2 TIMOTHI 4:10 - PATHIAN LEKHABU THIANGTHO (BSI)

¹⁰ Dema chun tu’lai khawvel a ngainat ziakin ei nusia in, Thessalonika khua’n a chia tai; Kresen chu Galatia gam ah, Tita le Dalmatia gam lam in a chia tau hi.

2 TIMOTHI 4:10 ပူးပေါင်းရင်းမြစ်များ

MATTHAI 12:32

Kuale, Mihing Chapa gensia chu ngaidam thei hi’ntin; Thagau Thiangtho gensia chu vang ngaidam thei hi pua’n au; zia khawvel leh khawvel hung tung kit dinginle.

MATTHAI 26:56

Himaleh, Pathian lekha thu, jawlneite’n a gen haw kha a guitunna ding in zia thilte hi tung ahi, a tia. Nungzuite zosia khan a taisan ua, a jam mang tau hi.

LUKA 14:33

Zia gual ma chun, kuale a nei zosia nusia ngam lo chu ka nungzui hitheilo ding ahi.

LUKA 16:13

Suak kuama’n hotu pani na a sêmkop thei puai; pakhat muda in pakhat hepi intin; pakhat kiang ah kitulût intin, pakhat chu dangdâk in a. Pathian leh sum na sêmkhawm thei pua’n lau, a tia.

LUKA 17:32

Lot ji hezing un.

NASEPTE 13:13

Paul leh a lawite chu, Paphos khua kipat in long ah hung kipandok kit in, Pamphulia gam ah Perga khua a hung tung un. Zia chun Johan tawh a kikhen ua, ama chu Jerusalem lam in a hung kit tai;

NASEPTE 15:38

Paul in vang, Pamphulia gam ah amau a la nusia leh nasepna amau a zui lo ziakin ama pui chu pha a sa pua’n.

NASEPTE 16:6

Phrugia leh Galatia gam a chuan suak tau a; himaleh, Asia gam ah thugen ding chu Thagau Thiangtho in a zada a.

NASEPTE 17:1

Amphipoli leh Apolonia khua haw malam ah chia pek in, Thessalonika khua a tung ua; zia chun Judate sunagog khat a um a.

NASEPTE 17:11

Zia ah Juda mite chu Thessalonika mite sâng in a lungthim uh a kihong zaw’n, thu chu thanuam tak in a lop un, a thugenteu chu a dik leh diklo hetna dingin, nisi’n Pathian lekha thu’n a sui sek un.

NASEPTE 17:13

Himaleh, Thessalonika khua Judate lawi khan Beroea ah le Paul in Pathian thu a gen hi ti a het phat un, zia lam tiang ah chunle a hung pek ua, mipi chu a hung tîlsiau a.

NASEPTE 18:23

Zia tak ah chun hun bangchan a hem a um nung in, a kipan kit ah, Galatia gam leh Phrugia gam zosia a ban ban in a chuan vêl ah, nungzuite zosia chu a tîlhat pek tai.

2 KORINTH 2:13

himaleh, ka unaupa Tita ka mu lo ziakin, ka lungthim a muang puai. Tichun, amau nusia in Makedonia lam in ka chia tai.

2 KORINTH 7:6

Himaleh, lungkete thamuanpa Pathian in, Tita hung ziak chun ei thamuan in,

2 KORINTH 8:16

Ka hun ngaikhawkna gual Tita lunggil ah le pepa Pathian kiang in kipak thu um ta hen.

2 KORINTH 8:23

Tita ahileh ka gualpa leh nangmau lam ah ka naseppi ahi’n, ka suapite hi chu, kochuamte sawlchâk, Khrista lopina chu a hiu.

2 KORINTH 8:6

a bul a la patsa, zia hepina nasep hi nangmau ah hi’buting ngal dingin Tita chu ka don tau a.

GALATIA 1:2

ka kiang ah um suapite zosia hin, Galatia gam ah kochuamte kiang in:

PHILIPPI 2:21

A leng un Jesu Khrista â ding hawl lo in, amau â ding bep a hawl chiat un.

1 TIMOTHI 6:10

Dangka sum ngainat hi gitlona chitin bul ahi ngal a; khenkhat in hausak nopna ziakin ginna chu jamsan in, amau leh amau lungngaina tam tak a kisunkhum sek uh ahi.

1 TIMOTHI 6:17

Zia khawvel ah mi hausate chu a hiu leh, kiletsak lo ding leh, hausakna muan umlo ah a kinepnau ngalo ah, I limna ding ua bangkim ah ei somdawlpa Pathian chung ah nga zaw dingin hil in.

2 TIMOTHI 1:15

Asia gam ah um zosia’n ei nusia zo tau hi ti la hia’i; a lak un Phigela leh Harmojinia le a pang ui.

2 TIMOTHI 4:16

Ka thiamna thu ka gen masak chung ah khan, kuama’n ei panpi lo in, ei nusia sik sek tau hi. Amau chung in thiamlona chu ki’hen!

TITA 1:4

ginna ka kikoppi, ka chapa Tita kiang ah chun: Pa Pathian leh Lalpa Khrista Jesu I Hukdampau kiang ah kipat hepina leh jangaina leh chamna um ta hen.

PHILEMON 1:24

Ka sepgimpite, Marka, Artistarka, Dema tawh Luka’n le a hun bûk chiat ui.

2 PETER 2:15

Bosor chapa Balaam, diklo tak sum thangaipa lampi chu a haw tâk ziak un, lam dik pêtmangsan in a vâk mang tau hi.