2 TIMOTHI 4:5 - PATHIAN LEKHABU THIANGTHO (BSI)

⁵ Nang vang chingthei tak in umzing in, haksatnate thuak inla, chanchinpha gen in pang zing inla, la nasepna chu mualsua ta’n.

2 TIMOTHI 4:5 ပူးပေါင်းရင်းမြစ်များ

ISAI 62:6

Aw Jerusalem, la kulbângte chung in, gâlvêngte ka hun koi piak hi; a sun a jan in chawl pua’n au.

JEREMIAH 6:17

Chun, nang uh â dingin gâlvêngtu ka koi hi: “Pengkul git chu a la ngaisak un!”. Himaleh, amau chun, “A la ngaisak pua’ng kau!” a tiu a.

EZEKIEL 3:17

Mihing, Israel Inkuante vêng dingin ka hun siam tai; ka kam ah kipat thu la het phat leh, keima ah kipat in thu la hil ding ahi.

EZEKIEL 33:2

Aw mihing, la mipite kiang ah zia gual hin vagen tiam in: Gam pakhat chung ah kido’na ka tunsak ah, zia gam ah mite chun, amau lak ah gâlvêng dingin mi pakhat a guat un;

EZEKIEL 33:7

Chutichun, nang mihing, Israelte gâlvêngpa hidingin ka hun guat la hi tai; bangtik hun hileh ka thugen la het taphot, kei ah kipat hillawkna thu chu la gensawn sek ding ahi.

MATTHAI 25:16

Talent nga changpa chu a kuandok ngal a, sumkawl a vavei ah, talent nga dang a vaveipung a.

MARKA 13:34

Mihing Chapa hi, khual gamla tak ah mi pakhat zindok gual chu ahi; zia pa chun a In a nutsia ding kuan in, a suakte kiang in thuneina a pia’n, a sep ding uh a pechiat ah, kotkhak vêngpa le ginum tak ah la vêng dingin thu a piai.

MARKA 13:37

La kiang ua ka gen hi mi zosia kiang ah ka gen ahi: Kiging zing tau in, a tia.

LUKA 12:37

A puu a hung phat ah, kigingsa a la um zing a suakte chu mi hampha ahi nau e! Titakzet in ka hil la hiu, zia gual mi chu a kawnggâk sa’n a um in, an ne dingin a kichutsak in, a hung pawt ah, a nêk leh châk ding bawl in a um sek hi.

NASEPTE 21:8

A jing in ka kipan kit ua Kaisaria ka tung tau a; zia tak ah chun, thugen sek sawlchâk Philip In ah ka lut ngal ua, ama chu upa pasagite lak ah pakhat a hia, ama kiang ah chun ka um tau a.

ROMTE 15:19

Pathian Thagau thilhitheina leh, thilmakte leh tepte’na lopi takte chu mang in, Jerusalem ah kipat in Ilirikam leh a tuamvêl ah chun Khrista chanchinpha chu ka gen suak tai.

EPHESA 4:11

Tichun, khenkhatte chu sawlchâk hiding in, khenkhatte chu jawlnei hiding in, khenkhatte chu Pathian thugen dingin, khenkhatte chu kochuam vâk ding leh khenkhatte chu zilsak ah pang dingin thilpiak a pechiat a;

EPHESA 4:12

mithiangthote chu nasepna matchâk ah thuam bukim ding leh Khrista taksa chu siam piting ah,

KOLOSSA 1:25

Pathian thu chu bukim tak ah het a hitheina dingin, nanghaw ziak ah Pathian in mawpuakna ei piak dungzui in, nasem ah pang ka hi tai;

KOLOSSA 4:17

Chuleh, Arkhippa kiang ah khan, “Nasepna Lalpa ah la mu kha mualsua dingin chingthei in,” a la tiu in.

1 THESSALONITE 5:6

Ziaziakchun, midangte gual in ipmu puai tiu, hak zing in, ngaichâng tak in um zawi tiu.

1 TIMOTHI 4:12

La khangdawng hi’na kuama’n hun musit ki’hen; himaleh, pau dan leh tawidan, hepina, ginna leh thianthonate ah chun gingtute etton dingin um zaw ta’n.

1 TIMOTHI 4:15

Mi zosia’n la phatchuamna a mutheina ding un zia thilte chu bawl inla, zia thilte ah chun kipe zo in.

2 TIMOTHI 1:8

Chutichun, I Lalpau thu hiatsak leh, keima ama min ah suangkul ngâkpa hile ei jachatpi kin la; chanchinpha ziak ah thokgimna hi, Pathian thilhitheina dungzui in ei thokpi zaw’n.

2 TIMOTHI 2:10

Ziaziakchun, têlte ziak ah chun bangkim in ka thuak zo hi; chutia, amau inle Khrista Jesu ah hukdamna chu, kumtuang lopina chu tawh a mutheina ding un.

2 TIMOTHI 2:3

Khrista Jesu â ding ah sepai pha tak gual in haksatna ei thokpi in.

2 TIMOTHI 4:17

Himaleh Lalpa‘n ei dinpi in, ei hi’hat a; chutia, keima ziak ah chanchinpha gen kim ah um ding leh, Jentelte zosia’n a hettheina ding un. Tichun, sakeibaknei kam ah kipat hukdaw in ka um tai.

HEBRAITE 13:17

La hotuteu thu mang unla, a nuai un kitulut un; amau in la thagau uh hun vêng bit ah, la chanchin uh hil ding ahi ngal un. Zia chu kipak tak leh thatho tak in sêm zawu hen, achutiloleh, nanghaw â dingin khawk zaw ding ahi.

1 PETER 1:13

Ziaziakchun, nasem dingin la lungthim uh kisazo unla, kisawizoi un; Jesu Khrista kilâk phat leh hepina hung tung ding chu lungthuai lo in kineppi zing un.

THUPUAN 3:2

Kivêng inla, a hing nalai sun, thi vâng vângte kha hi’hat kit in; la thil hi’te kha ka Pathian mit mu in a buting him him a um puai.