2 TIMOTHI 4:18 - PATHIAN LEKHABU THIANGTHO (BSI)

¹⁸ Lalpa chun thil phalo ei dote zosia lak ah ei hukdok intin, a van-gam chu bit tak in ei tun in a. Ama kiang ah chun lopina kumtuang in um ta hen. Amen.

2 TIMOTHI 4:18 ပူးပေါင်းရင်းမြစ်များ

THILSIAM THU 48:16

siat theina zosia lak ah ei humbitpa vansawlchâk chun, naupangte hi maljawl ta hen; keima min tawh, ei suante Abraham tawh, Isak min chu amau ah kipat in het zing in um ta hen; lei chung ah hin nasa tak ah hung khang in, hung pung tau hen,” a tia.

1 KHANGTHU 4:10

Jabez in Israelte Pathian min a ko ah, “Ei maljawl in la ka gamgi ei kêklet piak in; chuleh, la khut in ei umpi zing hen la, ei hi’na thei lak ah kipat in ei veng ta hen!” ti’n a don a, tichun, Pathian in a dotna chu a lawtinsak tai.

SAM 121:7

Lalpa‘n thil phalo lak ah kipat in hun vêng intin; la hinna voptup in a.

SAM 37:28

Lalpa‘n vaihawmna dik a ngaina ngal a; a mi ginumte nusia ngai pua’n a. Midik chu kumtuang ah vop phatin um intin, mi nunsia suan leh pâkte vang chu mangthai in au.

SAM 73:24

La lemhiatna’n ei pui inla, zia nung chuleh lopina’n ei la lop ding la hi.

SAM 92:10

Himaleh, jangsial kî gual in ka kî la chawisâng ta’n; sathau thak lei sun khum tai.

THUPILTE 14:32

Mi nunsiate chu a thil bawlkhialnau in a kipal pâi sek un; midik chun vang a diktatna ziakin bêl ding a mu zing hi.

MATTHAI 13:43

Ziaphat chuleh, midikte chu a Pau gam ah nisa gual in vâk ta’n au. Kuale hetna ding ah nakhang nei chun he tau hen, a tia.

MATTHAI 25:34

Ziaphat chuleh, Lengpa chun, a changlam ah umte kiang ah chun, hung un, nang haw ka Pa maljawlna changte haw, khawvel siam lim ah kipat nang uh â ding ah siam gam chu lua tau in;

MATTHAI 6:13

Gilo ding ah thepna hun in ei puilût kin la, gilo lak in ei hukdok zaw’n: Gamte, thil hi’theinate, lopinate, kumtuang in nang â ahi, Amen,” ti in.

LUKA 11:4

Ka chung ua thil hikhialte ka ngaidam sek gual un, nang inle ka thil hikhialteu ei ngaidam in. Chetna hun ah ei puilût kin’ ti in,” a tia.

LUKA 12:32

Lawi tawmchate haw, lau kiu in; lenggam hun piak ding hi la Pau kipakna lam tak ahi ngal a.

LUKA 22:29

ka pa’n ei piak gual ah hin, ke’n le nang uh leng gam ka hun pia la hiu;

JOHAN 17:15

Khawvel ah kipat amau ladok dingin ka don pua’n, himaleh, gitlona lak ah kipat vêng bit dingin ka don zaw ahi.

ROMTE 11:36

Ama ah kipat leh ama ziak leh, ama â ding ah thil zosia hung um ahi ngal ah; ama kiang ah chun kumtuang lopina chu um ta hen, Amen.

ROMTE 16:27

Pathian pil pakhat bep kiang ah chun, Jesu Khrista jal in lopina chu kumtuang in um ta hen! Amen.

1 KORINTH 1:21

Khawvel in pilna mang ah Pathian a het zaw tâk lo nung in, Pathian pilna chun ngolhuai tak ah thu kigente chu mang in, a gingte hukdam chu a kipakna lam tak ahi ngal a.

1 KORINTH 10:13

Mitin chung ah patepna vântâng tilo la chung un patepna a tung kha puai. Pathian chu a ginum in, la zaw khêl uh chetna la chung un tunsak pua’n a; la thokzawna ding un chetna tawh kigual in taidawna lampi hun bawl piak in a.

1 KORINTH 15:50

Suapite haw, taksa leh thisan hin Pathian gam lua thei pua’n tin, a muatthei hinle a muatthei lo chu lua thei pua’n a.

2 KORINTH 1:10

Ama’n zia gual thi lau umna lak ah kipat chun ei hukdok ta’n, ei hukdok zing in, ei hukdok kit jel in ah ti, ama chung ah kinepna ka nei uh ahi.

GALATIA 1:5

Pathian kiang in lopina kumtuang in um ta hen, Amen.

1 THESSALONITE 5:23

Chamna Pathian ngei chun la pum un hi’thiangtho ta hen; chuleh, la thagau uh leh, la lungthim uh leh, la taksau chu I Lalpa Jesu Khrista hung tiang ah thiangtho leh demna bei in um ta hen.

2 THESSALONITE 3:3

Himaleh, Lalpa chu a ginum ah, ama chun hun hi’det in, migilo lak in hun vêng ding ahi.

1 TIMOTHI 1:17

Khang zosia ah Lalpen, thi theilo, muthei lo, Pathian pakhat bep kiang ah chun kumtuang in choihoina leh lopina um zing ta hen.

1 TIMOTHI 6:16

Ama bep chun thithei lona a nei ah, kuama nai theilo vâk ah chun a um ah, kuama’n a mu ngailo leh a mu theilo uh ahi’n; ama kiang ah chun choihoina leh thuneina kumkhua’n um ta hen. Amen.

2 TIMOTHI 1:12

tu’ ah ka thoknate hile zia ziak chu ahi. Himaleh ka zak a cha puai, ka ginna ka ngakna pa chu ka hia’n; a kiang ah ka vopsak chu zia ni â ding ah chun a chingtup thei hi ti ka he ngal a.

2 TIMOTHI 4:1

Pathian mit mu leh Khrista Jesu, a thite leh a hingte vaihawm piak ding pa mit mu leh, a hung kilâkna ding leh a lenggam chu minsial in, ka hun tîl la hi:

HEBRAITE 11:16

Himaleh, gam phazaw a thangai un, zia chu van-gam ahi. Ziaziakchun, Pathian in a Pathian uh kiti ding chu a zakcha puai; amau â ding ah khawpi khat a siam piak tak ziakin.

HEBRAITE 12:22

Himaleh, Zion tâng, Pathian hing khawpi, van Jerusalem, vansawlchâk simsênlote umna;

HEBRAITE 13:21

a mit mu ah a kipakna gual ah Jesu Khrista jal ah nangmau ah sêm in, ama lung lam sêmdok dingin thilpha lam zosia’n hun subukim ta hen; ama kiang ah chun, lopina kumtuang kumtuang in um zing ta hen. Amen.

JAKOB 2:5

Ka suapi doitakte haw, ngai un. Pathian in zia khawvel ah gentheite hi ginna ah hausa ding leh, a hepite kiang ah a tiam lenggam chu lua ding ah a têl hilo a hem?

1 PETER 1:5

hukdamna hun nunung ah hung kilang ding ah guat zawsa chu mu dingin, ginna ziak ah Pathian thilhitheina ah vên la hiu hi.

1 PETER 5:11

Ama kiang in thilhitheina kumtuang in um ta hen. Amen.

2 PETER 1:11

Tichun, Jesu Khrista I Lalpa leh Hukdampau kumtuang gam ah lûtna chu musak in au.

2 PETER 3:18

I Lalpa leh Hukdampa Jesu Khrista hepina leh hetna ah chun khanglian zaw tau in. Tu’ leh kumtuang tiang in ama kiang in lopina um ta hen. Amen.

JUDA 1:1

Juda, Jesu Khrista suak leh Jakob suapipa hin, ko ah um, Pa Pathian doitak leh Jesu Khrista vên bit ah umte kiang ah chun,

1 SAMUEL 17:37

Chuleh, David in, “Sakeibaknei leh savom khut ah kipat ei la hukdokpa Lalpa chun, zia Philistin mipa khut ah kipat hinle ei hukdok ding ahi,” a ti nalai a. Tichun, Saul in David kiang in, “Chia in, Lalpa‘n hun umpi zing ta hen!” a ti tai.

1 SAMUEL 25:39

David in Nabal a thi tai ti a het phat in, “Nabal in ei hosiatna thu ei ngaitua piak ah, a suak hi thil phalo bawl lo ding ah ei la tutâng Lalpa chu choihoi in um ta hen. Lalpa‘n Nabal chu a thil phalo bawl man a dit ta ahi,” a tia. Ziaphat ah chun, David in mi a sawl ah, Abigail chu a ji dingin a va hêlsak tai.