AMOS 7:14 - PATHIAN LEKHABU THIANGTHO (BSI)

¹⁴ Ziaphatchun, Amos in Amaziah dawnhu in, a kiang in, “Jawlnei ka hipua’n, jawlnei chapa le ka hi diak puai; himaleh, kei chu gan-gual chingpa leh theipi kung enkol bep ka hi hen;

AMOS 7:14 ပူးပေါင်းရင်းမြစ်များ

1 LENGTE 19:19

Tichun, zia kipat chun a kipandok ah, Shaphat chapa Elisha loukai lai chu a vamu ta’n. A ma-âng in bawngchal ngawngkol kitua sawm leh khat a um un; ama chun a sawm leh ni’na chun lou a kai ah. Elijah chun a kiang a vahaw ah, a puanâkchual chu a se’khum tai.

1 LENGTE 20:35

Lalpa‘n thu a pia, jawlnei honte lak ah kipat pakhat chun a dang pakhat kiang in, “Ei vua’n!” a tia. Himaleh, mipa chun a vaw nuam pua.

2 LENGTE 2:15

Jeriko ah jawlnei pawl khat umte’n ama chu a la gâl mu phat un, “Elijah thagau Elisha ah a um tai,” a la tiu a. Ama lamtua dingin a hung un, a âng ah leitual in a bokkhup tau hi.

2 LENGTE 2:3

Bethel ah jawlnei pawlkhatte chu Elisha kiang in a hung ua, a kiang in, “Tu’ni hin Lalpa‘n la hotupa hi nang ah kipat lamang ding ahi ti he lo la hem?” a tiu ah. Ama chun, “Ahi, ka henai; thip hiat hiat un,” a tia.

2 LENGTE 2:5

Jeriko ah jawlnei pawl khat umte chun Elisha a hun nai ua, a kiang in, “Tu’ni hin Lalpa‘n la hotupa nang ah kipat lamang ding ahi ti he lo la hem?” a tiu ah. Ama’n a kiang un, “Ahi, ka henai; thip hiat hiat un,” a tia.

2 LENGTE 2:7

Jawlnei pawl khat umte lak ah mi sawmnga chule a chia tau a, amau tawh kigamla deu in a ding ua, amau teni chu Jordan lui gei in a ding ua.

2 LENGTE 4:38

Elisha chu Gilgal ah a vaikit phatin, gam ah chun kial a tung ta’n. Jawlneite pawl khat chu a ma-âng ah a kichut zing lai un, a suakpa kiang in, “Leibêl lian kha suang inla, jawlneite pawlkhat â ding hi an huan in,” a tia.

2 LENGTE 6:1

Tichun, jawlnei pawlkhatte chun Elisha kiang in, “Nang inle la mu gual in, la ma bul ah I chut khawmnau mun hi ei uh â dingin a neu ta luai.

2 KHANGTHU 16:7

Zia lai tak ah chun, thiamgau Hanani chu Judai gam ah Lengpa Asa kiang in a hungah, a kiang in, “Lalpa la Pathian ah kinga’ lo ah Aramte lengpa la kingak zawk tak ziakin, Aramte lengpa sepaite chu la tha’suak ta ahi.

2 KHANGTHU 19:2

Hanani chapa Jehu, thiamgau chu ama mu dingin a chia ah, Lengpa Jehoshaphat kiangah chun, “Mi nunsiapa panpi in, Lalpa mu nuamlote chu ngaina zing nalai ding la hem? Zia gual ah la um ziak ah chun, la chung ah Lalpa hachang thak ding ahi.

2 KHANGTHU 20:34

Tu’hin, Jehoshaphat sepdaw leh bawldaw dang dangte chu, a masa pen ah kipat a tawp tiang in, Israel Lengte Chanchin kizikna Lekhabu, Hanani chapa Jehu khangthu zikna lekhabu chun a kizik lut sik sek hi.

JOB LEKHABU 30:4

hampa lohing duate an ah ging in, munphi bawk in a kituam lum ui.

AMOS 1:1

Judai gam ah lengpa Uzziah leh Israel gam ah lengpa Joash chapa, Jeroboam vaihawm hun lai in, lînlîng masang kum ni ah, Tekoa mun ah belam ching mi lak ah mi, Amos in Israelte chung thu a mu chu:

AMOS 3:8

Sakeibaknei kitum lau lo kua a hem um ding? Lalpa Pathian in a gen ta’n, kua a hem îm thei ding?

ZEKARIAH 13:5

amau chun, “Jawlnei ka hipua’n, lou bawl mi ka hi; lou gamte hile ka tanglak lai ah kipat khan ka gochan a la hi tai,” ti ta’n au.

1 KORINTH 1:27

Himaleh, mi pilte chu a mualpho theina ding un, Pathian in khawvel thil ah ngolhuai chu a têl zaw ta’n; chuleh, khawvel ah thil zawngkhâlte chu Pathian in a têl ah, a hatte a mualpho theina ding un.

1 SAMUEL 10:11

Malai ah ama a la he’khate chun, jawlnei dangte tawh thu genlawk ah a pan chu a mu phât un, “Kish chapa hi bang chang a hita? Saul le jawlnei lak ah pang hita’n ah maw?” ti’n a kihotua sau sau ziang tau a.