AMOS 5:5 - PATHIAN LEKHABU THIANGTHO (BSI)

⁵ himaleh, Bethel hawl kiu inla, Gilgal ah lût kiu inla; Beer-sheba ah le gâl kâi kiu in; Gilgal chu matheilo in gam dang ah jam mang ding ahi’n, Bethel chu bangmalo hung hi’n a.

AMOS 5:5 ပူးပေါင်းရင်းမြစ်များ

THILSIAM THU 21:31

Zia chun a paniu in thuthung a siam gêl tâk ziak un, a mun min in Beer-sheba a sak tau a.

THILSIAM THU 21:33

Abraham in Beer-sheba ah chun thing pakhat a phu ah; zia tak ah chun El-Olam min chu a ko ta’n.

THILSIAM THU 26:23

Zia kipat chun Beer-sheba lam in a chia to tai.

THILSIAM THU 26:33

Chun, zia tuikul min ah chun, Shibah a sak in; ziaziakchun, zia khawmin chu tu’tiang ah hin Beer-sheba a hi den tai.

1 LENGTE 12:28

Tichun, lengpa chun, midangte lemguatpina dungzui in, sana bawngno lim pani a siam a. Mipite kiang ah chun, “Jerusalem ah la chiatonau kha a sawt tho tai. Aw Israel, la Pathianteu, Aigupta gam ah kipat hun puidokte chu ziate hi a hiu,” a tia.

1 LENGTE 12:29

Pakhat Bethel in a tungah, khatzaw chu Dan ah a koi tai.

2 LENGTE 23:8

Tichun, Judai gam ah khawpite ah kipat chun thiampute chu a kaidok ah, Geba ah kipat Beer-sheba tiang in, thoimual ah thiampute gimtui hâlna munte chu a sukbuak piak ah; khawpi kul kotkhak veilam pang ah um, khawpi sung awptu Joshua In lutna kêlkot ah thoimual haw chule, a susia sik sek tai.

JOB LEKHABU 8:22

Nangma hun mudate chu, mualphona’n tuam intin, mi nunsiate puan In chule bei ta’n a”.

SAM 33:10

Lalpa‘n nam tin lunggel chu bangmalo a chansak ah; mi tin thil guanggal chu bangmalo a suaksak sek hi.

ISAI 29:20

Mi khawksak beite chu bangmalo hung hi’n, mi musitte chule hi’mangthai ah um in, thil phalo bawl ding chânggu zosia leh,

ISAI 8:10

Lung a gêl khawm un, maleh, bangmalo suak tho tho in a; ngaidan a gen khawm un, maleh, bangma’n pang diak pua’n a; Pathian chun ei umpi ngâl a,” ti in.

JEREMIAH 48:13

Israelte’n Bethel a kisuanpiu, a mualpho khawlaw gual un, Moabte’nle Khemosh ziakin hung mualpho ta’n au.

HOSEA 10:8

Israelte gitlona, Aven, munsângte chu suksiat hita’n a. A mâichâm umna mun in ling leh lênling kek in a. Tângte kiang ah chun, “Ei khu un,” mualte kiang ah chun, “Ei delkhum un,” ti ta’n au.

HOSEA 12:11

Gilead ah thudiklo’na a um ah, bangmalo mai hung suak têi ding a hiu. Gilead ah chun bawngchalte’n a kithawi un, tichun, a mâichâmteu chu jawtlam chung ah, suang kisia khawm gual in hung um in a.

HOSEA 4:15

Aw Israel, nawchi zuak tama lechin, Judah vang thiamlo chang ki’hen. Gilgal ah lut kin la, Beth-aven ah le chia to kin, “Lalpa a hin nâk leh,” ti’n kihaksial diak kin.

HOSEA 9:15

A gitlonau zosia kipatna chu Gilgal ahi’n; zia kipat khan ka hua ahi. A thilbawl uh sual tak ziakin, ka In ah kipat in deldok ding ka hi. Hepi ta pua’ng ka; a milianteu zosia chu helmang ahi ngâl un.

AMOS 1:5

Damaska kotpi thikte chu hi’bong ing ka tin, Aven phâizawl lua mite leh, Beth-lehem ah kipat in, laltiang chawipa chu sâttha ding ka hi; tichun, Aram mite chu Kir gam ah sal ah lût in’au, Lalpa‘n a tii.

AMOS 3:14

A bawsiatnateu ziak ah Israel ka gawt phat leh, Bethel mâichâmte gawt khawm ing ka tin; chun, mâichâm kîte sâtbot in um in, tual ah kia’n au.

AMOS 4:4

Bethel ah hung un la bawtsiau in, Gilgal ah hung unla, bawsiatna supung un; jingkal si’n in la kithoinau hun chawi unla, ni thum dan leh la sawm ah khatteu hun chawi khawm unla;

AMOS 7:10

Ziaphatchun, Bethel ah thiampu Amaziah chun, Israelte lengpa Jeroboam kiang in, “Israel Inkuan lak ah a lailung tak ah Amos in nang siatna ding a gûk in a gêl in; a thu gente chu gam in a thuak zo puai.

AMOS 7:13

Bethel ah hin vang hung gen ta kin, lengpa mun thiangtho leh a lenggam â ding ah tempul ahi ngal in,” a ti tai.

AMOS 7:17

Ziaziakchun, Lalpa‘n zia gual hin a gen hi: “La ji chu khawpi sung ah nawchizuak hung hi’n tin, la chapate leh la chanute chu chemjam in puk in au; la gam chu te’na khau ah hawm hi’n a; nangma chu gam thiang lo khat ah chun thi’n la tin, matheilo in, Israel chu a gam ah kipat, sal ah pui mang hung hi’n a,” ti’n a gen tai.

AMOS 7:9

Isak thoimualte chu nutsia hung hi’n tin, Israelte mun thiangthote chu suksiat hung hi’n tin, Jeroboam Inkuan lang dingin, chemjam tawh hung kuan ing ka,” a ti’n.

AMOS 8:14

Samaria ah Ashimah sal ah kihaksial ah, ‘Aw Dan, la Pathian a hin gual in,’ ti leh, ‘Beer-sheba khua zotna lampi a hin gual in,’ tite chu kipûk in au; bangtik inle thokit ta pua’n au,” a tii.

1 KORINTH 1:28

Khawvel thil niam leh mu tawm umte, thil umsate chu bangmalo a chansak theina dingin, thil umlo te natiang Pathian in a têl a;

1 KORINTH 2:6

Ahi’n la, pitingte kiang in pilna thu ka gen un; himaleh, zia pilna chu khawvel pilna thu, zia khawvel lalte pilna, bangmalo suak kit sekte hi ahi diak puai.

DAN LEKHABU 28:41

Chanu chapate hing in la tiu in, ahi’n, nang uh chang lo in, suak in koltâng ta’n au.

JOSHUA 5:9

Lalpa‘n Joshua kiang in, “Tu’ni hin Aiguptate hun musitna zosia la chung ua kipat in ka ladok tai,” a ti tai. Tichun, zia mun chu tu’ni tiang hin Gilgo a sak tau hi.

THUPUAN 18:17

Hun dan kâl khat sung bepcha’n, hausakna zia zozaipi kha manlo a suak ziang ta!”. Chuleh, Longpute tawh a kizoppite leh, a Long neite tawh tuisuagiat chung ah kivei zosia chun gamla tak ah dingin;

1 SAMUEL 11:14

Samuel in mipite kiang ah chun, “Hung un, Gilgal ah chia hitiu in, zia tak ah chun leng hi’na siamthak hitiu,” a tia.

1 SAMUEL 7:16

Kum si’n leh Bethel, Gilgal leh Mizpah a chuantha zing ah; tichun, zia munte ah kipat hin Israelte chung in vai a hawm tai.

1 SAMUEL 8:2

A chapa upa pen chu Joel ahi’n, a pani’na chu Abijah ahi; amau hin Beer-sheba ah vai a hawm ui.