AMOS 9:8 - PATHIAN LEKHABU THIANGTHO (BSI)

⁸ Lalpa Pathian mitte chu lenggam gilo chung in a chu hen; lei chung ah kipat in sumangthai ing ka; Jakob Inkuante bep chu hi’mangthai suak pua’ng ka, Lalpa‘n a tii.

AMOS 9:8 ပူးပေါင်းရင်းမြစ်များ

THILSIAM THU 6:7

Tichun, Lalpa’n, “Ka mihing siamte hi lei chung ah kipat in hi’mangthai mai ing ka, mihing hileh, ganhing hileh, a bokvâkte hileh, chung leng vachate natiang in, amau ka la siam hi ka kisîk ta ahi,” a ti’n.

THILSIAM THU 7:4

Ni sagi zaw leh lei chung ah hin ni sawmli leh jan sawmli gua zuksak ding ka hi’n, ka thilhing siam zosia lei chung ah kipat in hi’mangthai sik sek ding ka hi,” a ti’n.

1 LENGTE 13:34

Zia chu Jeroboam Inkuan gitlona bulpi a hung hi tai; lei chung ah kipat paithâk leh sukmangthai a hung hi’na ding chu a hung hi tai.

THUPILTE 15:3

Lalpa mit chu mun tin in a um a, mipha leh phalo a entha zing hi.

THUPILTE 5:21

Lalpa‘n mihing lampite chu a enkâi zing in, a lampiteu chu a enchian zing sek ngal a.

JEREMIAH 30:11

A hun hukdam ding ah hun umpi zing ka hi, Lalpa‘n a tii. A lak ua ka hun thejakna nam tinte chu, subei ing ka tin, nanghaw vang hun subei lo ding ka hi. A kilawm tiang bep in hun gawt ing ka tin, gawt lo ah vang hun nusia ziang lo ding ka hi.

JEREMIAH 44:27

A phatna ding uh hilo, a siatna ding un amau chu chânggu zing ding ka hi; Aigupta gam ah Judah mite zosia chu, pakhat chale hawi lo in, chemjam leh kial in that gam sik sek ding ka hi.

JEREMIAH 46:28

Nang, ka suakpa Jakob vang, bangma lau kin, ka hun umpi zing hi, Lalpa‘n a tii. A lak ua ka hun thejakna nam tinte chu, sutawp ing ka tin; nangma chu vang hun sutawp pua’ng ka! A kigûn tawk bep in hun gawt ing ka tin, gawt lo in vang hun mawk koi pua’ng ka,” ti in.

JEREMIAH 5:10

A grep phung kitiang kikâl ah chia to un la susiau in, ahi’n, a tawp tut kiu in; a bâkte chu heu un, Lalpa â a hipaw ngâl a.

HOSEA 1:4

Chun, Lalpa chun a kiang in, “A min dingin Jezreel a sa’n, a ziak chu, Jezreel thisan phuba chu Jehute Inkuan chung ah chom lo kâl sung in la ding ka hi; chun, Israel Inkuan lenggam chu sutawp ding ka hi.

HOSEA 1:6

Amanu’n nau a vop kit ah, chanu khat a hing ta’n. Ziaphat ah chun, Pathian in a kiang in, “A min in Lo-ruhamah a sa’n; Israel Inkuan chung ah lainatna’n le ngaidam ta pua’ng ka tin,

JOEL 2:32

Tichun, Lalpa min lam taphot chu hukhin in um in au; Lalpa‘n a gen gual khan, Zion tâng leh Jerusalem ah chun a suakcha sunte um intiu in; zia a suakchate lakah chun Lalpa‘n a kote chu um in au.

AMOS 3:12

Lalpa‘n zia gual hin a tii: Belampu’n sakeibaknei kam ah kipat sakeng pani a hem, a bil them khat a hem a hukdaw gual in, Samaria ah chêng Israelte chu chutna ning khat leh lupna kilning khat a hem tawh hukdok in um in’au, ti in.

AMOS 7:17

Ziaziakchun, Lalpa‘n zia gual hin a gen hi: “La ji chu khawpi sung ah nawchizuak hung hi’n tin, la chapate leh la chanute chu chemjam in puk in au; la gam chu te’na khau ah hawm hi’n a; nangma chu gam thiang lo khat ah chun thi’n la tin, matheilo in, Israel chu a gam ah kipat, sal ah pui mang hung hi’n a,” ti’n a gen tai.

AMOS 9:10

Ka mipite lak ah, “Siatna’n ei delpha pua’n tin, I chung unle tung pua’n a,” ti ah gilo zosia chu chemjam ah satlum in um in au.

AMOS 9:4

A mêlmateu âng in sal ah lût maleu, zia tak ah chun chemjam thu pia’ng ka tin, amau chu that in a; a phatna ding uh hilo, a siatna ding un a chung ua ka mit nga’ng ka.

DAN LEKHABU 4:31

Lalpa la Pathian uh chu ja’ngai thei tak Pathian ahi ziakin, hun nusia pua’n tin, hun hi’mangthai diak pua’n ah; la pu leh pateu kiang ah a thuthung tiamsa kha hemil ngailo ding ahi, a tia.

DAN LEKHABU 6:15

la lak ua um Lalpa la Pathian uh chu, Pathian thangsia hat ahi ngâl ah. Lalpa la Pathian uh lungnatna chu la chung un kuangjak in, lei chung ah kipat hin hun hi’mangthai kha’n a.