AMOS 5:11 - PATHIAN LEKHABU THIANGTHO (BSI)

¹¹ Migentheite la tawden un, A bu neisun lei man ding ah lak piak a, chênna ding suang In kisak maleu, a sung in chêng diak pua’n lau; grep huan pha takte la bawl un, maleh, a gatui dawn pua’n lau.

AMOS 5:11 ပူးပေါင်းရင်းမြစ်များ

JOB LEKHABU 20:19

Amau in chagate tawden ah limsak lo in, amau sak lo In chu, a pawng lâkpiak ngâl un.

ISAI 16:10

Lou mun thâichi phatna munte ah, kipakna leh limna lâkmang a hita’n; grep huante ah le La sakna a um ta pua’n, kuama a kiko ta puau hi; uain sûkna khûk ah kuama’n, uain a sûkdok ta puau hi; grep lâk hun ah kiko thawm a thip tai.

EZEKIEL 26:12

La hausaknau leh la neithil zosiau suam ta’n au; la kulpite phe jak intiu in, la In mêlpha takte chu hi’chim ta’n au. La suangte, thingte leh la leivuite chu, tui lak ah sep lut in au.

EZEKIEL 34:21

Gamtin ah a vâkjak masiau la liangko un la phuu ah, a damlote la tongbûk un la suk ziak un,

HOSEA 9:2

Buphual leh uain sûkna khûkte chun amau vâk pua’n tin; uain thak nei ta pua’n au.

THIAMPUTE LEKHABU 26:16

ke’nle la chung un zia gual hin hun bawl ding ka hi: La chung un thil lau um hung tung intin, sukdam kit theilo natna leh luchang natna, la mit hi’thûm ding leh la hin nau chawpkang ding hivei hun lênsak ding ka hi. La thâichiteu la mêlmateu in nek zaw piak ding a hiu.

AMOS 2:6

Lalpa‘n zia gual hin a gen hi: Israelte bawsiatna pathumte ziak leh palite ziakin, a chung ua gawtna ding chu lamang pua’ng ka; amau in mi diktat chu dangka’n a zuak un, mi tasam chu kengtawdap tuak khat ah a zawk ziak un;

AMOS 2:7

gentheite luchang chu leivui lak ah tawden in, mi sukgenthei ah umte a lampiu ah kipat a sawn mang un; pa leh a chapa nungak khat a kikop un, tichun, ka min thiangtho sukbuak in a um hi;

AMOS 3:15

Chuleh, phalbi leh nipi In chu suchim ing ka tin; saiha Inte mangthai intin, In lopite chu bei ta’nau, Lalpa‘n a tii.

AMOS 3:9

Ashdod ah kulpite kiang leh, Aigupta ah kulpite kiang in puangdok un: “Samaria tâng chung ah kikhawm unla, a sung ah bang gual buaina tung ah, a lak ua nuaisiana umte chu en tiam un” ti’n gen un.

AMOS 4:1

Zia thute hi ngai un, nang uh Bashan ah bawngpite haw: Samaria tâng chung ah um ah, michagate sugenthei ah, mi tasamte tawden ah, a pawsalteu kiang ah, “Bang a hem khat dawn ding hun lau in,” tite haw.

AMOS 6:11

En in, Lalpa‘n thu a pia’i, In lian chu a chim lem lum in, In neu chu athem anên in kêk jak in a.

AMOS 6:12

Suangpi chung in sakol a tai ngai em? Bawngchal in lou a kai gual in kua’n tuisuagiat chung a kai ngai em? Himaleh, nang un vang vaihawmna dik chu gû la suaksak un, diktatna ga chu gamsai la suaksak sek ui.

AMOS 8:4

Zia hi a la ngai un: Nang uh, mi tasam chuanchil ah, gam sung ah mi genthei suchavaite haw;

AMOS 9:14

Ka mi Israelte neinungna tungding kit ing ka tin, amau in khawpi chimsate chu siampha kit in lua in au. Grep phut intiu in, grep ga tuite chu dawn ta’n au; huante bawl intiu in, a ga ne ta’n au.

MIKAH 1:6

Ziaziakchun, Samaria chu, buaksia sunkhawmna vum mai leh, grep kiphu’na mun in siam ding ka hi. Khawpi sung ah suangte chu, phâi guam lam in likmang sik sek ing ka; tichun, khawpi suangphûmte chu, laidok sik sek ding ka hi.

MIKAH 2:2

Midangte lou a awtchau ah, zia chu thagum in a lak piak sek un; midangte In a eng un, zia chu thagum in a lak piak sek un; In leh a neitu chu a bawl genthei ma ma sek un, mihing leh a gochanteu a nuaisiau hi.

MIKAH 6:15

Buchi tû lechinle, ât diak pua’n la; Oliv hêk lechinle a thau in kijut diak pua’n la; grep gate sûk lechinle, a tui dawn diak pua’n la.

ZEPHANIAH 1:13

A hausaknau chu suam in um intin, a Inteu chule a hawm ah nutsia hung hi’n a. Inte sa maleu, chênna’n nei diak pua’n tiu in; grepte phu maleu, a grep phuteu tui chu dawn diak pua’n au.

HAGGAI 1:6

Tam tak tak la tuu ah, tawmcha cha la la khawm ui; la neu ah la vâ diak puau in; puan la sil ua la kuama lum sa la um diak puau; kilaw ah sêmte’n le sakhau tawvang sung ah thun ding bep ah kilaw la hiu, a tii.

MALAKI 1:4

Edom mite chun, “Sukchakvai in um ta maleu hin, kile’kit hitiu in, mun sesate chu siampha kit hitiu,” ti ziang maleule, sepai honte Lalpa chun, “Siampha kit ngei in au; himaleh, susia kit tho tho ing ka tin; amau chu gam phalo a hiu, ti ahi masia, kumkhua’n a chung un Lalpa chu lungna zing ahi ngal a,” a la ti’n au.

DAN LEKHABU 28:30

La ji ding ua la hualsau chu pawsal dang khat in a la luppi ta’n au. In sa maleu chin chêng pua’n lau. Grep huan bawl maleu chinle ne diak pua’n lau.

JAKOB 2:6

Himaleh, nang un migentheite chu la simmaw tau hi. Nang uh hun nuaisia sekte chu mihausate hilo a hiu em? Vaihawmna ah hun kai lut sekte le amau hilo a hiu em?