2 TIMOTHI 2:7 - PATHIAN LEKHABU THIANGTHO (BSI)

⁷ Ka thugen hi ngaitua in, Lalpa chun bangkim in hettheina hun pia ding ahi.

2 TIMOTHI 2:7 ပူးပေါင်းရင်းမြစ်များ

1 KHANGTHU 22:12

Israelte chung ah vaihawm ah a hun pansak phat leh, Lalpa la Pathian dan chu la vopdet theina dingin, hiatthiamna leh lemhiatna chu hun pia ta hen.

1 KHANGTHU 29:19

Chun, ka chapa Solomon hi la thupiakte, la thil hiatsakte leh la dante zawm ah, zia gual ah chu um thei ding leh ka la kiguanggal dungzui ah zia In chu sa dingin, lungthim pha bukim putsak ta’n, ti’n a gen tai.

SAM 119:125

La suak ka hi, la thu hetsakte, ka hiat thiam theina dingin, hiatthiamna ei pia’n.

SAM 119:144

La thupuandawte chu kumtuang in a dik hi; ka hintheina dingin hiatthiamna ei pia ta’n.

SAM 119:73

La khut in lei siam in, lei guanggal ta’n; la thupiakte ka ziltheina dingin, hiatthiamna ei pia’n.

SAM 64:9

Mi zosia’n hun lau in, Pathian thil hun tunsak thute gensawn in, a thilbawlte chu ngaitua ta’n au.

THUPILTE 24:32

Ziaphatchun, ka mudok ah, pha tak in ka ngaitua ah, ka en ah; zilsaknate chu ka pom tai.

ISAI 1:3

Bawngchal in a neipa a hia’n, sabiltung in a enkolpa anpiakna a hia’i; maleh, Israelte’n a hepuau in, ka mite’n a hechian puau hi.

ISAI 28:26

A Pathian in a bawl ding dan dik a la hil ah, a la zilsak ahi ngâl a.

ISAI 5:12

tingtang, pekkhuang, lilu tawh uain limpi luaithe ah, kinoptel tak ah um sekte haw, Lalpa thilbawl ngaisak lo ah, a khut nasepte en ngailote chung chu a gik hi!

DANIAL 1:17

Zia tangval palite chu Pathian in hetthiamna leh pilna lam zosia ah lekha thiamna leh pilna a pia ta’n; Danial in kilâkna leh mang lam ah hiatthiamna a nei chuam a.

LUKA 21:15

la mêlmateu zosia’n a hun dodâl ua, a hun nial thei lona ding un, la thugen diu leh pilna hun pia ding ka hi.

LUKA 24:45

Ziaphatchun, Pathian Lekhathu chu a hiat thiam theina ding un a lungthim uh chu a sukvak piak tai.

LUKA 9:44

“Zia ka thugen hi la nakhang un lut ta hen: Mihing Chapa hi mite khut ah matsak in um ding ahi,” a tia.

JOHAN 14:26

Ahi’n, Genpiakpa, Thagau Thiangtho ngei chu ka min in, Pa’n hun sawl intin, ama chun thil bangkim hun hil intin, la kiang ua ka thugen zosia hi hun hetdawsak kit ding ahi.

JOHAN 16:13

Banghilehle, ama Thagau thutak chu a hung tun tak leh, thutak zosia’n hun pui lût intin, ama phuak kawm in thu gen pua’n tin, a het tapote chu gen intin, thil hung tung dingte chu hun hiatsak in a.

NASEPTE 7:10

a haksatna zosia lak ah kipat in a hukdok ah, Aigupta ah Lengpa Pharaoh mit tung thei ding in doisakna leh pilna a pia; ama chun Aigupta leh a Insung zosia chung ah lal in a hun pansak tai.

1 KORINTH 12:8

Mi pakhat kiang in Thagau in pilna thu a pia’n, zia Thagau ma chun midang kiang in hetna thu a pia’n;

DAN LEKHABU 32:29

Pilna nei hileu vang, zia hi hechian ta’n au; bang gual ah hung tawp ding a hem, ti ngaitua ta’n au.

DAN LEKHABU 4:39

Ziaziakchun, Lalpa chu Pathian, chung lam ah van leh nuai lam ah lei ah hin ama tilo a dang umlo ahi ti hen, la lunggil un ngaitua zing tau in.

PHILIPPI 4:8

A tawp pen ah chun, suapite haw, a dik tapo, a za-um tapo, a fel tapo, a thiangtho tapo, a doi um tapo, a kithang mêlpha tapo, thil phazaw him him, pâkchâk ding him a um chun ziate chu ngaituau in.

KOLOSSA 1:9

Ziaziakchun, ka het niu ah kipat kei unle nang uh â ding ah pauchap leh dot piak ka hai nai puau hi; thagau lam pilna leh hetna zosia, a doilam hetna hi’dim ah la hung umtheina ding un.

1 TIMOTHI 4:15

Mi zosia’n la phatchuamna a mutheina ding un zia thilte chu bawl inla, zia thilte ah chun kipe zo in.

2 TIMOTHI 2:6

Lou ah sêmgimpa chu thâiga chang masa pen ahi ding ahi.

2 TIMOTHI 2:8

Mithi lak ah kipat thokit, David suan ah mi, Jesu Khrista chu hezing in, ama chu ka chanchinpha chu ahi.

HEBRAITE 12:3

Lungthim lam ah la tha chawl ua, la basaplona ding un, migilote nialkãlna thuak ham hampa kha ngaitua tiam un.

HEBRAITE 13:7

La hotuteu, Pathian thugente chu hezing un; a hinkhua mat danteu chu ngaituau inla, a ginnau chu enton in zui un.

HEBRAITE 3:1

Ziaziakchun, suapi thiangtho, van kona chanpite haw, I thugin ua sawlchâk leh thiampu lianpen Jesu chu ngaitua tiam un.

HEBRAITE 7:4

Ngaitua un, Abraham in a gâllâk zosia lak ah a sawm ah khat a la piakpa hi bang gual ah lopi ahi tam!

JAKOB 1:5

La lak ua kua’n le pilna a tâksap chun, mi zosia kiang ah phal tak leh îtcha lo ah pepa Pathian kiang in don un, tichun piak in um in lau.

JAKOB 3:15

Zia tawhbang pilna chu chung lam ah kipat hung suk a hipua’n, khawvel leh lei thil, diabol ah kipat ahi zawi.

JAKOB 3:17

Chung lam ah kipat pilna hung suk chu vang, a masa’n a thiangtho ah, kicham a nuam ah, a nunnem ah, a thunung thei ah, hepina leh ga pha’n a dim ah, doichuamna leh dawha him him panglo ahi.

1 JOHAN 5:20

Chun, Pathian Chapa chu a hung ah, midik chu hethei dingin hiattheina ei pia tai, ti I hiau hi; chuleh, a Chapa Jesu Khrista ah um in, midik ah chun I um uh ahi. Ama chu Pathian dik tak leh kumtuang hinna ahi.