3 JOHAN 1:11 - PATHIAN LEKHABU THIANGTHO (BSI)

¹¹ Doitak, a phalo chu enton kiu inla, a pha chu enton zaw tau in. Thilpha bawl taphot chu Pathian ah kipat mi ahi’n; thil phalo bawl taphot chun vang Pathian a mu puau hi.

3 JOHAN 1:11 ပူးပေါင်းရင်းမြစ်များ

SAM 34:14

Gitlona nusia’n la, thilpha bawl in; kichamna hawl inla, a del in del mai in.

SAM 37:27

Nunchan phalo haisan inla, thilpha bawl ta’n; tichun, kumkhua’n um zing inla,

PAWTDAWNA THU 23:2

Thil diklo bawl dingin mi a tam lam lam la mawk zui lo ding ahi; mi kinialna hiatpitu ah la pan phat leh, a dik lai thiam lo chansak dingin a tam lam lam in pang ziang kin la;

THUPILTE 12:11

Ama lou ding kithawpa chun nêk ding muang intin; mi juljau zuipa vang chu ngaituana neilo ahi.

JOHAN 10:27

Ka belamte chun ka aw a hiau hi. Ke’n le amau chu ka hia’n, amau chun ei zui sek ui.

JOHAN 12:26

Kua’nle ka na a sep ding chun ei zui hen; keima umna chun ka nasemte chule a um diu ahi; kua’nle ka na a sep chun, zia mi chu ka pa’n chawihoi in a”.

JOHAN 3:20

Thil phalo bawl tapo in vâk a dawi puau in, vâk inle a hung nuam puau hi.

1 KORINTH 11:1

Khrista ka etton gual in, keima ei enton un.

1 KORINTH 4:16

Ziaziakchun, ka hun ni la hiu, ka umdan entonte hitau in.

EPHESA 5:1

Chuleh, a cha doitakte gual in, Pathian nunchan zui tau in.

PHILIPPI 3:17

Suapite haw, keima ei enton chiat un, kei uh etton ah ei nei taphot chule pha tak in tepte’ un.

1 THESSALONITE 1:6

Thu chu sukgentheina thuak kawm in, Thagau Thiangtho ah kipak tak in la pom ua, kei uh leh Lalpa umdan zuitute la hitau hi.

1 THESSALONITE 2:14

Nang uh, suapite haw, Judea gam ah Khrista Jesu ah Pathian kochuamte la enton tau ah, amau in Judate lak ah a thok gual un, nang unle la gam mi teu lak in la thuak ngal ua;

2 TIMOTHI 3:10

Nang in vang ka hun thuhilte, ka umdan, ka hinkhua thiltup, ka ginna, ka dawtheina, ka hepina leh ka sekdonate hi la musa ahi’n,

HEBRAITE 6:12

Thada kiu inla, ginna leh thok-hatna ah thutiam changte kha zui zaw tau in.

1 PETER 3:11

Gitlona kiheisan in thilpha bawl hen; chamna hawl in del pek hen.

1 PETER 3:13

Thilpha hi ah phatchuam la ngai ua leh kua’n la poikhoi ding a hiu em?

1 JOHAN 2:29

Ama chu midik ahi ti la het ua leh, kuale dik tak ah thilhi tapo chu ama ah piang ahi ti hechian thei in lau.

1 JOHAN 3:10

Zia hin Pathian chate leh diabol chate chu tâklat ahi: thil diklo bawl taphot chu Pathian ah kipat ahi puau in, a suapite hepilo taphot chule ahi diak puau hi.

1 JOHAN 4:1

Doitakte haw, thagau zosia taksang kiu inla, thagaute chu Pathian ah kipat a hiu em ti enchian zawu in; khawvel ah hin jawlnei lêm tam tak a pawtdok tangal un.