AMOS 5:10 - PATHIAN LEKHABU THIANGTHO (BSI)

¹⁰ Kul kotkhak ah zilgaipa chu a huau a, thudik genpa chu a ki’dak ui.

AMOS 5:10 ပူးပေါင်းရင်းမြစ်များ

1 LENGTE 18:17

Ahab in Elijah a mu phât in a kiang in, “Nang la hi maw Israelte sulungngaipa chu?” ti’n a gen a.

1 LENGTE 21:20

Ahab in Elijah kiang in, “Lei mudok tai maw, aw ka mêlmapa?” a tia. Ama chun a dawnhu a, “Ka hun mudok tai! Lalpa mit mu ah thil phalo bawl ding ah la kizokdaw tâk ziakin,

1 LENGTE 22:8

Israelte lengpa chun Jehoshaphat kiang in, “Lalpa kiang ah I dotsak thei ding un a dang pakhat a um nalai hi, Imlah chapa Mikaiah chu; himaleh, kei â dingin a pha lam hikha’ lo in, siatna bepcha a gen sek ziakin, ama chu ka hua ahi,” ti’n a dawnhu ah. Jehoshaphat chun, “Lengpa’n zia gual chun gen dâ in,” a tia.

2 KHANGTHU 25:16

Himaleh, zia thu a gen zing lai ah chun lengpa’n zia gual hin a hun dawnhu a: “Nang phiangsan hi lengpa lemguat piak ding ah kuan a hun guat ua a hem? Thip hiat hiat mai in! Bang ding ah hun that mai ding ka hi em?” a ti’n. Ziaphatchun, jawlnei chule a thip ah; chomkhat zaw in, “Zia gual ah ka hun thuhilna la ngaisak lo ah, zia tawhbang la bawl ziak hin, Pathian in hun susia ding ahi ti ka hia’i,” ti’n a hun gen a.

2 KHANGTHU 36:16

himaleh, Pathian in thugen ah a hun sawlteu chu a la nuisan in, a thugenteu chule simmaw in, a jawlneite chule tawtbawlna’n a la mang tau a; a tawp in a mipite chung ah Lalpa lungnatna a hung nasa ma ma ta’n, sukdam zaw ding gual a hita puai.

THUPILTE 15:12

Mi musitte chun hilna a ngai thei puau in, mipilte le a vê nuam puau hi.

ISAI 29:21

a kam ah thu ah mi tawh kihêkna ah, a dik zaw zawn sakte, kul kotkhak bul ah vaihawmte awkna ding siamte leh, mi thudik ah pangte dikna ah vaihawm piaklote chu, sukmang ah hung um ding a hiu.

ISAI 59:15

Thutakna chu a lawsam ta’n, gitlo’na kipat kiheimang taphot chu, khut thuak ding ah kipia gual a hiu. Lalpa chun a la mu ta’n, vaihawmna dik a um tâk lo ziakin, a lung a dam ta puai.

JEREMIAH 38:7

Lengpa In ngak Ethiopia mikiget, Ebed-melek in Jeremiah chu tuikul sung in a khelut ui ti a la hia’n. Lengpa chu Benjamin Kotpi a hung kitun lai tak in,

HOSEA 4:4

Himaleh, kuama kina kiu inla, kuama kihêktua kiu in; aw thiampute haw, thiamlo ka chansak chu, nang ma ma hi la hi’ngal in.

THIAMPUTE LEKHABU 13:10

Thiampu’n a la en intin, a vun phualna leh a mul chu a vâm ah, a vun phualna chu a keu chun;

AMOS 5:15

Gitlona huau inla, phatna ngaina tau in; kul kotbul ah vaihawmna dik din tau in; Joseph Inkuan a um nalai sunte chung ah Lalpa, sepai honte Pathian chun lungsiatna a hun nei khâk leh.

JOHAN 15:19

Nanghaw khawvel mi hileuchin, khawvel in ama mite chu hepi in a; khawvel mi la hita pawngal un, khawvel ah mi ka têldaw la hizawu ah, ziaziakchun, khawvel in a huat la hiu.

JOHAN 3:20

Thil phalo bawl tapo in vâk a dawi puau in, vâk inle a hung nuam puau hi.

JOHAN 7:7

Nang uh khawvel in a hun hawthei pua’n, keima ka hileh chu ei huau ahi, a thil phalo bawlteu a phatlo dan ka gendaw piak ziakin.

GALATIA 4:16

Chutichun, thutak ka hun hilna ziakin la mêlmau ka hung suak zaw ta mai em?

THUPUAN 11:10

Amau teni chung ah chun lei ah chêngte chu kipak intin uh, limna bawl intin uh, thilpiakte kithot tua intin uh; amau chun lei ah mite a hi’genthei ma ma ngal un.