DANIAL 11:4 - PATHIAN LEKHABU THIANGTHO (BSI)

⁴ Himaleh, a thilhitheina a pun zing lai in, a lenggam kek jak intin, a suan leh pâkte kiang ah hilo, a thuneina a vaihawm dan le hi diak lo in, van hui palite lak ah hop jak in um ta’n ah; a lenggam chu bawdaw ah um in, ziate bep hilo midangte kiang ah piak hita’n a.

DANIAL 11:4 ပူးပေါင်းရင်းမြစ်များ

SAM 39:6

Mi tin hi lîm gual bep a hiu. A buai thawn mai mai ui! Kua’n hun lua ding a hem ti helo in, go a khol khawm sek ui.

THUGENTU 4:8

mi pakhat chapa le nei lo, suapile nei diak lo, a sep gimna’n lah tawpni nei diak lo a um in; a hausakna chule a mit taina khop ahi diak puai, “Ka hinkhua nopna ding zosia chân hial ah, kua â ding ah sêm gimle ka hem?” a kitiu a. Zia hile bangmalo mai leh a thawn ah buaina mai mai ahi.

JEREMIAH 12:15

Ka lâkdaw zaw phat leh, amau chu lainat kit ta’ng ka tin, a gochannau leh a gam ma mau ah a leng un pui tung kit ding ka hi.

JEREMIAH 12:17

Ahi’n la, kua namle ka thu ngailo taphot chu, a zung un kaldok ing ka tin, susia ding ka hi, Lalpa‘n a tii.

JEREMIAH 18:7

Nam khat a hem, lenggam khat a hem chu, ka nop hun hun ah bawdaw ding, khet phel ding leh suksiat ding a hem ka la ti tâk chun,

JEREMIAH 31:40

Mithi kivuina leh ki’dak kihâlna vut paidawna phâijawl tiang leh, Kidron Wadi tiang ah lou mun haw tawh, sualam pang ah Sakol Kotpi kil lam tiang chu, Lalpa â ding ah thiangtho hita’n a. Zia khawpi hi sukchip leh phel siat hi kit ta pua’n ah, ti in.

JEREMIAH 45:4

Ziaziakchun, a kiang ah zia gual hin gen in, “Zia gual hin Lalpa‘n a gen hi: Ka sak zawsa chu pheltha’ng ka tin, ka phusa chu botdok kit ing ka, zia chu gam pumpi hi ahi.

JEREMIAH 49:36

kawlkil li’ kipat hui palite chu Elam chung ah hun nunsak ding ka hi; tichun, zia hui palite lak ah chun thejak ing ka tin; Elamte jam lona gam him him um ta pua’n a.

EZEKIEL 37:9

Ziaphatchun, ka kiang in, “Mihing, hui kiang ah chun zia gual hin thu gen in: Lalpa Pathian in zia gual hin a gen hi: Aw hui, kawl kil li kipat in hung unla; aw hui, zia gute hi a hung hin kit theina ding un zia mithiluangte hi hun mût in,” ti in.

DANIAL 7:2

Keima Danial in, ka gaulam ah jan ah ka thil mu’lawk ah chun, van ah hui palite hung nung in, tuisuagiat lian tak chu a hun mût nawk zung zung a;

DANIAL 7:6

Ziazaw chun, ka et zing leh a dang pakhat, gialbem tawhbang khat a hung pawtdok a. Zia gamsa chun a nungjang ah vacha thâ gual thâ pali tawh luchang pali a nei ah; chuleh, a kiang in lalna piak in a um a.

DANIAL 7:8

A kîte chu ka ngaitua zing lai in, a kî chuam, neucha khat, a dangte lak ah kipat chun a hung dawndok ah; zia kî neu hung pawtdawna mun ah kî dang pathumte chu a zung pum in bawdaw in a um tau a. Zia kî neu ah chun mihing mit gual gual leh, chapo tak ah thugenna kam le a um a.

DANIAL 8:22

A kî pakhat botna mun ah kî dang pali hung dawndokte chun, ama chipite lak ah kipat in ama thahâtna pang lo ah lenggam pali hung dingdok ding a hiu ti’na ahi.

DANIAL 8:8

Ziaphatchun, kêlchal chu a hung khanglian ah; himaleh, a thahât lai tak in a kî challang tak chu a hung bong ta’n; chuleh, a kî umna chun kî kilang tak mai pali, van ah hui palite lam ngat in a hung pawtdok kit tau a.

ZEKARIAH 2:6

Hung tho un! Hung tho un! mallam gam ah kipat in jam mang un, Lalpa‘n a tii. Van hui palite gual in gam tin ah ka hun thejak ta’ngal a, Lalpa‘n a tii.

ZEKARIAH 6:5

Vansawlchâk chun, “Ziate hi van ah huipi pali lei chung pumpi Lalpa âng ah a vakilâk zaw phat ua leh van ah hui pali hung pawtdok dingte chu a hiu.

MATTHAI 12:25

Jesu’n a lungthim ua a ngaituateu chu a hia’n, a kiang un, Kua gam hilehle a kikhen ua leh siatna a tung sek hi; kua khua hi’n, kua Insung hilehle a kikhen ua leh dingdok ngai pua’n a.

LUKA 12:20

Himaleh, Pathian in a kiang in, “Mi ngolpa! Tu’jan ah hin la hinna la ding a hiu. La thil guanggalte chu kua â ding a hita diam?, a ti’n.

THUPUAN 7:1

Ziazaw chun, khawmual leh tuisuagiat leh thing chung ah te, hui a hân lona ding in, lei ah hui kot palite chu khak bing dingin vansawlchâk pali ding ka mu.