AMOS 9:7 - PATHIAN LEKHABU THIANGTHO (BSI)

⁷ Aw Israel mite, Kei â ding ah Ethiopiate gual tho hilo la hiu em? Lalpa‘n a tii. Aigupta gam ah kipat Israelte, Kaphtor ah kipat Philistinte leh, Kir ah kipat in Aram mite ka puidok pua a hem?

AMOS 9:7 ပူးပေါင်းရင်းမြစ်များ

2 LENGTE 16:9

Ziaphatchun, Assuria lengpa chun, a thildot chu a la ngaithâk piak ah; tichun Assuria lengpa chu Damaska do dingin a kuan to ah, a va lâk piak ah, a mite chu Kir lam ah sal in a pui piak ah, Rezin chu a that tai.

2 KHANGTHU 14:12

Tichun, Asa leh Judah mipite ma-âng in Ethiopiate chu Lalpa‘n a zaw piak ta’n, Ethiopiate chu a jamsia tau hi.

2 KHANGTHU 14:9

Ethiopia mi Zerah chun sepai maktaduai khat tawh kângtalai za thum ah hung kuan in, Maresha tiang a hung tung to tau a.

PAWTDAWNA THU 12:51

Zia nikhua ma ma chun Lalpa chun Aigupta gam ah kipat in Israelte chu a hon hon in a hun puidok ta ahi.

ISAI 20:4

Assuria lengpa’n, Aigupta mite chu suangkul ngak ding ah man in, Ethiopia mite chu sal in pui ta’n tiu in, a têk a khang, nîk leh puan bei leh kengtawdap bei in, Aiguptate sukmualphona dingin pui in a.

ISAI 22:6

Elam mite’n thalbawm a hun puau a, sakol kângtalai leh sakol sepaite tawh, Kir in a phawu a hun lâmdok tau hi.

ISAI 43:3

Lalpa la Pathian, Israel Mi Thiangthopa, a hun hukdokpa chu ka hi’ngal a. Nangma kitatdawna dingin, Aigupta gam chu ka pedok ta’n, nangma thatheng dingin, Ethiopia leh Sheba gamte hi ka pedok tai.

JEREMIAH 13:23

Ethiopia mi chun a vun uh theng in, gialbem inle a ziau a theng thei awm? Chuti ahileh, nanghaw thil phalo bawl zongsakte hinle, thil pha bawl thei tho ding la hiu chulam.

JEREMIAH 47:4

Philistinte zosia sukmangthaina ding ni, Tura leh Sidon ah panpitu um sunte, sukmangthaina ni ahiziak in. Kaphtor tuisuagiat jul ah um sun, Philistinte chu Lalpa‘n a sukmangthai tk ding ziakin.

HOSEA 12:13

Jawlnei pakhat mang in Lalpa‘n Israel chu, Aigupta ah kipat in a la puidok ta’n, jawlnei pakhat in a chingtup tai.

AMOS 1:5

Damaska kotpi thikte chu hi’bong ing ka tin, Aven phâizawl lua mite leh, Beth-lehem ah kipat in, laltiang chawipa chu sâttha ding ka hi; tichun, Aram mite chu Kir gam ah sal ah lût in’au, Lalpa‘n a tii.

AMOS 2:10

Amorte gam lua dingin Aigupta gam ah kipat in ka hun puidok a, gamthip ah kum sawmli sung ka hun pui hi.

DAN LEKHABU 2:23

Zia gual ma chun, Gaza khawpi tuam ah Avvimte chule Kaphtorte ah kipat hung pawtdok Kaphtor te’n that gam in, a munteu chu suandok in, a chêngden tau ahi).