2 TIMOTHI 4:8 - PATHIAN LEKHABU THIANGTHO (BSI)

⁸ Tu’hin dikna lallukhuk chu kei â ding ah koisa’n a um ta’n, zia chu Lalpa, vaihawmpa dik tak chun zia ni chuleh ei pia ding ahi; kei kiang bep ah hilo in, a kilâkna ngâkte zosia kiang inle.

2 TIMOTHI 4:8 ပူးပေါင်းရင်းမြစ်များ

THILSIAM THU 18:25

Nang lawm lawm in zia gual ah chun midikte chu migilote gual ah bawl mai ding leh, midikte chu migilote lak ah a thi khawm mai ding uh chu phal sam ding la hem? Lei chung zosia ah vaihawmpa chun dik tak in bawl lo ding la hem?” ti’n a dong a.

SAM 31:19

Aw nangma kichate â ding ah la phatna khol khawm, mi zosia mit mu ah nangma ah, ginna ngate â ding ah la bawl piak ding chu, a thupi na lawm lawm e!

SAM 7:11

Pathian chu vaihawmpa dik tak ahi’n; nisi’n migilote chung ah lungdam ni neilo Pathian ahi.

THUPILTE 4:9

Ama’n la lu dialkop hoi tak hun kopsak intin; lopina lal lukhuk hun khuksak ding ahi.

MALAKI 3:17

Sepai honte Lalpa chun, amau chu kei â hi’n tiu in, thil ka hun bawl ni phat leh amau chu ka gochan bîkte hi’n tiu in; min a na sep piak a chapa a duat gual un, amau chu hawi ding ka hi.

MATTHAI 24:36

Zia ni leh hun ding chu kuama’n a hepuau in, vansawlchâkte leh chapa’nle a hepua’n, ka Pa bep in a hia’i.

MATTHAI 7:22

Zia ni tak chuleh mi tam tak in, “Lalpa, Lalpa, la min in thute ka gen sek in, la min in thithate ka deldok sek in, la min in thilmak tam tak le ka hisek hilo a hem?” a la ti’n au.

LUKA 10:12

Ka hil la hiu, zia ni ah chun zia khawte thok sâng ah chun Sodomte thok ding chu a dân um jaw’n a.

ROMTE 2:5

La lung tâkna leh la gitlo khawk saklona ziakin, Pathian in dik tak ah a vaihawmna chu a hun puandaw phat leh, zia lungnatna ni ding ah lungnatna kikhol khawm mai hizaw ding la hi.

ROMTE 8:23

Amau haw bep hilo in, eimau ngei Thagau ga masa neite hile, cha hi’na kilatna, I taksau tatna chu ngakla in, lungthim ah thûm leh mâu in I um uh ahi.

1 KORINTH 2:9

“Mit ah mu khâk lo, bil ah le het khâk lo, mihing lunggil ah lut ngailo, Pathian in ama hepi taphotte â ding ah, a guat tapo chu,” ti zik gual khan.

1 KORINTH 3:13

mitin nasep chu tâklat in hung um intin; zia ni chun, mei ah etchetna um ding ahi, mei chun mi tin nasep chu ahi gual takin hun tâklang ta’n a.

1 KORINTH 9:25

Gualsiak kidemna ah pang mi chu bangkim in a kithunun sek un; amau chun lallukhuk sethei mu dingin a bawl un, eihaw’n vang a setheilo mu dingin I pang uh ahi.

2 KORINTH 5:2

Van ah In chu silthua nuam in, zia In ah hin thûm leh mâu in I um un;

PHILIPPI 3:11

bangtidan a hem ah mithi lak ah kipat thawkitna chu ka chan thei khâk leh ti in.

KOLOSSA 1:5

zia chu nang uh a ding ah kinepna, van ah koikhol ah a um ziak ahi. Zia kinepna chanchin ma chu tu’ma khan chanchinpha thutak thu la la he tau a.

1 THESSALONITE 1:10

A Chapa Jesu, mithi lak ah kipat a kaithawkitpa chun, lungnatna hung tung ding lak ah ei hukdok in, van ah kipat a hung kitna ding chu ngak in la um tau ahi.

1 THESSALONITE 5:4

Himaleh, suapite haw, nang uh vang zia ni chun gucha gual ah a hun huam dingin thim ah um la hi puau a.

2 THESSALONITE 2:8

Zia chu lakmang ahi’phat leh, dan susepa chu hung kilang intin, Lalpa Jesu’n ama chu a kam ah hu thâ khum in that intin, a hung kilâkna chun hi’mangthai in a.

1 TIMOTHI 6:19

Chutia, tu’nung ah amau â ding ah suangphûm pha gothil kiphûm ah, hinna tak tak chu a tûkdet theina ding un.

2 TIMOTHI 1:10

himaleh, tu’hin, I Hukdampau Khrista Jesu hung kilat ziakin hi’lat in a um tai; ama chun thina chu hi’bei in, chanchinpha ah chun hinna leh thi theilona a hun tâklang tai.

2 TIMOTHI 1:12

tu’ ah ka thoknate hile zia ziak chu ahi. Himaleh ka zak a cha puai, ka ginna ka ngakna pa chu ka hia’n; a kiang ah ka vopsak chu zia ni â ding ah chun a chingtup thei hi ti ka he ngal a.

2 TIMOTHI 1:18

Zia ni phat chuleh, Lalpa ah kipat jangaina mu dingin Lalpa‘n ama chu guat ta hen. Ephesa khua a nasep zosia khale la he ma ma hi.

2 TIMOTHI 2:5

Chuleh, gualsiak kidemna ah chunle, min dan gual ah ahiloleh khuksak in a um ngai puai.

2 TIMOTHI 4:1

Pathian mit mu leh Khrista Jesu, a thite leh a hingte vaihawm piak ding pa mit mu leh, a hung kilâkna ding leh a lenggam chu minsial in, ka hun tîl la hi:

TITA 2:13

kinepna kipak um, I Pathian lopi tak leh Hukdampa Jesu Khrista kilâkna chu ngâk dingin ei hil a.

HEBRAITE 12:11

Thununna thok lai him him in kipak um in a kilang ngai pua’n, gimum in a kilang sek hi; himaleh, thok zaw nung leh vang, sawinem ah umte â dingin dikna ga thamuan um tak a sua sek hi.

HEBRAITE 9:28

Ziaziakchun, Khrista chu mi tam tak gitlona ziakin khatvei piak in a um ta’n; a niveina’n gitlo paw ding hitalo in, ama a la ngâkte hukdam dingin hung kilang kit ding ahi.

JAKOB 1:12

Thepna thuak ham ham mi chu mi hampha ahi. Zia gual mi chun patepna chu a thuakzo ta’n, Lalpa‘n ama hepite â ding ah a tiam, hinna lallukhuk chu chang ding ahi.

1 PETER 1:4

Gochan setheilo, buak kâilo, chuai theilo, van ah nang uh â ding ah khêk ah um chu mu ding leh;

1 PETER 5:4

Tichun, Belampu Lianpen a hung kilat phat leh, lopina lallukhuk chultheilo chu mu’n lau.

THUPUAN 1:7

En un, ama chu sûmpi khi tawh hung ding ahi, mit zosia’n hun mu’n au, a nâk a la sunte ma ma khanle; chuleh khawvel ah nam zosia’n ama chu sûn in kâ in au. Ahi, Amen.

THUPUAN 19:11

Chun, van a hung kihong ah, sakol kâng khat hung pawt ka mu; a chung ah chuang chu Ginum leh Dik a hia; ama chun dik tak in vai a hawm ah, gâl le a do sek hi.

THUPUAN 2:10

La thil hun thok dingte hi lau kin; ngaitia, patep ah la umtheina dingin diabol in la lak ua khenkhat suangkul ah hun khum intin; ni sawm sung genthei thuak in lau. Himaleh, thi tiang in ginum in hung um ta’n; tichun, hinna lallukhuk hun pia ding ka hi.

THUPUAN 22:20

Zia thilte hiatsakpa hin, “Hung vak ding ka hi tai,” a tia. Amen, hung ta’n, Lalpa Jesu!

THUPUAN 4:10

upa sawmni leh palite chun lalchutpha kichû chu, a ma-âng ah bokkhup in a ho sek un; kumtuang ah hing zing pa ma ah chun a lallukhukteu chu a koithâu ah, chibai a bûk sek ui.

THUPUAN 4:4

Chuleh, lalchutpha kîmvêl ah chun lalchutpha sawmni leh pali a um a; zia lalchutphate chun upa puan vâm sil sawmni leh pali chû le ka mu; a luchung ua chun sana lallukhuk a khuk chiat ua.