2 TIMOTHI 3:8 - PATHIAN LEKHABU THIANGTHO (BSI)

⁸ Janes leh Jambreste’n Mosi a kilanpi gual uh khan, zia mite hinle thutak chu a kãl sek ui; lungthim buak sa, ginna lêm nei mi a hiu hi.

2 TIMOTHI 3:8 ပူးပေါင်းရင်းမြစ်များ

PAWTDAWNA THU 7:11

Ziaphatchun, Pharaoh in a mipilte leh dawithiamte a ko khawm ah; chuleh, Aigupta gam ah mitvaidawi thiamte chun le a dawithiamnateu chu mang in zia gual ma chun a hun bawl tau a.

PAWTDAWNA THU 7:22

Himaleh, Aigupta mi dawithiamte chun le a dawi uh mang in zia gual ma chun a bawl ua; ziaziakchun, Pharaoh lungthim chu sukkhau in a um zing ah; tichun, amau chu a limsak nuam diak puai; Lalpa’n a la gensa gual ah khan.

PAWTDAWNA THU 8:18

Dawithiamte chunle a dawiteu mang ah thovâi umsak a guau ah; himaleh, a bawlthei puau a. Mihing leh gancha zosiate chung ah chun thovâite chu a chu tai.

PAWTDAWNA THU 8:7

Ahi’n, dawithiamte’nle a dawi uh mang in zia gual ma chun a bawl ua; tichun, Aigupta gam sung ah chun ukêng a lênsak tau a.

NASEPTE 15:24

Keihaw lak ah kipat hung pawtdok, kuate a hiu em haw chu ka hil dan dungzui ua hilo in, la buaina ding bep ua thu hung gen pawl um a hiu ti ka la het phat un;

ROMTE 1:28

Chun, Pathian het a nop lo ziak un, thil mêlpha lo tak tak bawl ding ah a doi lo gual lungthim nei phal in, Pathian in a kihei mangsan tai.

ROMTE 16:18

Zia gual mite chun I Lalpau Khrista na chu a sêm puau in, amau gilpi na bep a sêm zawu hi; a kamthiam uh leh pâkchâkna thuteu chun, mi mawlte chu a thêm sek ui.

EPHESA 4:14

Diklo tak ah juauthepna gual ah, pil gûkkhel ah mihing thêm kawm ah, ziltilna thigua’n langkhat langkhat ah a mût lumlet thei ding ah naupang I hi’ tâk lona ding un.

1 TIMOTHI 1:19

Ginna leh sia leh pha hetna thiang tak vop zing in. Mi khenkhat in a sia leh pha hetnau chu paitha’n, ginna lam ah chun kuang kek gual in a buaisia tau hi;

1 TIMOTHI 4:2

zia chu mi phalêmte juautheina ziakin ahi, amau chu a sia leh pha hetnau thîk âm ah bî piak gual a hiu in.

1 TIMOTHI 6:5

ngaituana gilo leh thutak neilo mite lak ah chun kinialnate a um sek ah, amau chun Pathian ngaisak hi lawkna ding bep in a ngaituau hi.

2 TIMOTHI 4:15

A kiang ah khan nang le kivêng in, I thugen uh hi a dodâl ma ma ziang hi.

TITA 1:10

Dan khawksa lo leh thu manlo mawk gen gente, mi thêm ah puimangte a tam tangal ua, a diak in zektante lak in a tam diak uh ahi.

TITA 1:16

Pathian he a kitiu in, himaleh a nasep ua chun ama a kihetlosak ui. Ki’dak um tak leh thu awilo tak in, thilpha hi’na ding lam taphot in a ting zo ta puau hi.

2 PETER 2:14

A mit uh ângkawmna dim, gitlona haisan theilote a hiu a; mi detlote a thêm pûk ua; ênna lungthim a puu ah; hânsia law chate a hiu hi.

1 JOHAN 2:18

Chate haw, hun nunung chu ahi tai! Khrista dodâlte chu hung ding a hiu ti la hiatsa gual un, tu’hin Khrista dodâl tam tak a hung tau hi. Zia ah kipat hin hun nunung ahi, ti I hethei ui.

1 JOHAN 4:1

Doitakte haw, thagau zosia taksang kiu inla, thagaute chu Pathian ah kipat a hiu em ti enchian zawu in; khawvel ah hin jawlnei lêm tam tak a pawtdok tangal un.

THUPUAN 2:20

Himaleh, demna neukhat ka nei hi: Jawlnei kiti Jezebel kha la ngai thei ziakin. Ama chun ka suakte chu thanghuai ding leh, milim hona kithoina sate ne dingin a thêm sek a.

THUPUAN 2:6

Ahi’n, Nikolaitante thilbawl la huat hi vang, keima’nle ka hua a hi; zia chu la phatna khat ahi.