AMOS 7:3 - PATHIAN LEKHABU THIANGTHO (BSI)

³ Zia thu ah hin Lalpa‘n a lung a hei ta’n, “Zia gual chu hita pua’n a,” Lalpa chun a ti tai.

AMOS 7:3 ပူးပေါင်းရင်းမြစ်များ

THILSIAM THU 6:7

Tichun, Lalpa’n, “Ka mihing siamte hi lei chung ah kipat in hi’mangthai mai ing ka, mihing hileh, ganhing hileh, a bokvâkte hileh, chung leng vachate natiang in, amau ka la siam hi ka kisîk ta ahi,” a ti’n.

1 KHANGTHU 21:15

Chuleh, Pathian in Jerusalem khua susia dingin vansawlchâk le a sawl ah; himaleh, a suksiat ding kuan in, Lalpa‘n a chung ua siatna tung ding chu ngai ngam lo in a khut a juk kit ah, a susia ding vansawlchâk kiang ah chun, “Hun ta hen! Hai ta’n,” a ti tai. Lalpa vansawlchâk chu Jebus mi Ornan buphual ah a din lai tak ahi.

SAM 106:45

Amau ziakin a thuthung a hezing a, a ngilneina nasat dungzui in, a chung un a ja’ngaina a tâklang tai.

SAM 78:38

Ahi’n, ama chu lainatna dim ahi ziakin, a khawlonau chu ngaidam in amau chu a gawt chimit diak puai. A lungnatna a kisûm ah, a hachang thakna zosia chu a choktho nuam puai.

SAM 90:13

Aw Lalpa, hung kile’kit ta’n! Bang chan a hem la lungnat ding? La suakte hi khawtua ta’n.

PAWTDAWNA THU 32:14

Chutichun, Lalpa’n a mipite chung ah thil phalo bawl ding a ngai tuana’ kipat chun a lung a hei tai.

JEREMIAH 26:19

Judai gam ah Lengpa Hezekiah tawh, Judai gam ah mipite chun a la that ziang sam awm? Lalpa chu lau in, Lalpa doisakna a dot ziak un a chung ua siatna tung ding ah a la gendawsa kha, Lalpa‘n a lungthim theng kit mai hilo a hem? Tu’hin, ei haw vang, I chung ua siatna huaisia tak tunsak ding I hitau hilam! a hun tiu a.

JEREMIAH 42:10

Zia gam ah hi la um den hiat hiat ua leh, hun tungding ing ka tin, hun suchim lo ding ka hi; hun phu ing ka tin, hun botdok lo ding ka hi; la chung ua thil phalo ka hun tunsakte haw hi, ka kisik kit ta’ngal a.

HOSEA 11:8

Aw Ephraim, bangti’n hun haisan thei ding ka hem? Aw Israel, bangti’n hun pedok thei ding ka hem? Admah gual ah bangti’n hun siam thei ding ka hem? Zeboim gual ah bangti’n hun bawl thei ding ka hem? Ka sung ah hin ka lungchang a kitum in, ka khawtuana a nasa’n, a thûk ma ma hi.

JOEL 2:13

la puan uh hilo, la lungthimteu bawtkêk un, a ti nalai hi. Lalpa la Pathian lam un hung kit un, ama chu mi lungsiat thiam leh ja’ngai thiam, lungniang leh lainatna dim leh mi gawt ziang nuam lo ahi ngal a.

JOEL 2:14

Lalpa la Pathian un maljawlnate ei pia’n, thâi thillat leh, dawn ding thillatte ei pia’n, a lungnatna juk kit ah, kihei kit lo mawng mawng ding ahi, ti kua a hem he thei?

AMOS 5:15

Gitlona huau inla, phatna ngaina tau in; kul kotbul ah vaihawmna dik din tau in; Joseph Inkuan a um nalai sunte chung ah Lalpa, sepai honte Pathian chun lungsiatna a hun nei khâk leh.

AMOS 7:6

Zia thu ah hin Lalpa‘n a lung a hun hei ta’n, “Zia hile hita pua’ng ka,” Lalpa Pathian in a hun ti tai.

JONAH 3:10

Pathian in a thil bawlteu, a lampiu phalote a kiheisan dan uh a mu phât in, a chung ua thil phalo tung ding a gensate chu bawl talo dingin a lungthim a theng tai.

DAN LEKHABU 32:36

A mite hatna a bei tai ti leh, khumbil ah um leh, zalen um chuam talo a hiu ti, a mu phat leh, Lalpa‘n a mite dikna’n vaihawm intin, a suakte chu lainat kit ta’n a.

JAKOB 5:16

Chutichun, sukdam ah la umtheina ding un, la gitlonateu thupha kichawi tuau in la, kipauchaptua piak un. Midik pauchapna chun thil ahi’thei ah, a phachuam hi.