AMOS 9:4 - PATHIAN LEKHABU THIANGTHO (BSI)

⁴ A mêlmateu âng in sal ah lût maleu, zia tak ah chun chemjam thu pia’ng ka tin, amau chu that in a; a phatna ding uh hilo, a siatna ding un a chung ua ka mit nga’ng ka.

AMOS 9:4 ပူးပေါင်းရင်းမြစ်များ

THILSIAM THU 44:21

Ziaphatchun, la suakte kiang ah hin, ‘Ama chu ka mit ah ka mutheina dingin ka kiang ah hun pui suk un,’ la ti’n.

2 KHANGTHU 16:9

Ama ah lungthim dik tak nga zosiate hihat dingin, Lalpa mit chun khawvel pumpi a mu suak hi. Ngolhuai tak in zia gual hin la bawl ta mai hi; tu’kipat hin gâl do pan ta ding la hi,” ti’n a vagen a.

SAM 34:17

Mi dikte’n panpi’na a dot si’n uh leh, Lalpa‘n a la hia’n, a lungdonnau zosia ah kipat in a hukdok sek hi.

PAWTDAWNA THU 14:24

jingkal phalvak ding kua’n ah chun Lalpa’n meipi ding leh sûmpi ding ah kipat chun a hun en suk ah, Aiguptate chu nasa tak in a hun patausak tai.

JEREMIAH 12:12

Gamkeu ah tâng gawchâk tin ah kipat in, gam hisia dingte chu a hung suk un; Lalpa chemjam chun gam mong langkhat lam ah kipat, a langkhat lam tiang in hun that gam intin, a suakcha um pua’n au.

JEREMIAH 21:10

A phatna ding uh hilo, a siatna lam ngen un, zia khawpi chung ah hin ka mit ka têt mai ahi tai, Lalpa‘n a tii. Babulon lengpa khut ah piak hita’n tin, ama’n mei in hâl tum ta’n a.

JEREMIAH 24:6

Amau chu a phatna ding un entha zing ing ka tin; chuleh, zia gam ah hin hun puitung kit ding ka hi. Tungding kit ing ka tin, suchim kit talo ding ka hi; phu’det ing ka tin, botdok ta pua’ng ka.

JEREMIAH 39:12

“Pui inla, pha tak in enkol inla, a chung ah bangma a phalo bawl kin; ama’n a hun dot gual gual in bawl piak ziang in,” ti in.

JEREMIAH 39:16

Chia inla, Ethiopia mi Ebedmelek kiang in: Israelte Pathian, Sepai honte Lalpa chun zia gual hin a gen hi vati’n: Zia khawpi chung ah thilpha hilo, a sia bawl ding ti ah ka gensa zosia chu hi, buting ngei ngei ding ka hi; zia guitunna chu nangma mit ngei in mu ding la hi.

JEREMIAH 44:11

Ziaziakchun, sepai honte Lalpa, Israelte Pathian chun zia gual hin a gen hi: Judai gam pumpi tawpna ding leh la chung ua siatna huaisia tak tunsak ding ka gaw ta ahi.

EZEKIEL 5:12

La lak ua se’thum sua a se’khat chu hipi a hem, kial a hem in thi’n la tiu in; a se’thum sua a se’khat chu la kîmvêl ua nam dangte chemjam in thi’n la tiu in; se’thum sua a se’khat dang cheng chu kil tin ah thejak in, chemjam del zuisak nalai ding ka hi,” a ti tai.

EZEKIEL 5:2

Khawpi lâkna ni a bukim phat leh, sam, se’thum sua a se’khat chu khawpi sung ah mei in hâltum inla; se’thum sua se’khat chu khawpi kîmvêl ah chemjam in sâttan sik sek inla; a se’thum sua se’khat dang chu hui tawsak inla, zia nung ah chun chemjam hun del zuisak ing ka.

THIAMPUTE LEKHABU 17:10

Kuale, Israel Inkuan lak ah mi a hem, gam dang mi la lak ua chêng a hem in, thisan a nêk khak chun, zia mihing chu do ing ka tin, ama chu a mite lak ah kipat in paitha ding ka hi.

THIAMPUTE LEKHABU 26:33

Chuleh, namtin lak ah hun thejak ing ka tin, la nung uh chemjam in hun delzui pek nalai ding ka hi. La gam uh nutsia in um intin, la khawpiteu le man lo suak ta’n a.

AMOS 9:8

Lalpa Pathian mitte chu lenggam gilo chung in a chu hen; lei chung ah kipat in sumangthai ing ka; Jakob Inkuante bep chu hi’mangthai suak pua’ng ka, Lalpa‘n a tii.

ZEKARIAH 8:10

Tu’ma khan mihing â ding leh gancha â dingin nasep thaman a um puai; chuleh, a lut leh a pawtte â dinginle mêlma lak ah kipat bitna ding bangma a um diak pua’n, mitin a Invêngteu chiat tawh ka kidosak tâk ziakin.