AMOS 2:11 - PATHIAN LEKHABU THIANGTHO (BSI)

¹¹ La chateu lak ah khenkhat jawlnei hiding leh, la tangvalteu nazarit hiding in ka tungdok a. Aw Israel chate haw, zia gual chu hilo maw? ti in.

AMOS 2:11 ပူးပေါင်းရင်းမြစ်များ

1 LENGTE 17:1

Tu’hin, Tishbi mi Elijah, Gilead gam ah Tishbe khua um chun, Ahab kiang in, “A âng ah ka dinna pa, Lalpa, Israelte Pathian a hin gual in, ka thu lo in, zia kumte ah hin gua leh daitui him him ke lo ding ahi,” a tia.

1 LENGTE 18:4

Jezebel in Lalpa jawlneite a la thâlup lai ah khan, Obadiah in jawlnei za khat a pui ah, kawlhawm khat ah sawmnga nga’n a sêl ah, vaithum leh tui in a la vâk a.)

1 LENGTE 19:16

Chuleh, Nimshi chapa Jehu chu Israelte chung ah leng dingin sathau la nu’ ding ahi; chuleh, Abel-maholah ah um Shaphat chapa Elisha chu la thasâng ah jawlnei hi dingin sathau la nu’ ding ahi.

1 LENGTE 20:13

Ziaphatchun, jawlnei pakhat Israelte Lengpa Ahab kiang in a hung to ah, a kiang in, “Lalpa‘n zia gual hin a gen hi: Zia mi tam takte hi la mu em? En in, zia chu tu’ni hin la khut ah pia ding ka hi; kei hi Lalpa chu ka hi ti hun he ta ding la hi,” a tia.

1 LENGTE 20:35

Lalpa‘n thu a pia, jawlnei honte lak ah kipat pakhat chun a dang pakhat kiang in, “Ei vua’n!” a tia. Himaleh, mipa chun a vaw nuam pua.

1 LENGTE 20:41

Ziaphatchun, kin tak in a mit tuamna puanthem chu a suttha tai. Jawlneite lak ah pakhat ahi ti Israelte lengpa chun a hun he tai.

1 LENGTE 22:8

Israelte lengpa chun Jehoshaphat kiang in, “Lalpa kiang ah I dotsak thei ding un a dang pakhat a um nalai hi, Imlah chapa Mikaiah chu; himaleh, kei â dingin a pha lam hikha’ lo in, siatna bepcha a gen sek ziakin, ama chu ka hua ahi,” ti’n a dawnhu ah. Jehoshaphat chun, “Lengpa’n zia gual chun gen dâ in,” a tia.

2 LENGTE 17:13

Lalpa chun, Israel leh Judah chung thu ah chun, jawlnei zosia leh thil mu lawk theite zosia chu mang in, “La umchan phaloteu chu kiheisan un la, la kiang ua ka hun sawl, ka suak jawlneite leh la pu la pateu kiang ah thu ka la piakte zosia dungzui in, ka dan siamte hi pha tak in hun zui tau in,” ti’n a hil zing tho hi.

2 LENGTE 6:1

Tichun, jawlnei pawlkhatte chun Elisha kiang in, “Nang inle la mu gual in, la ma bul ah I chut khawmnau mun hi ei uh â dingin a neu ta luai.

2 KHANGTHU 36:15

A pu leh pateu Pathian Lalpa chun, a mipite leh a chênna gam a lainat tun tun ziakin, a kiang ua thugen dingte chu a hun sawl ham ham sek a;

JEREMIAH 11:21

Ziaziakchun, Anathoth khua mite, la hinna lâk gua, “Lalpa min in thu gen ta kin; achutiloleh, ka khut lum un thi mai ding la hi,” hun tite chung thu ah Lalpa‘n zia gual hin a gen a:

JEREMIAH 2:31

Nanghaw, tu’khang ah mite haw, Lalpa thugen hi ngaisak tau in: Israelte â dingin gamthip leh, thimna gam ka hi ngai him him em? Bang ding ah ka mite chun, “Ka nop nop ua um thei ka hiu, la kiang ah hung kit ta pua’ng kau,” ti’thei a hiu em?

JEREMIAH 2:5

Lalpa‘n zia gual hin a gen hi: La pu leh pateu in keima ah demna bang a muu ah, gamla tak ah ei nusia a hiu em? Bang ding ah bangmalo mai mai del ah, amau le bangmalo suak ziang a hiu em?

JEREMIAH 26:11

Ziaphatchun, thiampute tawh jawlneite chun vaihawmte leh mipi zosiate kiang ah chun, “Zia mipa hi a thitâk ahi, ama’n zia khawpi siatna ding thu hi a gen, la nakhang ua la het chiat gual un,” a tiu a.

JEREMIAH 7:25

Aigupta gam ah kipat la pu leh pateu ka la puidaw ah kipat tu’ni tiang hin, ka suak jawlneite zosia kha nisi’n in la kiang un ka hun sawl a;

KÂ LATE 4:7

A lal chateu chu vûk sâng ah thiang zaw, bawngnawi sâng ah vâm zaw a hiu a; a taksau chu tuipi nuai ah thil um te sâng in, a no zawi. A sam uh sapphir suang mantam a bang hi.

MIKAH 2:6

Mipite chun, “Ka chungthuu ah hin thu gen kin, zia gual thilte chu gen him him kin. Pathian in ei mualphosak lo ding ahi.

NASEPTE 4:18

Tichun, amau chu a ko lut ua, Jesu min ah thu gen talo ding leh, thu hil talo hial dingin thu a piau a.

NASEPTE 5:28

“Zia min ah hin thu gen lo dingin thu khau tak ka hun pia tau in; himaleh, la thuhil uh hin Jerusalem sung la sudim tau ah, zia pa thisan maw chu ka chung ua but gua ham ham la hiu maw!” a ti’n.

NASEPTE 7:51

Nanghaw mi lochal, lungthim leh nakhang zektanlote haw, bangtik lai inle Thagau Thiangtho la dodâl zing un, la pu leh pateu bawl gual in la bawl zing ui.

DAN LEKHABU 18:18

Amau lak ah kipat ma ma in nangma gual hi jawlnei khat hun tungdok ing ka tin; zia jawlneipa kam ah chun ka thute koi ing ka tin, a kiang ah thu ka piak taphot chu a kiang un hil mai ta’n.

1 SAMUEL 19:20

ziaphatchun, Saul in David man dingin mi a sawl ah. Samuel makaina a kiang ah jawlnei um zosia chu Thagau ah a dim lai tak uh a vamu phât un, Pathian Thagau in Saul mi sawlte chule a hun man ta mai a.

1 SAMUEL 3:20

Chuleh, Dan ah kipat Beer-sheba tiang ah Israel mipi zosia chun Samuel chu, Lalpa jawlnei dik tak ahi ti a hechiat tau a.