AMOS 7:2 - PATHIAN LEKHABU THIANGTHO (BSI)

² Gam ah hampa zosia a nêk zaw phat un, keima’n: “Aw Lalpa Pathian, ngaidam in, la ngaidamna ka dawn hi! Jakob bangti’n pang zo ding a hem? Ama a neu ngal a!” ka ti ta’n.

AMOS 7:2 ပူးပေါင်းရင်းမြစ်များ

SAM 12:1

Aw Lalpa, ei panpi in, Pathian ngaisak mi la a um ta paw’ngal in; mihing chate lak ah mi ginum a um ta puai.

PAWTDAWNA THU 10:15

A gam lei chung pumpi a dâpsuak ziak ua chun, a gam pumpi chu a a vom hial ta’n; chutichun, gial in a suksiat bang anche lohing leh thingga chi zosia chu a ne zo ziang tau a; tichun, Aigupta gam sung pumpi ah chun thinghing, loupa hing leh lou ah anche lohing a um ta puai.

PAWTDAWNA THU 34:9

Chuleh a kiang in, “Tu’hin la mittung ka hi chun aw Lalpa, ka ni la hi: Ka Lalpa ka lak un lungsiat tak in ei kitonpi in aw; mi lu’lul tak himaleng uh le, ka gitlo nau leh bawl khialnateu ei ngaidam inla, la gochan dingin ei la’n,” a tia,

ISAI 37:4

Lalpa la Pathian in, Assuria lengpa’n Pathian hing hosia ding ah Rabshakeh a hun sawl in, a thugen zosia kha a la he ta ngei intin; zia a thugen a het zosia dungzui chun Lalpa la Pathian in a la vau thuk kit ta hen. Ziaziakchun, nutsia ah a la umte â ding ah chun a la pauchap piak ta’n,” a tiu a.

ISAI 51:19

Zia thil panite hi la tuak ding a um ah, kua’n a hun dâpi ta diam? Hi’gamna leh hi’siat dim dem hun ah, kialna leh chemjam lênna, kua’n a hun thamuan ta diam?

JEREMIAH 14:7

Ka khawlonateu in ei hêk zing maleh, aw Lalpa, la min ziakin ei panpi inla; ka nungtolnau a tam ma ma’n, la chung in ka la hi’khial zo tau hi.

JEREMIAH 42:2

jawlnei Jeremiah a hun nai un, a kiang in, “Lungsiat ah ka dotnau ei ngaithâk piak dingin, la phatna sua inla, Lalpa la Pathian kiang ah, a um nalai sunte â ding hin ei dot piak in. La mit ngei ah la mu gual in, mi tam tak lak ah tawmcha bep nutsia ah um ka hitau hi.

EZEKIEL 11:13

Zia thu chu ka gen lai in, Benaiah chapa Pelatiah chu a thi ta mai a. Ziaphatchun, ka mâichang ah lei tual si’n ka bokkhup ah, aw ngai tak in ka kap ah, “Katei Lalpa Pathian! Israelte lak ah a um nalai sunte that gam mai ding la hem?” ka ti tai.

EZEKIEL 9:8

Mi a vatha sung un kei ngen in ka um ta’n, bokkhup in ka kap ah, “Katei, Lalpa Pathian! Jerusalem ah la lungnatna la butthâk sung hin, Israel mi a um sunte chu that zo vek ziang ding la hem?” ka ti tai.

DANIAL 9:19

Aw Lalpa, ngai inla; Aw Lalpa ngaidam in; aw Lalpa ngaitha’n la, khawdâng lo in hun bawl ngal in! Aw ka Pathian, nangma min ziak in, khawpi leh mipite chu nangma min ah kiminlaw ahi ngal un! ti in.

JOEL 2:17

Lalpa nasêm thiampute le, mâichâm leh hulliap kikâl in kap tau hen. “Aw Lalpa, la mite hawi inla, la gochante nuizatbûk leh, namdangte gensim di’n siam kin. Bang ziak ah namdangte lak ah, ‘A Pathian uh khawi ah um a tam?’ ti ah a um ding,” ti tau hen.

AMOS 4:9

Thinglung leh gial in ka hun gawt ah, la huanteu leh grep huanteu a hawm in ka umsak a, la theipi kungteu leh la Oliv thingteu khaubepi’n a ne zo tai; Chutisapi’nle ka kiang in la hung kile’kit puau hi, Lalpa‘n a tii.

AMOS 7:5

Ziaphatchun keima’n: “Aw Lalpa Pathian, hâi ta’n, ti’n ka don a! Jakob bangti’n pang zo ding a hem? Ama a neu ngal a,” ka ti’n.

ZEKARIAH 4:10

Kuale, thil neucha nite musit taphot chu hung kipak intin; Zerubbabel khut ah etdikna um chu a la mu ngei in au. Zia mit pasagite hi Lalpa mit, kawlkil zosia mu suak chu a hi, a ti’n.

THUPUAN 9:4

A chal ua, Pathian tepte’na neilote longal chu lei ah hampate leh thai thilhingte leh thingte le bangma law lo ding ah thupiak a hiu.