AMOS 5:6 - PATHIAN LEKHABU THIANGTHO (BSI)

⁶ Lalpa chu hawl unla, hing tau in; achutiloleh, Joseph In sung ah kipat in, meikuang gual in pawtdok intin, Bethel kâng tum intin, a phelmit ding kuama um pua’n a.

AMOS 5:6 ပူးပေါင်းရင်းမြစ်များ

2 SAMUEL 19:20

Keima la suakpa hin ka bawlkhial dan tak ka he ta’ngâl in; ziaziakchun, ngai in, tu’ni hin la kiang ah Benjamin Inkuante lak ah kipat nangma lengpa, ka lalpa tuak ding ah hung masa pen ka hi,” ti’n a gen a.

1 LENGTE 11:28

Zia mi Jeroboam chu mi thiam tak ahi’n; Solomon in zia tangval chu taima tak ahi ti a het phat in, Joseph Inkuan ah nasemte hotu’n a siam a.

2 KHANGTHU 34:25

Keima ei kiheimangsan in, pathian dangte kiang ah kithoina a lat ziak un, amau khut nasepte ah chun ei choklungnau ah; ziaziakchun, zia mun ah hin ka lungnatna buntha’ng ka tin, zia chu phelmit zaw hipua’n a.

SAM 27:8

Ka lunggil in, “Hung inla ka mêl hung hawl in!” a ti’n. “Lalpa, la mêl ahi ka hawl,” ka ti’n.

SAM 69:33

Lalpa‘n tasamte chu a ngaitua sek in; ama mi têl, mi tângte chu a mutawm ngai puai.

PAWTDAWNA THU 22:6

Mi pakhat in mei tha’suak in ling leh khaute a hun kât ah, buphalte leh a kisia khawmte a hem, bu dinglaite a hem, lou a hem a hun kâk khâk chun, mei tha’suakpa chun a dit vek ding ahi.

ISAI 1:31

Mihat chule meikuangchaw ding ah kibawl, thingthem tawhbang bep hung hi’ntin, a thilbawl uh le meisi gual bep hung hita’n a; amau leh a thilbawl uh kâng tum khawm intin, a phelmit ding kuama um pua’n a.

ISAI 55:3

La bil uh dawu inla, ka kiang lam ah hung un; la dam theina ding un ngai un. La kiang un kumtuang thuthung, David kiang ah ka hepina thutiam chu, hun pia ding ka hi.

ISAI 55:6

Mu bailam ah a um lai in Lalpa chu hawl unla, a nai lai hin ko un;

JEREMIAH 38:20

Jeremiah in, Zia gual chun hun bawl pua’n au, la kiang ah Lalpa thu ka gen hi ngai mai in; chutileh, nang â dingin pha’n tin, chuleh, la hinna le humbit hiding ahi.

JEREMIAH 4:4

Aw, Judai gam ah mipite leh, Jerusalem khua chêng zosiate haw, Lalpa â dingin kikoi thiang unla, la lungthim zek uh tan un; achutiloleh la nunchan phat lonau ziakin, kuama’n a phelmit lo dingin, ka lungnatna meikuang gual ah, hung kuangdok in hun kâng tum ding ahi.

JEREMIAH 7:20

Ziaziakchun, Lalpa Pathian in zia gual hin a gen ngal a: ka lungnatna leh ka thangtawmna chu zia mun ah mihing leh ganchate, gam lak ah thingte leh, lei ah theiga zosiate chung ah hin hun sungtha ding ka hi; hun kâng tum intin, kuama’n phelmit pua’n au, ti in.

EZEKIEL 21:3

Israel gam kiang in: Lalpa‘n zia gual hin a gen hi ti’n: Nanghaw do in ka hung kuan hi, ka chemjam a pâi ah kipat jukdok ing ka tin, la lak ua midik hi’n mi nunsia hileh, sât tan sik sek ding ka hi.

EZEKIEL 33:11

A kiang un, Lalpa Pathian in kihaksial hial in, Migilo thi’na chun ka kipak puai; himaleh, migilote chun a umdan uh kiheisan uh hen la, hing leh dam in um leu ka ti ahi; hung kihei kit un, la umdan phaloteu nusia in hung kihei kit tau in; aw Israelte haw, bang ding ah thi mai ding la hiu em?

EZEKIEL 37:19

a kiang un, Lalpa Pathian in zia gual hin a gen hi ti’n la: Joseph mol (Ephraim khut ah um) leh Israel namte â chu la ding ka hi; Judah mol chu a chung ah koi ing ka tin, ka khut ah pakhat hiding in zomtua ding ka hi.

AMOS 3:14

A bawsiatnateu ziak ah Israel ka gawt phat leh, Bethel mâichâmte gawt khawm ing ka tin; chun, mâichâm kîte sâtbot in um in, tual ah kia’n au.

AMOS 5:14

La hintheina ding un gitlona hilo, phatna chu hawl tau in; tichun, la gensa gual in, Lalpa, sepai honte Pathian chun hun umpi ta’n a.

AMOS 5:4

Lalpa‘n Israel Inkuan kiang in zia gual hin a ti ngal a: Ei hawl un, tichun hing in lau;

AMOS 6:6

kuangcha bêm ah uain dawn ah, sathau pha pen pen kinu’te, himaleh, Joseph siatna pawnalote chung chu a gik hi!

ZEPHANIAH 2:3

Gam sung ah mi kingaitawm ah, a thupiakte zui tapo in Lalpa hawl tau in; diktat un la kingaitawmna hawl tau in; Lalpa lungnatna ni ah sêl gûk ah la um thei khâk leh.

ZEKARIAH 10:6

Judah Inkuan mite suhat ing ka tin, Joseph Inkuan ah mite chu hukdok ing ka. Amau chu ka lainat ma ma ziakin, ka paithâk khâk ngai lo gual in puidok kit ing ka; kei Lalpa a Pathian uh ka hia, amau dawnhu ta ding ka hi’ngâl a.

DAN LEKHABU 32:22

Ka lungnatna chu meikuang gual ah, chawthaw in hung um intin; Sheol mun nuainung pente chule kâng tum in ah; lei leh a sung ah um zosia le kâng tum ta’n tin, Mual leh tâng kingaknate chule a kâng hi.

DAN LEKHABU 4:24

Lalpa la Pathian uh hi, mi kâkmang mei gual leh doichilgil tak Pathian ahi ngâl a.

JOSHUA 18:5

Mun sagi in kihawm phot uh hen la, Judah in simlam ah a gam uh luau hen la, a ban ah Joseph Inkuan in mallam pang ah a gam uh luau hen.