AMOS 8:2 - PATHIAN LEKHABU THIANGTHO (BSI)

² Ama’n, ka kiang in, “Amos, bang la mu em?” ei ti’n. Keima’n, “Nipi theiga bawm khat ka mui,” ka ti’n. Ziaphatchun, Lalpa‘n ka kiang in: Ka mipi Israelte chung in tawpna chu a tung tai; a chung ua gawtna tung ding chu, thul him him ta pua’ng ka.

AMOS 8:2 ပူးပေါင်းရင်းမြစ်များ

THILSIAM THU 6:13

Pathian in Noah kiang in, “Taksa zosia subei ding ka hi tai, amau haw ziakin lei chung hi kipawngbawlna’n a dim ah; ziate ziak ah chun, a leisiat natiang hile susia khawm ding ka hi.

ISAI 28:4

An tui tak takte ne ah, kivakthaute luchung ah um, mêlphatna lopi pakcha gual ah mual tha ziang chu, nipi tunma theipi ga min masa gual hung hi’ntin; a maikha taphot in a nêk zaw ziang gual hiding ahi.

JEREMIAH 40:10

Kei ka hileh, Mizpah khua hin um ing ka tin, I kiang ua hung ding Kaldaite âng in la leng ua thasâng in a la pang ding ka hi; nang un vang uain leh nipithei ga leh sathaute kilak khawm in, la belteu ah kikoikhawm in, la khawpi lâknateu ah chun chêng ziang un,” ti’n a gen a.

JEREMIAH 5:31

Jawlneite’n diklo tak in thu a gen un, thiampute’n le jawlneite thupiak dungzui in vai a hawm ui; ka mite chun la zia gual nei chu a nuam un, a tawpna hung tung ta leh, bangti’n la bawl ta diam uh?

KÂ LATE 4:18

I kotzing nasan un I nop nop ua, I vâk vêl theilona ding un, I kalsuan uh a chingsui un; I tawpna ding uh a nai tai; I hunteu hi tiam ahi; I tawpna ding uh a hung tung ta hilam.

EZEKIEL 12:23

Zia gual hin hil in: “Lalpa Pathian in zia gual hin a gen hi: Zia thuching chu Israelte lak ah a mat kît tâklona ding un, hi’tawp ding ka hi tai,” a tii ti’n gen in. Himaleh, a kiang un, Thil kimu lawk zosia bukimna ding chu a nai tai.

EZEKIEL 29:8

Ziaziakchun, Lalpa Pathian in zia gual hin a gen hi: Nangma do ding in chemjam hun sawl ing ka tin, mihing leh gamsate lak ah kipat hun paitha ding ka hi;

EZEKIEL 3:10

Chuleh, ka kiang in: Mihing, la kiang ah ka thugen ding zosia hi la lunggil in vop inla, la bil inle he ta hen;

EZEKIEL 3:7

Himaleh, Israel Inkuante chun la thugen ngaisak pua’n au, ka thugen a ngainop lo ziak un; Israel Inkuante zosia milochal leh lung tâk ngen a hiziak un.

EZEKIEL 7:6

Tawpna a hung tung in, a tawpna a tung tai. Nang kilanpi dingin a hung tho hi; en in, a hung tung hi!

EZEKIEL 8:12

Ziaphatchun, ka kiang in, “Mihing, Israel Inkuan ah upa vaihawmte’n, pindan sung thim nuai ah a milimteu bang law a hiu em ti la mu em? Amau in, ‘Lalpa‘n ei mu pua’n, Lalpa‘n gam hi a nutsia ahi tai,’ a ti ta’ngal un,” a hun tia.

EZEKIEL 8:17

Ziaphatchun, ka kiang in, “Aw mihing, ziate chu la mu em? Judah Inkuante’n zia tak ah thil phalo a bawl uh hi ki’dak um tawk hilo a hem? Gam pumpi hiamngamna’n a hi’dim un, ka lungnatna choktho sawn sawn lo ding a hiu em? En in, a nâk uh a sunîl tau hilam!

EZEKIEL 8:6

Ka kiang in, “Mihing, ka mun thiangtho ah kipat ei delmang ding in, Israel Inkuante’n bang gual ah ki’dak um bawl a hiu em ti la mu em? Ziate sâng ah ki’dak um zaw diak a bawl uh le hun etsak nalai ding ka hi,” ti’n a hun gen a.

HOSEA 9:7

Gawtna nite chu a hung tung in, thukna nite chu a hung tung tai; Israel in ko intin, “Jawlnei chu mingol ahi’n, thagau mi chule a ngol ahi tai,” ti in. La khawlona huaisia tak ziakin, la huatna le a huaisia ahi.

AMOS 7:8

Lalpa‘n ka kiang in, “Amos, bang la mu em?” ei hun ti’n. Keima’n, “Ettuakna,” ka ti’n. Ziaphatchun, Lalpa‘n: “Ngai in, ka mi Israelte lak in ettuakna koi ding ka hi; a chung ua gawtna tung ding chu lamang kit ta pua’ng ka tin;

AMOS 8:1

Zia hi Lalpa Pathian in ei etsak chu ahi: Nipi thei, bawm khat ah kikoi ahi.

MIKAH 7:1

Ka chung a gik na e! Nipi thei a lâk khawm nung ua, grep ga a law zaw nung ua nêk ding, bawk khat ziang le mulo tawh bang chu ka hi; ka duchâk ma ma theichang min khat chale a um puai.

ZEKARIAH 5:2

Ama chun, “Bang la mu em?” ei hun tia. Ke’nle, “Lekhabu zial lêng tawl tawl pakhat ka mu’n; a dunglam chu tong sawmni ahi’n, a vailam chu tong sawm ahi,” ti’n ka dawnhu a.