AMOS 4:7 - PATHIAN LEKHABU THIANGTHO (BSI)

⁷ Pawltâkna ding tha thum ahi lai in, la chung ua gua zu ding ka tutâng ah; khawpi pakhat chung in gua ka zuksak ah, khawpi dang khat chung in ka zuksak pua’n; lou khat chung ah zuksak ahi’n;

AMOS 4:7 ပူးပေါင်းရင်းမြစ်များ

PAWTDAWNA THU 10:22

Mosi’n a khut van lam in a vak jak ah; tichun, Aigupta gam pumpi ah chun ni thum hial thimpi a jing tai.

PAWTDAWNA THU 10:23

A kimutua thei le um talo in, ni thum sung chu a um nau mun ah kipat kichawndok thei le a um ta puau a; himaleh, Israelte chênna zosia chu a vak zing a.

PAWTDAWNA THU 8:22

Ahi’n, zia ni ah chun Goshen gam, ka mite chênna gam chu koichuam ing ka tin; tichun, zia tak ah chun thosi hon him him um pua’n ah: Chutichun, lei ah hin Lalpa chu ka hi ti la hettheina ding un.

PAWTDAWNA THU 9:26

Israel chate chênna, Goshen gam bep in gial chu a ke puai.

PAWTDAWNA THU 9:4

Himaleh, Lalpa chun Israelte gancha leh Aiguptate gancha chu khendan intin, Israelte gancha a thi um pua’n au.

ISAI 5:6

Tho hâ ta pua’ng ka tin, hâthiang talo ding ka hi’n, ling leh khauguite’n dêp ta’n a; a chung ah gua zuksak talo dingin, van sûmte thu pia ding ka hi.

JEREMIAH 14:22

Nam dangte milim pathiante chun gua a zuksak thei awm? Ahiloleh, vante chunle, gawnêl a kaisak thei awm? Aw Lalpa ka Pathian uh, nangma bep hilo maw? Zia thil zosia bawlpa chu nangma la hiziak in, la chung ah kinepna ka nga tau ahi.

JEREMIAH 14:3

Miliante’n tui khai dingin a suakteu a sawl un, tuikul a va tung un, tui a la kang ta’n; a tui bêl uh a ngawn in a hun le’puak kit tau hi. A zak uh a cha ta’n, lungdong tak in puan a kilukhu tau a;

JEREMIAH 14:4

gua zuk lo ziakin lei a khikêk ta’ngâl a. Gua a zuk lo ziak ah loubawlte lungthuai in, puan a kilukhu tau hi.

JEREMIAH 3:3

Ziaziakchun, van guate tûk tân a hita’n, chavâng gua le a zu ta puai; la maijang in kijuak mêl a kilang in, ja lam la hepuai.

JOEL 2:23

Aw Zion chate haw, Lalpa la Pathian ua chun kipak in lim tau in; ama’n gawtui masa chu a hun takin a pia hen, gawtui kiningting tak in a hun leibua, gawzu masa leh a nunung chu, tu’ma lam gual ah khan a hun peta ngal a.

ZEKARIAH 14:17

Lei chung ah Inkuan zosia, Lalpen sepai honte Lalpa, Lengpa chu chibai bûk ding ah chia lo taphot chung ah gua zu ta pua’n a.

JOHAN 4:35

Nanghaw’n, ‘Bulâkna ding tha li a um nalai hi,’ la tiu hilo a hem? Ngai un, ka hil la hiu, dâk un la loute hi en vêl ma tiam un, tu’ziang hinle lâk dingin a minkuai zo ahi tai.

1 KORINTH 4:7

Nang kua’n a hun chuam bawl diak ah a hem? La chan ahi ngal leh, bangatia la chan lo gual ah la kisak theipi a hem?

DAN LEKHABU 11:17

zia phat chuleh, Lalpa la chung un lungna’n tin, vante kikhâk in, gua zu talo in, lei inle ga sua talo in, Lalpa‘n gam pha tak a hun piakna mun ah kipat hin mangthai pai ziang kha’n lau.

JAKOB 5:17

Elijah kha eimau gual tho ah mihing ahi’n, ama chun guazuk lona dingin phatchuamngai tak in a pauchap a; tichun, kum thum leh thaguk sung lei chung ah gua a zu ta puai.

THUPUAN 11:6

Ziate chun a thugen sungsiau guazu lo dingin van hi’pin theina a nei un, tuite le thisan suaksak theina a nei un; chuleh a nop hun hun un khawvel ah hipi lênsak ah sukchimit theina a nei ui.