2 TIMOTHI 4:17 - PATHIAN LEKHABU THIANGTHO (BSI)

¹⁷ Himaleh Lalpa‘n ei dinpi in, ei hi’hat a; chutia, keima ziak ah chanchinpha gen kim ah um ding leh, Jentelte zosia’n a hettheina ding un. Tichun, sakeibaknei kam ah kipat hukdaw in ka um tai.

2 TIMOTHI 4:17 ပူးပေါင်းရင်းမြစ်များ

SAM 109:31

Tasamte panpi vak ding leh a thi’na ding ua, thiamlo chansakte khut ah kipat a hukdaw ziakin.

SAM 22:21

Sakeibaknei kam ah kipat in ei hukdok in! Jangsial kî ah kipat in ei hukdok ta’n!

THUPILTE 20:2

Lengpa lungnatna chu sakeibaknei kitum gual ahi’n; kuale a chok lungna taphot chun a hinna chân in a.

THUPILTE 28:15

Migentheite chung ah vaihawmtu gilo chu, sakeibaknei hâm leh savom hâng mi del tawhbang ahi.

ISAI 41:10

lau him him kin, ka hun umpi zing hi; lung lau kin, la Pathian ka hi’ngâl a. Hun hi’hat ing ka tin, hun panpi ding ka hi; ka zaw’na khut changlam in, hun domsâng ding ka hi.

ISAI 41:14

Nang, tangtêl tawhbang bep Jakob, nang, ganhing tawhbang bep Israel, lau him him kiu in! Hun panpi ding ka hi, Lalpa‘n a tii. Nang uh Tandokpa chu Israel Mithiangtho chu ahi.

JEREMIAH 2:30

La chateu chu a thawn in ka vua hen, kisiam phatna’n a nei diak puau hi; sakeibaknei gawlsan in a nêk zaw gual in, la jawlneiteu chu la chemjam un a ne zo tau hi.

DANIAL 6:22

Ka Pathian in a vansawlchâk a hun sawl ah, sakeibaknei kam chu a chi’sak ah, ei suna lo uh ahi; a ma-âng ah bangma bawlkhial ka nei lo ziakin; chuleh, aw lengpa, la ma-âng inle bangma bawlkhial ka nei puai,” ti’n a hun dawnhu tai.

DANIAL 6:27

Ama’n hukdok in a humbit ah, lei leh van ah tepte’na leh thilmakte a bawl ah; sakeibaknei thilhitheina kipat in Danial a hukdok ta’ngal ah, a ti tai.

MATTHAI 10:19

Himaleh, a hun matsak phat ua leh, bangti ding, bang thu gen ding ka hem? ti’n lungkham kiu in; la gen ding uh chu a hun tak ah piak hiding la hingal un.

LUKA 1:1

Eimau lak ah thil a la tung ta chanchin chu, mi tam tak in zik a la gaw tau a;

LUKA 21:15

la mêlmateu zosia’n a hun dodâl ua, a hun nial thei lona ding un, la thugen diu leh pilna hun pia ding ka hi.

NASEPTE 23:11

Zia jan ah chun, Lalpa a kiang in a hung ding ah, “Hangsan tak in um in! Jerusalem khua ka thu la taklat gual hin Rom khua’n le taklang ding la hi,” a tia.

NASEPTE 9:15

Himaleh, Lalpa chun a kiang in, “Chia mai in; ama hi Jentelte leh lalte tawh Israel chate kiang ah ka min pawlut ding ah matchâk ding ah ka têl ahi;

ROMTE 15:31

Judea gam ah ginglote lak ah hukhin ka hitheina ding leh, Jerusalem ah mite â ding ah ka nasep hi mithiangthote â ding ah pom tâk a hitheina dingin.

2 KORINTH 12:9

himaleh, ama’n ka kiang in, “Ka hepina nang â di’n a hun hi, ka thilhitheina hi hâtlona sukbukim ah um sek ahi,” a ti’n. Ziaziakchun, Khrista thilhitheina chu ka chung ah a um theina dingin, kipak tak in ka hatlonate hi suang zaw ta’ng ka.

EPHESA 3:8

Keima, mithiangthote lak ah neupen sâng ah le neuzaw kiang ah hin, zia hepina chu piak ahi’n; Khrista hausakna suidaw guallote chanchin chu Jentelte kiang ah gen ding leh;

1 TIMOTHI 1:12

Keima hatna ei pepa, Khrista Jesu I Lalpau kiang in kipak thu ka gen hi; ama chun ginum ah ei ngai in, a nasêm ding ah ei pansak ziakin.

2 TIMOTHI 2:1

Chutichun, nang ka cha, Khrista Jesu ah hepina ah chun hat tak in um inla,

2 TIMOTHI 2:9

Zia ding ah chun gimnate ka thuak ah, thilhi’khial gual ah kol busak hial in ka um tai. Himaleh, Pathian thu chu kol busak in a um puai.

2 TIMOTHI 3:11

sukgenthei ah ka umnate leh, Antiok, Ikoniam leh Lustra ah ka chung ah thiltung ka la thokgimnate kha tawh. Sukgentheina nasa tak ka la tuak hi! Himaleh, zia zosia ah kipat chun Lalpa‘n ei la hukdok hi.

2 TIMOTHI 4:5

Nang vang chingthei tak in umzing in, haksatnate thuak inla, chanchinpha gen in pang zing inla, la nasepna chu mualsua ta’n.

TITA 1:3

himaleh, I Pau Pathian thupiak dungzui ah ka kiang ah piak ah um, a hun tak ah thugen sek pa hin,

HEBRAITE 11:33

ziate chun ginna ziakin gamte a lau ah, dik tak in vai a hawm un, Pathian thutiamte a la chang un, sakeibaknei kam te a suchîp un;

1 PETER 5:8

Pilvâng tak in chingthei un; la mêlmau Diabol chu sakeibaknei kitum gual in a nêk ding hawl in a vâk vêl vêl hi.

2 PETER 2:9

Lalpa‘n ama ngaisakte chu thepna kipat hukdaw dan leh, midiklote chu vaihawmna ni ding ah gawt zing kawm ah koihe dan a henai.

1 SAMUEL 17:37

Chuleh, David in, “Sakeibaknei leh savom khut ah kipat ei la hukdokpa Lalpa chun, zia Philistin mipa khut ah kipat hinle ei hukdok ding ahi,” a ti nalai a. Tichun, Saul in David kiang in, “Chia in, Lalpa‘n hun umpi zing ta hen!” a ti tai.