2 TIMOTHI 3:11 - PATHIAN LEKHABU THIANGTHO (BSI)

¹¹ sukgenthei ah ka umnate leh, Antiok, Ikoniam leh Lustra ah ka chung ah thiltung ka la thokgimnate kha tawh. Sukgentheina nasa tak ka la tuak hi! Himaleh, zia zosia ah kipat chun Lalpa‘n ei la hukdok hi.

2 TIMOTHI 3:11 ပူးပေါင်းရင်းမြစ်များ

THILSIAM THU 48:16

siat theina zosia lak ah ei humbitpa vansawlchâk chun, naupangte hi maljawl ta hen; keima min tawh, ei suante Abraham tawh, Isak min chu amau ah kipat in het zing in um ta hen; lei chung ah hin nasa tak ah hung khang in, hung pung tau hen,” a tia.

2 SAMUEL 22:1

Lalpa‘n a mêlmate zosia leh Saul ah kipat a hukdaw phatin, David in zia La hi Lalpa kiang in a sa tai:

2 SAMUEL 22:49

ka mêlmate lak ah ei hukdokpa; nang in ka gâlte zosia chung ah lei dom sâng ah, thagum sua chîng mite lak ah kipat lei hukdok tai.

SAM 34:19

Haksatna tam tak mi dik in a tuak ding a um in, himaleh, zia zosia pat chun, Lalpa‘n a hukdok sek hi.

SAM 37:40

Lalpa‘n amau chu panpi in, a hukdok sek in, ama a bêl ziak un, mi nunsiate lak ah kipat hukdok in, a hukhing sek hi.

SAM 91:14

Ei hepite chu hukdok ing ka tin, ka min hete chu vêng bit ding ka hi.

ISAI 41:10

lau him him kin, ka hun umpi zing hi; lung lau kin, la Pathian ka hi’ngâl a. Hun hi’hat ing ka tin, hun panpi ding ka hi; ka zaw’na khut changlam in, hun domsâng ding ka hi.

ISAI 41:14

Nang, tangtêl tawhbang bep Jakob, nang, ganhing tawhbang bep Israel, lau him him kiu in! Hun panpi ding ka hi, Lalpa‘n a tii. Nang uh Tandokpa chu Israel Mithiangtho chu ahi.

ISAI 43:2

Tuili thûk la hawthen tak leh le, hun umpi ing ka tin; luiliante hawtheng lechinle, hun chup pua’n tin; meikuang paltheng ma lechinle, hun kâng diak pua’n tin; meikuang in hun kângtum lo ding ahi.

JEREMIAH 1:19

Hun do intiu in, himaleh, hun zo pua’n au; nangma hukdok ding in ka hun umpi zing la hi, Lalpa‘n a tii,” ti in.

DANIAL 6:27

Ama’n hukdok in a humbit ah, lei leh van ah tepte’na leh thilmakte a bawl ah; sakeibaknei thilhitheina kipat in Danial a hukdok ta’ngal ah, a ti tai.

NASEPTE 13:14

Perga khua kipat a hung pawt phat un, Pisidia gam ah Antiok khua a hung tung tau a. Sabbath ni chun Sunagog ah lut in, a kichu tau a.

NASEPTE 13:45

Ahi’n, Judate chun mipite chu a mu phât un, itsikna’n a hung dim tau ah, Paul thugente chu a hilo lam lam ah hun nialkãl in, a demsiau a.

NASEPTE 14:8

Lustra khua chun mi pakhat, a pian lim ah kipat keng zeng, a keng ah lamjawt kha ngailo hin

NASEPTE 20:19

kingaitawm tak leh thepna lak ah mitthi tam tak sêng in Lalpa na ka sêm a, Judate’n ei chân-gûkna ziak ua haksatna tam tak thuak in ka um a;

NASEPTE 23:10

Kinialna sâng tak mai a hung suak phatin, sepai hotu lian chun Paul chu a puaitel khak ding uh lauthawng in, sepaite chu vachia suk ah, thagum hat ah vakaidok ziang dingin thu a pia, kulpi sung ah um dingin a pui lût tai.

NASEPTE 26:17

Jentelte leh la mipite lak ah kipat nang hun hukdok ding ka hi; amau lak ah chun ka hun sawl la hingal a;

NASEPTE 26:22

Himaleh, Pathian panpina dong in, tu’ni hin la âng ah dingin, milian leh mineute kiang ah thu gen thei nalai in ka um ah, ka thugen chu Mosi leh Jawlneite’n thil tung ding a gen sekteu tilo chu bangma dang ahi diak puai:

NASEPTE 9:16

ka min ziak ah bang gual gentheina a hem a thok ding, a kiang in hun hiatsak ding ka hi,” ti’n a dawnhu a.

ROMTE 15:31

Judea gam ah ginglote lak ah hukhin ka hitheina ding leh, Jerusalem ah mite â ding ah ka nasep hi mithiangthote â ding ah pom tâk a hitheina dingin.

2 KORINTH 1:5

Khrista thokgimnate tam tak ka chan gual un, Khrista jal in thamuanna le tam tak ka chang ui.

2 KORINTH 1:7

Chun, thokgimna chanpite la hi gual un, thamuanna chanpite le la hiu ti ka het un ka hun kineppinau a det tai.

2 KORINTH 12:10

Ziaziakchun, Khrista ziakin hatlonate, hosiatnate, châtganate, sukgentheinate leh buainate ah hin ka kipak sek hi; ka hâtlo phat si’n leh ka hat sek ngal a.

2 TIMOTHI 4:7

Kidona pha chu ka do zo ta’n, kitaisiakna chu ka mualsua ta’n, ginna chu ka vopdet zo tai.

2 PETER 2:9

Lalpa‘n ama ngaisakte chu thepna kipat hukdaw dan leh, midiklote chu vaihawmna ni ding ah gawt zing kawm ah koihe dan a henai.