AMOS 4:10 - PATHIAN LEKHABU THIANGTHO (BSI)

¹⁰ Aigupta ah gawtna gual in hipi la lak un ka lênsak a, la tangvalteu chu chemjam in ka that ta’n; la sakolteu ka tok mang ta’n; la giamun ui gim uh la nâk hawm tiang un, ka hun thûtsak ta’n; Chutisapi’nle ka kiang in la hung kile’kit puau hi, Lalpa‘n a tii.

AMOS 4:10 ပူးပေါင်းရင်းမြစ်များ

2 LENGTE 10:32

Zia hun lai ah chun, Lalpa chun Israel gam khenkhatte chu a hun khentha pan ta’n. Hazael in Israel gam chu a la to zel tai:

2 LENGTE 13:3

Lalpa chu Israelte chung in a lungna ta’n, a vêl vêl in Aram ah Lengpa Hazael khutah leh, a chapa Ben-hadad khut in, a pelut tai.

2 LENGTE 13:7

Tichun, Jehoahaz in sepai lakah sakol chungchuang mi sawmnga, kângtalai sawmkhat, leh keng sepai sîng khatte bep lo’ngal gâldo mi a nei ta pua’n; Aram lengpa’n a suchimit ah, leivui gual mai in a koi tai.

2 LENGTE 8:12

Hazael chun, “Ka lalpa chu bangziak ah kap la hem?” a tia. Ama chun, “Israel mite chung ah la thil phalo hun bawl ding chu ka het ziakin ahi; nang in a kulpiteu chu mei in hun hâl in la tin, a tangvalteu chu chemjam ah that in, a naupangteu chu hun sât tel in, chuleh, a numei nauvop laiteu chu hun philjak ding la hi,” ti’n a dawnhu a.

PAWTDAWNA THU 10:27

Himaleh, Lalpa chun Pharaoh lungthim chu a hikhau ah; tichun, a mau chu a pawt dawsak nuam diak puai.

PAWTDAWNA THU 10:3

Tichun, Mosi tawh Aron chu Pharaoh kiang in a chia tau ah, a kiang in, “Zia gual hin Hebraite Pathian in a gen hi: Ka ma-âng ah hin kingaitawm nuam lo ah bang chan um nalai ding la hem? Ei ho theina ding un ka mite hun thâdok ta’n;

PAWTDAWNA THU 14:4

Keima’n Pharaoh lungthim hun sukhau ing ka tin, amau chun hun delzui intin uh, Pharaoh tawh a sepai zosiate chung ah chun choisa’n in um ding ka hi; tichun, Aigupta mite zosia chun keima hi Lalpa chu ka hi ti a hun hettheina ding un,” a tia. Zia gual chun a bawl tau hi.

PAWTDAWNA THU 15:26

A kiang un, “Lalpa la Pathian aw chu chingthei tak ah la ngai ua, a mit mu ah thil dik chu la bawl ua, a thupiakte la ngaisak ua, a dante la zop ua ahileh, Aigupta mite chung ah a tunsak hiveite haw hi khat chale la chung un hun tunsak lo ding ka hi: keima hi Lalpa, nanghaw hi’dampa chu ka hi’ngal in,” a tia.

PAWTDAWNA THU 8:19

Dawithiamte chun Pharaoh kiang in, “Zia hi Pathian khut ah thil kibawl ngei ngei chu ahi!” a tiu a. Himaleh, Pharaoh lungthim chu hikhau in a um zing hi.

PAWTDAWNA THU 9:12

Himaleh, Lalpa’n Pharaoh lungthim chu a hikhau ah; tichun, amau thu chu a limsak nuam diak puai, Mosi kiang ah Lalpa’n a gensa gual ah khan.

PAWTDAWNA THU 9:17

Tu’tiang ah hin ka mipite chung ah hin la kichawisâng nalai ah, pawt sak nuam nai diak lo la hi;

ISAI 34:3

A lak ua thâlup ah umte chu paidaw hi’ntin uh, a mithi ui gim uh kikhawdok intin, mualte chu a thisan un luan khum in a.

ISAI 50:11

Himaleh, la leng un mi hâlna ding a, mei sêmkuang la hiu. La mei sêmkuang leh la meiâm un, nang uh hun hâl in, hun bî ta hen! Zia hi ka khut ah kipat la tuak ding uh chu hi’n a; gawtna thuak in um den ta’n lau.

ISAI 9:12

sualam ah Suriate leh tumlam ah Philistinte chun, a kam uh kasa’ la pang in, Israelte chu a la val zo in au. Zia gual ah a bawl zaw nung chunle, a lungnatna a dai diak puai; a khut chu a lâm nalai ngal a.

ISAI 9:13

Mite chun amau vaw’pa lam chu a nga nuam nai diak puau a; sepai honte Lalpa lam chule a hawl nuam diak puau hi.

ISAI 9:17

Ziaziakchun ahi, Lalpa‘n a khanglaiteu a lainat lo ah, a nauchagateu leh a meithâiteu le a lungsiat lo; mi tin in Pathian neilo leh, thil phalo bawl ah zuau thu a gen ziak un. A lungnatna hâi thei lo in a chung un, a khut a lâm nalai lai ahi.

JEREMIAH 11:22

Sepai honte Lalpa chun zia gual hin a gen hi: Amau chu gawt ding ka hi; tangvalte chu chemjam ah thi’n tiu in, a chanuteu leh a chapateu chu kial thi in au;

JEREMIAH 15:3

Chuleh, amau susia dingin thil pali a chung un guat ding ka hi, Lalpa‘n a tii. A that dingin chemjam, a kai mang dingin uichate; chuleh, amau that ah ne zo dingin chunglêng vachate tawh lei ah gam sahângte haw hi.

JEREMIAH 16:4

“Natna tizat um tak thuak in thi ding la hiu. Kuama’n sûn pua’n tiu in, vui le vui pua’nau; tichun, lei tual ah ki’dak buaksia gual bep in muat in au. Kido’na chemjam leh kial in that intiu in, a luangteu chu chunglêng vachate leh gamlak sate’n ne ta’n au,” ti in.

JEREMIAH 18:21

Ziaziakchun, a chateu chu kialpi thoksak inla, chemjam tuak dingin naw mang in; a jiteu chu cha bei ah um in, meithâi hung hitau hen. A pawsalteu chu natpi’n thiu hen la, a khangdawngteu chu kido’na chemjam in thi tau hen.

JEREMIAH 48:15

Moab gam leh a khawpi zosia susiapa chu, a hung kuan to in, a tangval doichuam diakte chu, thalup dingin a kuandok tau hi, Lengpa, a min sepai honte Lalpa chun a tii.

JEREMIAH 49:26

Ziaziakchun, a tangvalte chu, lamthuam tin ah thi’n tiu in, ziaphat chuleh, a sepai zosiate chu, suksiat dik dek hita’n au; Sepai honte Lalpa chun a tii.

JEREMIAH 5:3

Aw Lalpa, thu dikna hawl hilo la hem? Amau chu la vaw ta’n, maleh khawk a sa puau a; la sawi ta’n, ahi’n la, a kisudik nuam puau hi. A maichangteu suangpi sâng ah tâk zaw’n a kisiam un, kile’kit a nuam puau hi.

JEREMIAH 6:11

Himaleh, kei Lalpa vang lungnatna dim ka hi; kisûm le ka khop ma ma ziang tai. Khawlai dung ah naupangte chung leh, khanglai kipung khawmte chung ah le, sunthâk mai hita’n tin; tichun, pawsal chu a ji chu tawh mat khawm hi’n tiu in, upate leh têksete nasan mat in hung um ta’n au.

JEREMIAH 9:22

Lalpa‘n zia gual hin a gen hi ti’n gen in: Gamtalai ah ki’dak gual in mithi luangte kital tek tuk intin, bu âtte nung ah buvui kisia gual in, kuama lak khawm lo in kisia tek tuk in au.

HOSEA 11:5

Aigupta gam ah kile’kit intiu in, ka kiangah a hung kile’kit nop lo ziak un, Assuria chu a lengpau hung hi’n a.

JOEL 2:20

Mallam ah la gâlteu chu, gamla tak in koimang ing ka tin, gamkeu leh gamsia lak ah naw kit ing ka; a matawng pawl sualam tuisuagiat sung ah, a nungdâlte tumlam tuisuagiat sung ah; a gimsia leh ui hung pawt in a. Kichian tak in ama’n thil lopi takte a bawl tai!

THIAMPUTE LEKHABU 26:16

ke’nle la chung un zia gual hin hun bawl ding ka hi: La chung un thil lau um hung tung intin, sukdam kit theilo natna leh luchang natna, la mit hi’thûm ding leh la hin nau chawpkang ding hivei hun lênsak ding ka hi. La thâichiteu la mêlmateu in nek zaw piak ding a hiu.

THIAMPUTE LEKHABU 26:25

Ka thuthung phuba lâkna dingin, la chung un chemjam hun lênsak ing ka tin: La khawpi sung ua bitna hawl ah la taikhawm phat ua leh le, la lak un hipi hun lênsak ing ka tin: Chuleh, la mêlmateu khut ah piak in um ding la hiu.

AMOS 4:6

La khawpiteu ah hani bek kham dingle umlo khop ah, la umnau zosiau ah an tâksapna ka hun pia’n; zia sapi ah chunle ka kiang lam in, la hung kile’kit diak puau hi, Lalpa‘n a tii.

AMOS 8:3

Zia ni ah tempul ah La te chu lusûnna La hi’n tin; mithiluang tampi hi’n tin, mun tin ah thejak hi’n au; thip chil chel tau in, Lalpa Pathian in a tii.

HAGGAI 2:17

Nangmau leh la sepgimnau ga zosia chu kumthu, muatna leh gial in ka hun sugam ta’n; himaleh, kei kiang ah la hung kile’kit nuam puau hi, LALPA‘n a tii.

DAN LEKHABU 28:21

Lua ding ah la lutnau gam ah hin a hun hi’mangthai masia, Lalpa‘n hipi hun lênsak zing ta’n a.

DAN LEKHABU 28:22

Lalpa chun, kumjawnna, khawsikna, vûnnatna, ti sat hut hutna, khawkhâlna, lung leh hisian hun gawt intin, la manthai masiau hun delzui in a.

DAN LEKHABU 28:60

La lau leh la tizat uh, Aiguptate chung ah natna tung zosia kha a leng un la chung un tung intin, hun nusia ta pua’n a.

DAN LEKHABU 7:15

La lak ua kipat natna zosia Lalpa‘n la mang in ah; Aigupta gam ah natna la la thokteu zosia kha la chung ua tun sak lo in, la mêlmateu chung in tung zaw ta’n a.