AMOS 1:3 - PATHIAN LEKHABU THIANGTHO (BSI)

³ Lalpa‘n zia gual hin a gen hi: Damaska bawsiatna pathumte ziak leh, palite ziakin a chung ua gawtna ding chu lamang pua’ng ka; amau in Gilead gam chu bu vokna thik ah a vok tâk ziak un.

AMOS 1:3 ပူးပေါင်းရင်းမြစ်များ

1 LENGTE 19:17

Hazael chemjam ah kipat suakcha taphot chu Jehu in that intin; Jehu chemjam ah suakcha taphot chu Elisha in that ding ahi.

2 LENGTE 13:3

Lalpa chu Israelte chung in a lungna ta’n, a vêl vêl in Aram ah Lengpa Hazael khutah leh, a chapa Ben-hadad khut in, a pelut tai.

2 LENGTE 13:7

Tichun, Jehoahaz in sepai lakah sakol chungchuang mi sawmnga, kângtalai sawmkhat, leh keng sepai sîng khatte bep lo’ngal gâldo mi a nei ta pua’n; Aram lengpa’n a suchimit ah, leivui gual mai in a koi tai.

2 LENGTE 16:9

Ziaphatchun, Assuria lengpa chun, a thildot chu a la ngaithâk piak ah; tichun Assuria lengpa chu Damaska do dingin a kuan to ah, a va lâk piak ah, a mite chu Kir lam ah sal in a pui piak ah, Rezin chu a that tai.

2 LENGTE 8:12

Hazael chun, “Ka lalpa chu bangziak ah kap la hem?” a tia. Ama chun, “Israel mite chung ah la thil phalo hun bawl ding chu ka het ziakin ahi; nang in a kulpiteu chu mei in hun hâl in la tin, a tangvalteu chu chemjam ah that in, a naupangteu chu hun sât tel in, chuleh, a numei nauvop laiteu chu hun philjak ding la hi,” ti’n a dawnhu a.

JOB LEKHABU 19:3

Sawmvei hial lei demsia tau in, a diklo ah lei ngawu hi zakcha lo lai la hiu em?

JOB LEKHABU 5:19

Buaina paguk lak ah kipat in hun hukdok intin; pasagi lak inle bangma’n hun sukha pua’n a.

THUPILTE 6:16

Lalpa huat lam thil paguk a um in, a ki’dak lam tak thil pasagi a um hi:

THUGENTU 11:2

La thilneite chu mun sagi a hem, mun giat tiang in hawm jak in; lei chung ah hin bang gual hun phalo in, hun tun khum ding a hem ti, la hepaw ngal a.

ISAI 28:27

Lengmasêl chu buchilna khel khel ah chil a ngai pua’n; pathikhawm chu kângtalai gawtsak ahi diak puai; lengmasel chu molkang ah khet pul ziang thei ahi’n, pathikhawm chule tiangkang ah khet thian ziang thei ahi.

ISAI 41:15

Tu’hin, nang uh chu buhêkna khawl thak, hiam tak, a thak leh ha hiam tak nei in, hun siam ding ka hi; tângte chu hêk in la tin, hêk buang inla; mualte chule busi suaksak inla.

ISAI 7:16

Zia naupang chun thilsia doi lo ah, thilpha doina châng a hiat thei masang in, a lengteu la huphul ma ma gam te ni hi nutsia in um in au.

ISAI 7:8

Suria luchang chu Damaska ahi’n, Damaska luchang chu Rezin ahi. (Kum sawmguk leh nga sung in Ephraim chu sukchâkvai in um ta’n tin, mipi ti kham ding um ta pua’n au.)

ISAI 8:4

zia nausen chun, “He nu” a hem, “He pa” a hem, a ti’thei masang in, Damaska hausakna leh Samaria gam gâllâk thilte chu Assuria lengpa’n chomnâm ding ahi ngâl a.

AMOS 1:11

Lalpa‘n zia gual hin a gen hi: Edom bawsiatna pathumte ziak leh palite ziakin, a chung ua gawtna ding chu lamang pua’ng ka; ama’n a suapi chemjam in a del in; lainatna zosia haisan ah, a lungnatna vop zing in, a thangtawmna a vop zing ziakin.

AMOS 1:13

Lalpa‘n zia gual hin a gen hi: Ammonte bawsiatna pathumte ziak leh palite ziakin, a chung ua gawtna ding chu lamang pua’ng ka; a gam kêkletna ding un, Gilead ah numei nauvop lai a phildaw ziak un.

AMOS 1:6

Lalpa‘n zia gual hin a gen hi: Gaza bawsiatna pathumte ziak leh, palite ziakin, a chung ua gawtna ding chu lamang pua’ng ka; amau in Edomte kiang ah piak dingin nam pumpi chu, sal in a pui lût ngal un.

AMOS 1:9

Lalpa‘n zia gual hin a gen hi: Tura bawsiatna pathumte ziak leh palite ziakin, a chung ua gawtna tung ding chu lamang pua’ng ka; amau in nam pumpi Edomte kiang ah a piakdaw ziak uh leh, ki-unauna thuthung a het zing lo ziak un.

AMOS 2:1

Lalpa‘n zia gual hin a gen hi: Moabte bawsiatna pathumte ziak leh palite ziakin, a chung ua gawtna ding chu lamang pua’ng ka; amau in Edom lengpa gute chu, lungna tak ah a halvâm ziak un.

AMOS 2:4

Lalpa‘n zia gual hin a gen hi: Judah bawsiatna pathumte ziak leh palite ziakin, a chung ua gawtna ding chu lamang pua’ng ka; amau in Lalpa dan a nol un, a thuguatte zui nuam lo in, a pu leh pateu a zuausan gual mau ah, pui mang in a um ta’ngal un.

AMOS 2:6

Lalpa‘n zia gual hin a gen hi: Israelte bawsiatna pathumte ziak leh palite ziakin, a chung ua gawtna ding chu lamang pua’ng ka; amau in mi diktat chu dangka’n a zuak un, mi tasam chu kengtawdap tuak khat ah a zawk ziak un;

ZEKARIAH 9:1

Lalpa‘n Hadrak a demna thu chu, Damaska chung ah kinga ding ahi. Israel nam zosia a chân gual in, Aram khawpi chu Lalpa â ahi ngâl a;

ZEKARIAH 9:2

a gam kigîtpi Hamath chule, pil maleu Tura leh Sidon le a huap hi.