AMOS 9:9 - PATHIAN LEKHABU THIANGTHO (BSI)

⁹ Ngai un leidâl ah bu a ngelthia’n gual un, Israel Inkuante ngel dingin thu pia ding ka hi’n; ahi’n, suangchang khatle lei tual ah ketha pua’n a.

AMOS 9:9 ပူးပေါင်းရင်းမြစ်များ

ISAI 27:12

Zia ni phat chuleh, Euphrates luipi kipat Aigupta Wadi tiang in, buchil in hun chil in a; chun, aw Israelte haw, pakhat khat ah lâk khawm in hung um ta’n lau.

ISAI 28:28

Vaithum dingin anchang chu sukbuang a hisek, ahi’n la, kuama’n a chilthaw ngai puau hi; kângtalai leh sakol a chilsak un, maleh, a gawt buang diak puai.

ISAI 30:28

A hat git chu luicha tuilet, ngawng tiang ah luang gual chu ahi; nam tinte chu, khendanna leidâl ah sêp in, mite’n a kaimangna ding un kam khau bul ta’n au.

JEREMIAH 31:36

Zia leilung dante hi ka mit mu ah sukbei ahi chun, Israel suan leh pâkte chule nam piting, ahi’nau sukbei hi mai ding ahi, Lalpa‘n a tii.

JEREMIAH 46:28

Nang, ka suakpa Jakob vang, bangma lau kin, ka hun umpi zing hi, Lalpa‘n a tii. A lak ua ka hun thejakna nam tinte chu, sutawp ing ka tin; nangma chu vang hun sutawp pua’ng ka! A kigûn tawk bep in hun gawt ing ka tin, gawt lo in vang hun mawk koi pua’ng ka,” ti in.

JEREMIAH 49:36

kawlkil li’ kipat hui palite chu Elam chung ah hun nunsak ding ka hi; tichun, zia hui palite lak ah chun thejak ing ka tin; Elamte jam lona gam him him um ta pua’n a.

EZEKIEL 20:38

La lak ua kipat mi thukhelte leh ka chung ah thil bawlkhialte chu zendok ing ka tin; malzin gual in a chênnau gam ah kipat puidok ing ka tin, Israelte gam in vang lut pua’n au. Ziaphat chuleh, Lalpa ka hi’dan hun he ta’n lau.

EZEKIEL 36:19

Namtin lak in ka the’chek ah, gamtin ah the’jak in a la um tau in; a umchan leh thilbawl tawh kigûn un a chung un vai ka hawm ahi.

EZEKIEL 39:28

Namtin lak ah thejak in, amau gam ngei ah ka pui khawm kit tâk ziakin, Keima Lalpa hi a Pathian uh ka hi ti hun he ta’n au. Nam dang lak ah amau mi pakhat chale nusia lo ding ka hi;

EZEKIEL 5:10

La lak un nu leh pa a chateu sa ne leh, a chateu a nu leh pateu sa ne, matheilo in hung um ding la hiu; la lak un vai hun hawm ding ka hiziak in, zia lak ah suakcha sunte chule kil tin ah thejak nalai ding ka hi.

EZEKIEL 5:12

La lak ua se’thum sua a se’khat chu hipi a hem, kial a hem in thi’n la tiu in; a se’thum sua a se’khat chu la kîmvêl ua nam dangte chemjam in thi’n la tiu in; se’thum sua a se’khat dang cheng chu kil tin ah thejak in, chemjam del zuisak nalai ding ka hi,” a ti tai.

THIAMPUTE LEKHABU 26:33

Chuleh, namtin lak ah hun thejak ing ka tin, la nung uh chemjam in hun delzui pek nalai ding ka hi. La gam uh nutsia in um intin, la khawpiteu le man lo suak ta’n a.

LUKA 22:31

Lalpa chun, “Simon, Simon, ngaitia, Setan in bungel ah a hun ngel theina ding a hawl hi,

DAN LEKHABU 28:64

Kawlkil langkhat lam ah kipat a le’lam tiang in namtin lak ah Lalpa‘n hun thejak intin; zia mun ah chun nangmau leh la pu leh pateu inle a la het ngailo uh, thing leh suang ah kibawl pathiante na hun sêm ta’n lau.