AMOS 3:2 - PATHIAN LEKHABU THIANGTHO (BSI)

² Khawvel ah Inkuan zosia lak ah, nang uh bep hi ka het la hiu in, ziaziakchun, la dukdaklo’nau zosia ziakin hun gawt ding ka hi.

AMOS 3:2 ပူးပေါင်းရင်းမြစ်များ

THILSIAM THU 10:32

Ziate chu Noah suante ah kipat namte chu a hiu ah; ziate ah kipat hin tui lêt zaw nung in, khawvel pumpi huap ah chêng dingin thejak in a la um tau ahi.

THILSIAM THU 18:19

Lalpa lampi a hawtheina ding un, a nung ah a chate leh a Inkuante, thil dik tak ah hiding leh, vaihawm gual ah um ding ah thu a piak theina dingin ama chu ka guat ta’ngal in; a chungchâng thu Lalpa’n a gen chu Abraham chung ah a tunsak theina dingin,” a ti’n.

SAM 147:19

A thu chu Jakob kiang in a puangdok ah, a thuguat leh a dan siamte chu, Israelte kiang in a latsak hi.

PAWTDAWNA THU 32:34

Himaleh, tu’hin nangma chia inla, mipite hi la kiang ah ka hun hilna gam chu lua dingin vapui in; en in, ka vansawlchâk in hun pui zing ding ahi. Ahi’nla, ka gawtna hun a hung tun phat leh amau gitlona dungzui ah chun hun gawt ding ka hi,” a tia.

ISAI 63:19

A chung ua vai la hawm khâkna ngai lo mite leh, la min ah kiko kha ngai lo mite gual in ka um tau hi.

JEREMIAH 1:15

Mallam ah nam zosia ko khawm ding ka hi Lalpa‘n a ti’n; tichun, hung khawm intiu in, Jerusalem kul kotkhak leh a pang ah kulbâng kîmvêl leh Judai gam ah khawpi zosia ah chun a lal chutphau hun lem in au.

JEREMIAH 10:25

La lungnatna chu nangma he’phalo, gam dang mite chung ah sungtha’n la, la min lam ngai lo mite chung in sungtha’n; amau chun Jakob ne zo in, a nêk ua a val zaw nung unle, a chênnau a hisia dim dem nalai sêt ui.

JEREMIAH 11:22

Sepai honte Lalpa chun zia gual hin a gen hi: Amau chu gawt ding ka hi; tangvalte chu chemjam ah thi’n tiu in, a chanuteu leh a chapateu chu kial thi in au;

JEREMIAH 13:21

La kithuapi ding ah la zil thiamsak te, la chung ah thunei ah a hung pan phat ua leh, bang la gen ta diam? Numei nauvei gual ah nat in, hun tuam suak talo ding a hem?

JEREMIAH 14:10

Zia mite chungchâng ah hin Lalpa‘n zia gual hin a gen hi: Vâkmang a nuam tun tun un, a kengteu chu a thunun zo puau hi; ziaziakchun, Lalpa‘n a pom ta pua’n, tu’hin a nunsiatnau hezing in, a gitlonateu ziak ah chun, hun gawt ta’n a.

JEREMIAH 9:25

A zekvun bep uh tan ah, a lungthim zektanlote chung thu ka ngaituana ding nikhua chu hung tung tei tei ding ahi Lalpa‘n a tii.

EZEKIEL 5:9

Ki’dak um tak ah la um ziak un, thil ka la bawl khâk nai lo, ka bawl kit tâk lo ding khat la chung un hun bawl ding ka hi.

EZEKIEL 9:6

A têk, a khang, numei leh naupang, a leng un that gam unla, tepte’na nei cheng vang khoikha kiu in. Ka mun thiangtho ah chun that pan un,” a hun ti’n. Tichun, tempul In mai tual ah upa vaihawmte lak in a hun that pan tau a.

DANIAL 9:12

Chuleh, kei haw thiamlona leh ka chung ua vaihawmte thiamlo’na thu a la gen kha, ka chung ua siatna huaisia tak tunsak in, a thugente chu a sudet ta’n; Jerusalem chung ah siatna tung tawhbang hi van nuai pumpi kuama dang chung ah bawl khâk hi nai lo ahi.

HOSEA 2:13

Baalte â ding kût nite ziakin amanu gawt ing ka, zia hun ah chun ama khutsebi leh, suang mantamte’n a kichei in, a dawichâkte a vazui ah, keima ei hemil tai, Lalpa‘n a tii.

HOSEA 5:3

Ephraim chu ka he hen, Israel chule kei ah kipat in sêlmang ahi puai; aw Ephraim, tu’hin nawchi la zawk tâk ziakin; Israel chule sukbuak ahi ta’ngal a.

HOSEA 8:13

Amau in doichuam thillatte pemaleu, sate chu ne maleu, Lalpa‘n ziate chu a pom puai. Tu’hin, a khawlonateu chu hezing intin, a gitlo’nau chu gawt in a; amau chu Aigupta lam in kile’kit in au.

HOSEA 9:9

Gibeah ah a um lai gual uh khan, amau leh amau nasa tak in a kisubuak ui; a khawlonau chu hezing intin, a gitlonau chu gawt ding ahi.

AMOS 2:4

Lalpa‘n zia gual hin a gen hi: Judah bawsiatna pathumte ziak leh palite ziakin, a chung ua gawtna ding chu lamang pua’ng ka; amau in Lalpa dan a nol un, a thuguatte zui nuam lo in, a pu leh pateu a zuausan gual mau ah, pui mang in a um ta’ngal un.

AMOS 3:3

A kitiam lawk a hilo ngal ua leh, bangti’n mi pani kiton thei ding a hiu em?

AMOS 6:1

Zion ah kinoptel ah, Samaria tâng ah bit kisate, nam zosia lakah a pakhatna kingaite lak ah miliante, Israel Inkuan in a bêlteu haw, la chung uh a gik hi!

MIKAH 2:3

Tichun, Lalpazia gual hin a gen hi: Tu’hin, zia Inkuante chung ah hin thil phalo ka guanggal hen; zia kipat chun suakcha pua’n au; kisathei tak in vak kit ngai talo ding la hiu, zia chu hun phalo tak hiding ahi ngal a.

NAHUM 3:4

Zia chu nawchizuaknu mêlpha tak, dawithiamnu thanhuaina ziak ah namtin zuak mang, a dawithiamna ziak ah namtin zuak chavainu ziak ah, hung um chu ahi.

NASEPTE 17:26

Lei chung zosia ah um dingin suanpa pakhat ah kipat in namtin ah mite a siam ah, amau â dingin hun bîte a guat piak ah, a umnau gamgî le a khen piak a;

ROMTE 2:9

Thil gilo bawlte chung in lunggimna leh beidonna Judate chung ah tung masa’n tin, ziazaw chuleh Jentelte chung ah tung in a;

1 KORINTH 8:3

Min Pathian a hepi chun ama ngei chu het in a um zaw ahi.

DAN LEKHABU 10:15

la pu leh pateu bep hepi ah, tu’ni ah nanghaw amau suan leh pâkte hi ama â ding liau liau ah, khawvel ah nam zosia lak ah kipat hun têlchuam chu Lalpa lung lam ahi bep hi.

DAN LEKHABU 26:18

Tu’ni hin Lalpa‘n a thutiamna dungzui ah, ama â ding bîk hi’ding leh, a thupiakte la zopna ding un, la lemsaknau a chang tai;

DAN LEKHABU 32:9

Lalpa chanvo chu a mite a hiu ah, Jakob chu a gochan ahi.

DAN LEKHABU 4:32

Nangmau um masang, tu’ma lam pek ah, lei ah um ding, Pathian in mihing a siam masang lam pek kha vak ngaitua unla; van mong langkhat lam ah kipat a langkhat lam tawp tiang in ngaitua him him tiam un: zia gual ah thil lopi leh a kibatpi him him hi a um lam la he ngai him him awm?

DAN LEKHABU 7:6

Lalpa la Pathian uh â dingin nam thiangtho la hiu ah; Lalpa la Pathian uh gochan bîk leh a mipi hi ding ah khawvel nam zosia lak ah kipat a kitêl chuamte la hi’ngâl un.

1 PETER 4:17

Vaihawmna chu Pathian Inkuan ah pat a hun ta ngal a; eimau ah pat masak ahi chun, Pathian chanchinpha awilote tawpna chu bang gual a hita diam?