AMOS 5:8 - PATHIAN LEKHABU THIANGTHO (BSI)

⁸ Bombial leh sizuhei suktun siam a, khawthim tak jingkal chansak a; khawvak chu janthim ah chansakpa, tuisuagiat ah tuite kodawk ah, lei chung ah gawtui zuksakpa chu, a min Lalpa ahi’n;

AMOS 5:8 ပူးပေါင်းရင်းမြစ်များ

JOB LEKHABU 12:22

Thim nuai thûk tak ah umte chu a hawkdok ah, thim sâ tak chu vakna’n a phodok hi.

JOB LEKHABU 37:13

Sukdikna ding a hem, a gam phatna ding a hem leh, a ja’ngaina ziak a hem ah a hun umsak ahi.

JOB LEKHABU 38:34

Nang hun chup hial ah tuisâng hung letsak dingin, van ah sûmpite khi la ko’tha thei diam?

JOB LEKHABU 9:9

ama’n Bombial leh zuheisuktun leh, Jangkhawlei leh simlam ah, aksi umnate a siam ah,

SAM 104:20

Nang in thim la siam ah, zia chu jan a hung hisek in, ziaphat chuleh, gammâng ah zu leh va zosia, a hung tadok sek ui.

SAM 105:28

Ama’n thimpi a sawl ah, a gam uh a hi’thim ta’n; a thute nial in a huhel ui.

ISAI 42:16

Mitthûm chu lamlian hetkhaklo’na kaibât ing ka tin, a lampi hetkhâk lonau ah chun pui huai ding ka hi. A ma-âng ua thimna zosia vaksak ing ka tin, lampi phot lek luk chu hi’nâm piak ding ka hi. Zia thilte chu bawl piak ding ka hiziak in, amau chu nusia lo ding ka hi.

ISAI 59:10

Mitthûm gual in bâng ka jût un, mit beite gual in ka kimai ui; thim lak ah kisui gual in, sûnchang lai tak inle ka kisui un, mi thatho takte lak in, mithi ka bang bep ui.

JEREMIAH 16:21

“Ziaziakchun, amau hil ding ah ka chia tei tei ding ahi; tu chung ah hin, ka thilhithei dan leh ka hat dan hil ding ka hi; tichun, ka min chu Lalpa ahi ti he ta’n au,” ti in.

JEREMIAH 33:2

Khawvel siamdokpa leh tundin ding dan guanggal ah tungdokpa Lalpa, a min Lalpa chun, zia gual hin a gen hi:

AMOS 4:13

Ngai in, tângte hun siam ah, huite siam ah, mihingte kiang ah a ngaituanate hiatsak ah, jingkal chu khawthim suaksak a, lei munsângte chuanden pa, a min Lalpa, sepai honte Pathian chu ahi ngal a!

AMOS 8:9

Lalpa Pathian in, “Zia ni chuleh sûnchang lai in, nisa tumsak ing ka tin, sûnchang lai tak in lei chung thimsak ding ka hi.

AMOS 9:6

ama’n a pindan chungnung van ah a siam in, lei chung khû dingle a siam hi; tuisuagiat ah tuite a kodok ah, lei tual ah gawtui zuksak pa, a min chu Lalpa ahi.

MATTHAI 4:16

‘Thim nuai ah chu te chun vâk lopi tak chu a mu tau in, thina lîm guam ah chu te chung ah chun, vâk a hung suakdok tai,’ tia a gen kha a hung guitun theina dingin”.

LUKA 1:79

thim lak leh thina lim nuai ah a la chute, salvâk ding leh thamuanna lampi lam ah, I kengteu pui dingin,” a tia.