalpa chu ka hi.

ISAI 2:16

Tarshish longlian leh, a khutsuak uh mêlpha tak takte chung in, hung tung ding ahi.

ISAI 37:19

chuleh, a pathianteu chule mei lak in a la se’lut piak zo tau ah, ziate chu pathian le chu a hipaw him un; mihing khutsuak, thing leh suang ah kisiam a hiziak un hisiat ah um him a hiu a.

JEREMIAH 46:25

Sepai honte Lalpa, Israelte Pathian in, “Ngai in, Thebes-te pathian, Amon tawh Pharaoh; chuleh, Aigupta mipite leh a pathianteu, a lengteu leh Pharaoh leh ama muang zosia chu hun gawt ding ka hi.

DANIAL 10:3

Bugum, sa leh zu him him ka kam in a lût pua’n, zia hapta thum sung chu sathau le ka kinu’ puai.

DANIAL 11:9

chuleh, simlam leng chun mallam lal hun do intin; himaleh, ama gam lam ah naw kit in um ta’n a.

HOSEA 13:15

Hambuk lak ah hampa gual in nîm dep dup maleh, Lalpa huizang, sualam hui gamthip ah hung kipan chun hun mut intin, a tuinâkte hung kang intin, a tuihing luite chu hung keugawp ta’n a. A gam sung ah golûl pente chu chawm nâm piak hita’n a.

HOSEA 8:6

Israel lak ah kipat in mi khutthiam khat in a siam ahi’n, Pathian khutsuak ahi puai. Samaria ah bawngno lim chu khet gawp hi’n a.

KISIMNA LEKHABU 33:4

Aigupta mite zosia chu vang a chapa upa pen chiat uh, Lalpa‘n amau lak ah a thalup zosia vui in a buai ma mau ah. A pathianteu chung natiang in Lalpa‘n vai a hawm a.

DAN LEKHABU 12:3

A mâichâmteu khênchim unla, a dawikhuamteu le khen bong unla, Asherim lim ah a bawlteu chule hâltum unla, a pathian lim zosiau chawm nâm suak un; tichun, a min natiang uh a umnau taphot ah kipat in thaimang suak tau in.

VAIHAWMTE 18:24

Ama’nle, “Nang un keima kisiam ka pathiante leh ka thiampu la kipuak mang tau ah, bang dang ka nei nalai ua a hem? ‘Bang lungnatpi la tam,’ lei tiu chu bangtidan ah la tiu a hem?” ti’n a dawnhu ta’n.