AMOS 8:9 - PATHIAN LEKHABU THIANGTHO (BSI)

⁹ Lalpa Pathian in, “Zia ni chuleh sûnchang lai in, nisa tumsak ing ka tin, sûnchang lai tak in lei chung thimsak ding ka hi.

AMOS 8:9 ပူးပေါင်းရင်းမြစ်များ

JOB LEKHABU 5:14

Sun khawvak lai inle khawthimna a tuak un, sûnchang lai tak inle, jan lai gual in a kisui sek ui.

ISAI 13:10

Van ah aksite leh aksi honte chun a vâk uh sua ta pua’n au; jingkal nisale thim ta’n tin, thapi le vak ta pua’n a.

JEREMIAH 13:16

Thimna a hun tunsak ah, phalvak ah mualte ah la keng uh la kisui masang un, Lalpa la Pathian uh chu choihoina piau in; vâk la hawl lai un ama’n lungjinna leh, thimpi a hun suaksak ta hi.

JEREMIAH 15:9

Cha sagi neinu chu hatsam ah chausia’n, a hat lâk ding bep a buaipi tai; sûn lai tak in a nisa chu a tum tai; zakcha leh mualpho tak in a um tai. A dang cheng chu a mêlmateu âng ah chemjam ah, thalup dingin pia ta’ng ka, Lalpa‘n a tii.

EZEKIEL 32:7

Nang ka hun gawtmang phat leh, vante khû ing ka tin, aksitele thimsak ing ka; nisa chu sûmpi liasak ing ka tin, thapi le thim ta’n a.

AMOS 4:13

Ngai in, tângte hun siam ah, huite siam ah, mihingte kiang ah a ngaituanate hiatsak ah, jingkal chu khawthim suaksak a, lei munsângte chuanden pa, a min Lalpa, sepai honte Pathian chu ahi ngal a!

AMOS 5:8

Bombial leh sizuhei suktun siam a, khawthim tak jingkal chansak a; khawvak chu janthim ah chansakpa, tuisuagiat ah tuite kodawk ah, lei chung ah gawtui zuksakpa chu, a min Lalpa ahi’n;

MIKAH 3:6

Ziaziakchun, kilâkna la mutheilona ding ah, jan hung hi’ntin; kilâkna him him la mutheilona ding ua, thim hun jin khumsak ding ka hi; jawlneite â dingin nisa’n mual khum ta’n tin, sûnle amau chung in khawthim hita’n a;

ZEKARIAH 14:7

Chuleh, sûn in choltik nei talo in (Lalpa het dan in) sûn leh jan kiti um chuam ta pua’n ah; nitâk janthim hun inle khua vâk zing ta’n a.

MATTHAI 24:29

Zia buaina hun zaw zaw ah chun, nisa hung thim intin, thapi’n le a vak sua ta pua’n a; van ah kipat in aksite hung kia’n tin, van thil hi’theinate hilîng in um in a.

MATTHAI 27:45

Sûn kim ah kipat sunnung dak thum chan in gam pumpi a thim suak tai.

MARKA 15:33

Sûnkim ah kipat in nitâk lam dak thum tiang gam pumpi a hung thim ta’n.

LUKA 23:44

Sûnkim a hung hita’n; zia hun ah kipat chu sunnung lam dak thum tiang, lei chung pumpi chu a hung thim suak ta’n.

THUPUAN 6:12

Chun, tepte’na pagukna a phel lai tak ah chun, linlîng nasa tak a hung lîng a; chun nisa chu saidip puan vom gual in a hung vom ta, chuleh thapi le thisan a hung bang ziang tai.

THUPUAN 8:12

Chun, vansawlchâk palina chun a pengkul chu a mût leh, nisa mun thum ah khen mun khat leh, thapi mun thum ah khen mun khat leh, aksite mun thum ah khen mun khat chu suksiat in a um tau ah; ziate chu mun thum ah khen mun khat a hung thim tâk ziakin, sûn le mun thum ah khen mun khat a thim ta’n, jan le zia gual ma chun a hung um tai.