DANIAL 10:1 - PATHIAN LEKHABU THIANGTHO (BSI)

¹ Persia Lengpa Kuras a lal kum thumna’n, Danial, Belteshazzar a tiu kiang in thu khat taklat in a hung um a. Zia chu thudik tak, kidona nasa tak hung um ding thu ahi. Mulawkna thute hiatthiamna neisa ahi ziakin, zia thu chu a hechian ma ma ziang hi.

DANIAL 10:1 ပူးပေါင်းရင်းမြစ်များ

THILSIAM THU 41:32

Chun, mang thua a hun nei sakna ziak chu, zia thil hung tung ding chu Pathian in a guat ma ma, Pathian ma ma in a hun tunsak kawm ding a hiziak ahi.

2 KHANGTHU 36:22

Persia gam ah Lengpa Kuras a lal kum khatna chun, Lalpa‘n jawlnei Jeremiah kam ah a thugen kha a guitunna dingin, Persia Lengpa Kuras lungthim chu Lalpa‘n a hun choktho a; tichun, a lenggam sung zosia ah tângsam ding sawldok in, a vahil vêl ding un a thupuan chu a zikdaw piak a:

EZRA 3:7

Tichun, Persia Lengpa Kuras phalpiakna dungzui ah chun, suangsêk mite leh thing lam ah themthiamte kiang ah chun sum a piau ah, sidar thing haw Lebanon ah kipat tuisuagiat tiang leh Joppa khua tiang hun tawl khawm dingin, Sidon leh Tura mite kiang in nêk dingte, dawn dingte leh sathaute chu a pedok tau hi.

EZRA 4:3

Himaleh, Zerubbabel, Jeshua, leh Israel Inkuan tin ah puitute chun a kiang un, “Ka Pathian In ding uh sakna hin nanghaw hung kisaklâ a ngai puai; Persia Lengpa Kuras in thu ei piak dungzui in, Lalpa, Israelte Pathian â ding chu kei uh ngen in ka sak ding uh ahi,” ti’n a la dawnhu tau hi.

EZRA 4:5

tichun, Persia Lengpa Kuras vaihawm sung zosia ah kipat, Persia Lengpa Darius lal tiang in, a thiltup uh sukbuaina ding ngaitua in gam vaihawm miliante chu a golgu tau hi.

EZRA 6:14

Tichun, Judate lak ah upate chun, jawlnei Haggai leh Iddo chapa Zekariah te ni thugen pansan in, In chu a sau ah, a masawn ma mau hi. Israelte Pathian thupiak leh Persia Lengte, Kuras, Darius leh Ahasueras thupiak dungzui in In chu a sa zo tau a;

EZRA 6:3

Tepte’na: Lengpa Kuras in a lal kum khatna chun zia gual thupiak hi a la suadok hi: Jerusalem ah Pathian In chungchâng thu’n, zia In chu tundin kit hi hen la, kithoinate leh hâlmang thilpiak latna mun chu bawldaw kit hi hen; a sândan chu tong sawmguk hi hen la, a vailam le tong sawmguk ma hi hen la,

ISAI 44:28

Kuras chung thu in: “Ama chu belam gual ah ei chingpa ahi’n, ka thil guanggal zosia hun bawldok ding ahi,” ti’pa leh, Jerusalem chung thu ah: “Bawl thak ah um kit ding la hi,” ti leh, tempul chung thu ah: “La suangphûmte lep thak ah um kit ding ahi,” ti’pa chu ka hi, ti’n a gen tai.

DANIAL 1:17

Zia tangval palite chu Pathian in hetthiamna leh pilna lam zosia ah lekha thiamna leh pilna a pia ta’n; Danial in kilâkna leh mang lam ah hiatthiamna a nei chuam a.

DANIAL 1:21

Tichun, Danial chu Lengpa Kuras lal kum khatna tiang in, lal Inpi ah chun a um den tai.

DANIAL 1:7

Leng In ah hotupa chun, a min ding uh a chuam a phuak piak chiat a: Danial chu Belteshazzar a sak ah, Hananiah chu Sadrak a sak ah, Mishael chu Meshak a sak ah, Azariah chu Abednego a sak hi.

DANIAL 10:14

ni tawp lam leh la mite chung ah bang gual thil hung tung ding a hem, ti hiatthiamsak ding ah la kiang ah hung ka hi,” ti’n a hun gen a.

DANIAL 11:2

Tu’hin, la kiang ah thudik hil ta’ng ka. Persia lenggam ah Leng dang pathum hung dingdok nalai in au. A lak ua a pali’na chu a dang cheng sâng in hausa zaw’n tin, a hausakna ziak ah hi’hat a hizaw phat leh, Grik lenggam do dingin mi zosia hun choktho in a.

DANIAL 12:4

Himaleh, aw nang Danial, huntawp masia zia thute hi îm inla, lekhabu chule châldet mai in. Mite chu tai vêl het hut intiu in, siatna pung ma ma ta’n ah, a hun ti tai.

DANIAL 12:9

Ama’n ka kiang in, “Danial, chia mai ta’n; zia thute hi huntawp lam masia îm ah châlbit tâk di phot ding ahi.

DANIAL 2:21

Ama’n hun leh hunbîte a sudanglam ah, lengte a paitha’n, lengte a tungding hi; mipil kiang ah pilna a pia’n, hetthiamna neite kiang in hetna a pia’i.

DANIAL 4:8

A tawp in Danial, ama chu ka pathian minsak ah Belteshazzar kiti chu a hung in, ama ah chun pathiante thagau thiangtho a um ah; a kiang in ka mang chu ka hil ta’n.

DANIAL 5:12

ama Danial, Lengpa khan Belteshazzar a sak chun, thagau pha, hetna, mang hilchet theina, thugil hilchian theina leh thu haksate hetna a um hi. Tu’hin Danial chu ko unla, ama’n hun hilchian piak ding ahi,” a vatia.

DANIAL 5:17

Ziaphatchun, Danial in lengpa chu zia gual hin a dawnhu a: “La thilpiakte chu nangma chang in; ahiloleh, la kipakmante chu midang kiang in pia zaw ta’n! Banghileh, zia lekha chu lengpa â ding ah simdaw piak in, a hilchetna le hil ing ka,” a tia.

DANIAL 6:28

Tichun, zia Danial chu Darius vaihawm sungsia leh, Persia Lengpa Kuras vaihawm tiang in nuamsa tak in a um den tai.

DANIAL 8:16

chuleh, Ulai lui pang ah chun mi pakhat in, “Gabriel, zia pa chu a mu’lawkna a mu chu vak hilchian piak in,” ti ah hung kiko ka hia’n.

DANIAL 8:26

Nitâk lam leh jingkal lam thu, mu’lawkna la kiang ah hun kihil hi a dik ahi. Ahi’n la, ni tam tak nung lam ah thil hung um ding kigenna ahi ziakin, nang in vang la thil mu hi îmchak phot mai in, a hun ti tai.

LUKA 1:20

Ngaitia, ka thugente hi a hun tak ah hung tung ding ahi ti la taksan lo ziakin, zia thil chu a hung tun masia pau thei pua’n la,” a tia.

THUPUAN 19:9

Ama chun ka kiang in, “Belamno moneina luaithe’na ûm ding ah chialte chu a hamphau hi, ti hi zik in,” ei tia. “Ziate hi Pathian ngei in a gen ahi,” a tia.