AMOS 5:16 - PATHIAN LEKHABU THIANGTHO (BSI)

¹⁶ Ziaziakchun, sepai honte Pathian, Lalpa chun zia gual hin a gen hi: Khawlai zosia ah mauna um intin, lamlian zosia ah chun: “A khawk na e! A khawk na e!” ti’n’au. A sûn dingin lou bawlte leh, a kap dingin kâ La thiamte ko in’au;

AMOS 5:16 ပူးပေါင်းရင်းမြစ်များ

2 KHANGTHU 35:25

Jeremiah in Josiah sûnna La a la phuak ah, tu’ni tiang hin pawsal Lasak thiam leh numei Lasak thiamte chun Josiah chu kâ La’n a awi nalai uh ahi. Zia chu Israelte lak ah chîndan ngai gual in a hun mang theng tau a, zia La te chu kâ La te lak ah zik lut in a um ta ahi.

ISAI 15:8

Moab gam pumpi kâ thawm a kiu tawl veng vung ta’n; a patau thawm uh Eglaim tiang in hetphâk ahi’n, a patau thawm uh Beer-elim tiang in hetphâk ahi.

ISAI 22:12

Zia ni ah chun, sepai honte Pathian chun, kap ah lusûn ding leh sam metkol ah, saidip puan sil dingin a hun ko a;

JEREMIAH 30:5

Lalpa‘n zia gual hin a gen a: Muanna aw hilo in, patau aw leh dipchâkna aw ka la hiau a.

JEREMIAH 4:31

Numei naunei gual ah gim aw ka hia’n, a chatil nei ding gual ah thuakgim aw gi gual ah, Zion chanu halâ tak ah a khut van ah kiko chun, “Ka chung a gik na lawm lawm e! Ei that dingte âng ah chun ka basam tai,” ti aw chu ka he ta ahi.

JEREMIAH 9:10

Tângte â dingin kap leh mau ing ka tin, gamthip ah hampa munte chu sûn ing ka; kuama’n a haw tâk lona ding leh, gancha hon hâm git het ahi kit tâk lona ding ah, chomnâm ahi tâk ziak un; chunglêng vachate leh, gam sate zosia le a tai mang zo tau hi.

JEREMIAH 9:16

A pu leh pateu leh amau inle, a la het ngai lo uh nam tinte lak ah thejak ding ka hi; chuleh, ka sukchimit suak masia chemjam delzui sak nalai ding ka hi.

HOSEA 4:3

Ziaziakchun, gam chun a sûn in, a sung ah chêng zosiate chule a thavai zo tau hi. Gamsate, chunglêng vachate leh, tuisuagiat ah sanga zosia pum in mangthai ta’n au.

JOEL 1:11

Barli leh gehu bu a siat ziakin, lou bawl mite haw, beidong tau in; lou lai ah thâichi a siat gam tâk ziakin, nanghaw grep chîngte haw mau tau in.

JOEL 1:14

Anngawlna mang thiangtho unla, mipi kikhopna gun tak bawl un. Lalpa la Pathian In uh chun, upate leh zia gam ah chêng zosia chu kikhawm unla, Lalpa ko tau in.

JOEL 1:15

Zia ni chu a chung a gik na e! Lalpa ni chu a nai ta’ngal a; Hat Chungnung Pa ah kipat in, manthaina hung tung ding ahi.

JOEL 1:8

Nungak in saidip puan sil ah, a khangdawng lai pawsal a sûn gual in kap un.

AMOS 3:13

Ngai unla, Jakob Inkuante chu hiatsak tau in, ti’n sepai honte Pathian, Lalpa Pathian chun a tii.

AMOS 5:27

ziaziakchun, Damaska khêl lam pek ah, sal ah hun pui mang ding ka hi, Lalpa‘n a tii; a min chu sepai honte Pathian chu ahi.

AMOS 8:10

La luaithenateu chu lusûnna chansak ka tin, la La sak zosia chu, kâ La chansak ing ka tin; kawng zosia saidip puan chên sak ing ka tin, mi tin chu lukol in umsak ing ka; zia chu chapa changkhat sûnna gual leh, a tawpna tiang ah haksa hisak ing ka.

AMOS 8:3

Zia ni ah tempul ah La te chu lusûnna La hi’n tin; mithiluang tampi hi’n tin, mun tin ah thejak hi’n au; thip chil chel tau in, Lalpa Pathian in a tii.

MIKAH 1:8

Ziaziak hin lungngai a kap in, mau ding ka hi; ngawnchang leh keng ngawn ah chia ing ka tin; si-alte gual ah ham in, vasakolte gual in thûmsak ing ka.

MIKAH 2:4

Zia ni chuleh, elho’na La hun sak khum ta’n tiu in; lusûnna La thasiat um tak hun sak khum ta’n au: “Suksiat dim dem ka hi tai; Lalpaka mite gochan ei lak piak in, bang gual ah ei lâk mang piak ahi tam le! Sal ah ei mante lak in ka lou uh a kihopsak tau,” ti in.

THUPUAN 18:10

Chun, amanu nat thokgimna ziak ah lau in gamla tak ah ding in: “Ahei! Ahei! Babulon khaw lopi, khawpi det chu la chung a gik hi, hundan kâl khat sung ah la chung ah, vaihawmna a tung ziang in,” ti’n au.

THUPUAN 18:19

Chun, a luchung un leivui a kibuak khum un, a kiko ua, kap leh mau kawm in: “A chung a gik hi, a chung a gik hi! Khawpi lopi, tuisuagiat ah Long nei zosia hausak khawlawna, hun dan kâl khat sung in ama chu, bangmalo a hita!