AMOS 6:1 - PATHIAN LEKHABU THIANGTHO (BSI)

¹ Zion ah kinoptel ah, Samaria tâng ah bit kisate, nam zosia lakah a pakhatna kingaite lak ah miliante, Israel Inkuan in a bêlteu haw, la chung uh a gik hi!

AMOS 6:1 ပူးပေါင်းရင်းမြစ်များ

1 LENGTE 16:24

Shemer kiang ah kipat Samaria Mual chu dangka talent ni in a chawdok ah; Mual chungvûm ah chun In a bawl ah, a In sak khawpi min ah a mual neipa min chu pu’n, Samaria a sak tai.

SAM 123:4

Mi nuamsate simmawna leh, mi kisatheite musitna’n ka hinnau a dim ta’i.

THUPILTE 1:32

Mimawlte chiapetna chun thi’n la tiu in; mingolte lungawina chun hun hi’mangthai in a;

ISAI 33:14

Zion ah migilote chu a lau tau a, pathian neilote chu a kithingse tau a: “Zia gual ah mi kâng mang thei meikuang lak ah hin, I lak ua kua a hem pang zo ding? Kumkhua meikuang lak ah chêng thei ding, I lak un kua I um awm?” a tiu a.

JEREMIAH 2:3

Israelte chu Lalpa â ding ah thiangtho a hiu in, a ga masa pen chu ahi. Amau ne tapo chu thiamlo chang a hiu; a chung un siatna tunsak ding ka hi, Lalpa‘n a tii,” ti in.

JEREMIAH 48:11

Moab chu a khangdawn lai ah kipat, nuam tak ah a la um, uain a hâi ah kiteilet ngailo a, um hiat hiat gual chu a la hi’n; sal ah mat khâk ah um ngai lo a la hi; ziaziakchun, a gim a dai pua’n, a gimtuina le suksiat ahi puai.

JEREMIAH 49:31

Hung kipan unla, thamuang tak ah chêng, bit kisa ma ma, kul kotkhak le nei lo, kotkhak thikjawl le umlo ah, a chang ah chêng namte chu vado hitiu, Lalpa‘n a tii.

JEREMIAH 5:5

Mihausate kiang lam ah chia ing ka tin, a kiang un gen mai ing ka; amau chun vang Lalpa lampi chu hia’n, a Pathian dan uh chu he ngei ngei in au,” ka ti’n. Himaleh, a leng un a ngawngkol uh a susia tau a, a mi kânna khaute a ât tan zo tau hi.

JEREMIAH 7:4

“Zia hi Lalpa tempul ahi, Lalpa tempul ahi, Lalpa tempul ahi! Kuama’n bangma ei law pua’n au,” ti ah kithepna thute hi taksang kiu in.

KÂ LATE 1:1

Bang ding ah khawpi, mipi ah dim kha, thawmhau tak ah chu mai! Namte lak ah lopi tak ah um kha, bangtidan ah meithâi gual ah, hung um mai a ta’m! Gambung chung ah lengnu chu, Sia’mâng lakah khat gual bep in a um tai.

AMOS 3:2

Khawvel ah Inkuan zosia lak ah, nang uh bep hi ka het la hiu in, ziaziakchun, la dukdaklo’nau zosia ziakin hun gawt ding ka hi.

AMOS 3:9

Ashdod ah kulpite kiang leh, Aigupta ah kulpite kiang in puangdok un: “Samaria tâng chung ah kikhawm unla, a sung ah bang gual buaina tung ah, a lak ua nuaisiana umte chu en tiam un” ti’n gen un.

AMOS 4:1

Zia thute hi ngai un, nang uh Bashan ah bawngpite haw: Samaria tâng chung ah um ah, michagate sugenthei ah, mi tasamte tawden ah, a pawsalteu kiang ah, “Bang a hem khat dawn ding hun lau in,” tite haw.

AMOS 5:27

ziaziakchun, Damaska khêl lam pek ah, sal ah hun pui mang ding ka hi, Lalpa‘n a tii; a min chu sepai honte Pathian chu ahi.

AMOS 8:14

Samaria ah Ashimah sal ah kihaksial ah, ‘Aw Dan, la Pathian a hin gual in,’ ti leh, ‘Beer-sheba khua zotna lampi a hin gual in,’ tite chu kipûk in au; bangtik inle thokit ta pua’n au,” a tii.

AMOS 9:10

Ka mipite lak ah, “Siatna’n ei delpha pua’n tin, I chung unle tung pua’n a,” ti ah gilo zosia chu chemjam ah satlum in um in au.

MIKAH 3:1

Nanghaw Jakob Inkuan hotute leh, Israel Inkuan ah vaihawm zosiate haw ngai un! Vaihawmna dik chu he lo la hiu em? ka ti’n.

ZEPHANIAH 1:12

Ziaphat chuleh, thaumei chawi in Jerusalem hawl ing ka tin, amau kimuang ah, a lungthim ua: “Lalpa‘n thilpha bawl pua’n tin, thil sia le bawl diak pua’n a,” ti zosia chu gawt ding ka hi.

JAKOB 1:18

A thilsiamte lak ah ga masa I hung hi’theina ding un, ama doi gual sukbutinna’n, thutak ah chun ei hing tai.

JAKOB 5:5

Lei chung ah buting leh nopsa tak in la khawsau in; gan la tha niu ah chun la lungthim uh la hilim ui.

1 PETER 5:7

La lungkhamnau zosia ama chung ah septhau in, ama’n la khan khua ding uh a gêl nai.

VAIHAWMTE 18:7

Mi pangate chu a chia pek ua, Laish a hung tun phat un zia gam ah mite, nuamsa tak ah a khawsak dan uh, Sidonte gual ah gâl muang leh lauthonna neilo, tâksap le neilo leh hausa tak ah umte chu a vamu tau ah. Zia mai chule hilo in, Sidonte tawh a kigamla ma mau ah, chuleh, Aram mite tawh le kimatna bangma a nei puau hi.