2 TIMOTHI 2:4 - PATHIAN LEKHABU THIANGTHO (BSI)

⁴ Sepai kuama’n dam sung khawsaknate ah hin a kisubuai ngai puai; sepai ding ah têl hotupa kipaksak ding bep chu a tup sek hi.

2 TIMOTHI 2:4 ပူးပေါင်းရင်းမြစ်များ

LUKA 8:14

Chuleh, hampa lingnei lak ah kethate chu zia gual hi a hiu: Thu a het phat ua leh, a chiau a; damsung khawsak lungkhamnate, hausaknate leh nopsaknate’n a hun dêp ah; a ga piting ngai sek puau hi.

2 KORINTH 5:9

Ziaziakchun, zia taksa hin um in, umlo leu hing, ama kipakna mi hiding chu I tuppen diu ahi.

GALATIA 5:1

Suak hilo dingin Khrista chun ei thâdok tai; ziaziakchun, ding det unla, suak ngawngkol in tâng kit ta kiu in.

1 THESSALONITE 2:4

Chanchinpha vopsak ding ah Pathian phasak mi ka hi gual ngei un, mihing kipaksak ding gua hilo in, ka lunggilteu pateppa Pathian kipaksak dingin ka gen uh ahi zawi.

2 TIMOTHI 4:10

Dema chun tu’lai khawvel a ngainat ziakin ei nusia in, Thessalonika khua’n a chia tai; Kresen chu Galatia gam ah, Tita le Dalmatia gam lam in a chia tau hi.

2 PETER 2:20

Lalpa leh Hukdampa Jesu Khrista a het ziak ua khawvel buaknate a taisan nung un, zia ma chun a kihên awk kit ua, thatzaw ah um kit in, a umdan nunung uh chu a masa sâng in a sia zaw tai: