AMOS 4:1 - PATHIAN LEKHABU THIANGTHO (BSI)

¹ Zia thute hi ngai un, nang uh Bashan ah bawngpite haw: Samaria tâng chung ah um ah, michagate sugenthei ah, mi tasamte tawden ah, a pawsalteu kiang ah, “Bang a hem khat dawn ding hun lau in,” tite haw.

AMOS 4:1 ပူးပေါင်းရင်းမြစ်များ

1 LENGTE 16:24

Shemer kiang ah kipat Samaria Mual chu dangka talent ni in a chawdok ah; Mual chungvûm ah chun In a bawl ah, a In sak khawpi min ah a mual neipa min chu pu’n, Samaria a sak tai.

JOB LEKHABU 20:19

Amau in chagate tawden ah limsak lo in, amau sak lo In chu, a pawng lâkpiak ngâl un.

JOB LEKHABU 24:4

Mi tasamte chu lamlian ah kipat in a sawndok un, lei chung ah michagate zosia a kisêlmang sek ui.

SAM 12:5

“Chagate chom gam ziak leh, tasamte a thûm ziak un, tu’hin kipan ing ka tin, a duthusam gual un bit tak in umsak ing ka,” Lalpa‘n a tii.

SAM 140:12

Lalpa‘n tasamte panpi in, chagate chu dik tak in vai a hawm piak hi ti ka hia’i.

SAM 22:12

Bawngchal tam tak in ei ûm kîmvêl un, Bashan gam ah bawngchal hât takte chun, ei ûm kîmvêl dep dup ui;

THUPILTE 22:7

Mi hausa chun michaga chung in vai a hawm a, a thunglâkpa chu a batsak pa suak ahi.

THUGENTU 4:1

Chuleh, khawvel ah kinuaisiana zosia hi ka vak mu ta’n. En tiam in, nuaisia ah umte mitthi leh a thamuan ding neilo dan uh khi! A mau nuaisia tute chun thilhitheina a nei dan uh leh, amau thamuan ding a umlo dan teu hi ka ngaitua a.

THUGENTU 5:8

Migentheite nuaisia ah a um uh leh, gam sung ah vaihawmna leh dikna suksiat ah a um inle maksa kin; dinmun sangzawte chunle amau chung ah sangzaw, a mitmei a vên ding uh um jel ahi.

ISAI 28:1

Ephraim ah zukhamte kiletsakpi ah, pakcha lal lukhuk mêlpha ma ma, pakcha gual ah vuaitha mai ding, zungolvei ah dim phâijawl, gam phatna zosia chung ah vaihawm ah, kiletsak ma mate chung chu a gik hi!

ISAI 5:8

E hei! Gam pumpi midang â ding, neuchale awt lo ah In a bân ah samat ziang ah; lou a bân ah chawkbe ah, gam lailung ah cholchên la chung a gik hi!

ISAI 56:12

Amau chun, “Hung un, uain dawn hitiu; zukha dawn vâ sêt hitiu. Jing leh tu’ni gual hi’ntin; gen gual lo ah ni lopi hiding ahi,” a tiu hi.

ISAI 58:6

Anngawl dan ka doidan chu zia gual hi ahi: Diktatlo’na khauhual thap thâk a, ngawngkol puak lâk thâk ah, nuaisia ah umte zalensak ah, ngawngkol zosia khetbot hi ahi.

JEREMIAH 50:11

Aw, ka gochan bulu’te haw, kipak in lim maleu chinle, hampa selno lak ah bawngchal leh, sakol hat hâm gual in hâm malechin;

JEREMIAH 50:27

A bawngchal zosiau that unla, sa thatte kiang ah piau in. A chung uh a gik na e, amau gawtna hun, a ni ding ua tiam chu a tung tai!

JEREMIAH 51:34

“Babulon Lengpa Nebukadrezar in ei ne zo in, ei khênbuang ta’n; bêl awng gual in ei siam ta’n, gûlpi ei val zaw gual in ei val zo tai; ka tuinate chun a gilpi a sudim in, ei sêkdok kit tai.

JEREMIAH 6:6

Sepai honte Lalpa‘n zia gual hin a gen hi: A thingteu chu phuk un; Jerusalem bulu’na ding panmun siam un. Zia khawpi hi gawt tei tei hiding ahi, a sung ah kipawng bawlna lo’ngâl, bangma dang a um paw’ngâl a.

JEREMIAH 7:6

la lak ua gam dang mite, nauchagate leh meithâite la nuaisia lo ua, zia mun ah hin mawna neilote thisan la sua lo ua, nanghaw kisukliamna ding bep ah pathian dangte la zui lo uh chun,

EZEKIEL 18:12

genthei leh tasamte gawt hen la, mi suam hen la, a bat dit ki’hen la, milimte lam nga hen la, thil ki’dak um tak bawl hen la,

EZEKIEL 22:12

Nangma ah thisan sua’na dingin golgûkna a lau ah; sum bat man ding leh a sum pung la lau a; chuleh, la Invêngte neisa lâkpiak in kihihausat la guau a; tichun, keima lei hemil tau hi, Lalpa Pathian in a tii.

EZEKIEL 22:27

A sung ah vaihawm hotute chu, ngei sane lai gual chu a hiu a; thisan a suau ah, diklo tak ah lawkna hawl in mi hinna a lau hi.

EZEKIEL 22:29

A gam ah mipite’n mi van neisa lâkpiak a chîng un, mi a suam ui; migenthei leh tasamte a tawden un, a ziak umlo in gamdang mite thil a lâkpiak sek ui.

EZEKIEL 22:7

La sung ah chun nu leh pate musit in a um un; la sung ah malzinte suam in a um un; la sung ah nauchaga leh meithâite diklo tak ah bawl in a um ui.

EZEKIEL 34:16

A mangthai hawl ing ka tin, a vâkjakte pui kit ing ka tin, a liamte chu tuam ing ka tin, a jawngkhalte chu hi’hât ing ka; himaleh, a thau leh a hât laite chu hi’mangthai ing ka. Dikna’n vâk ding ka hi, ti in.

EZEKIEL 39:18

Mihâtte sa ne’n la tiu in, lei ah vaihawm miliante thisan dawn in lau; Bashan gam ah kivâkthau, belamchalte, belamte, kêlchate leh bawngchalte thisan ngei chu.

JOEL 3:3

ka mite chung in âi a sân un, nawchi man dingin pawsal naupangte a piau in, a uain man ding un numei chapangte a zuak ui.

AMOS 3:1

Aw Israel mipite, Aigupta gam ah kipat ka puidaw Inkuan zosiate haw, nang uh demna thu Lalpa‘n a gen hi ngaitha tau in:

AMOS 3:3

A kitiam lawk a hilo ngal ua leh, bangti’n mi pani kiton thei ding a hiu em?

AMOS 5:11

Migentheite la tawden un, A bu neisun lei man ding ah lak piak a, chênna ding suang In kisak maleu, a sung in chêng diak pua’n lau; grep huan pha takte la bawl un, maleh, a gatui dawn pua’n lau.

AMOS 6:1

Zion ah kinoptel ah, Samaria tâng ah bit kisate, nam zosia lakah a pakhatna kingaite lak ah miliante, Israel Inkuan in a bêlteu haw, la chung uh a gik hi!

AMOS 6:6

kuangcha bêm ah uain dawn ah, sathau pha pen pen kinu’te, himaleh, Joseph siatna pawnalote chung chu a gik hi!

MALAKI 3:5

Ziaphat chuleh, la chungchâng vaihawm dingin hung ing ka; dawi mangte, ângkawmte, zuau ah kitiamte, meithâi leh chaga la goinau thaman la lepbawl nateu, malzin khawtua nuam lo ah nawmangte leh keima ei ki’cha lo mite chung ah hiatpitu dingin hung pai ziang ding ka hi, sepai honte Lalpa chun a ti ahi.

KISIMNA LEKHABU 21:33

Chun, a kile’kit un, Bashan lamlian a zui to tau a; chuleh, a mau do dingin lengpa Og tawh, a mi hangsante sia Edrei mun ah kido dingin a hung kuan tau a.

DAN LEKHABU 24:14

La khawpiteu lak ah la chênkhawmpiu, la unau uh Israel mi hihen la, gam dang mi hitaleh, mi genthei leh tasamte chu a sepnau thaman uh la thep lo ding uh ahi.

DAN LEKHABU 28:33

La het ngailoteu in la lei gateu leh la sepgimnau gate chu ne ta’n tiu in; kihelna leh chotden in hun mang ta’n au;