2 TIMOTHI 2:25 - PATHIAN LEKHABU THIANGTHO (BSI)

²⁵ a lang lam ah pangte chu a jaicha’n hil hen. A lung uh a hei ua, thutak chu a hettheina ding un Pathian in ahi’thei tho ah,

2 TIMOTHI 2:25 ပူးပေါင်းရင်းမြစ်များ

JEREMIAH 31:33

Himaleh, ziazaw nung lam ah, Israel Inkuante kiang ah ka thutiam siam ding chu zia hi hi’n a, Lalpa‘n a tii: A lunggil sung un ka dan koi ing ka tin, a lungchang un zikdaw piak ing ka; chuleh, a Pathian uh hi’ng ka tin, amau chule ka mipite hung hita’n au.

EZEKIEL 11:19

Lungthim thak pia’ng ka tin, a lunggil un thagau thak pakhat koi ta’ng ka; suang tawhbang ah tâk a taksau ah kipat lungchang chu ladok in, taksaphe gual ah nêm lungchang chu pia ta’ng ka tin;

EZEKIEL 12:3

thunung lo Inkuan ahi ngal un. Ziaziakchun, mihing, sal ah tâng ding gual in la van siam inla; chuleh, sûnchang lai tak in, a mit muu in saltâng dingin pawtdok in; a mit muu ah mun khat ah kipat mun chuam ah um dingin chia in. Thunung lo Inkuan himaleu, a hiat thiam khâk ua leh.

EZEKIEL 36:26

Lungthim thak hun pia’ng ka tin, la sung ah thagau thak hun koi ta’ng ka; nangma taksa ah kipat suang gual ah tâk lungchang chu ladok ing ka tin, phe gual ah nêm lungchang khat hun pia ta’ng ka.

EZEKIEL 36:31

Ziaphat chuleh, la umchan dikloteu leh phalo tak ah la la bawldan zosiau kha hezing in lau; la thil bawlkhial zosiau leh ki’dak um tak ah la la umnau zosia ziakin, nang uh kichimchâk hial ta’n lau.

ZEKARIAH 12:10

Chun, David Inkuan ah mite leh Jerusalem ah chêngte chung in, lainatna leh thûm piakna thagau buntha’ng ka tin; tichun, a la sut uh a mu phât ua leh, min a chapa neisun a sûn gual leh, a chatil a kâ khum gual un sûn ta’n au.

MATTHAI 11:29

Ka ngawngkol hung puau in la, ka kiang in zil un: Lungthim ah nunnem leh kingaitawm ka hi; tichun, la thagau â ding un chawldamna mu’n lau.

MATTHAI 21:32

Johan kha dikna lampi chu haw in a hung ah, himaleh, ama chu la taksang puau ah; sedawlte leh nawchizuakte’n a taksang ui, nang un vang ama chu muzing napi’nle, la taksan theina ding un la lung uh la hei nuam puau hi, a tia.

MARKA 1:15

“A hun a buting ta hen, Pathian gam chu a nai tai, la gitlo uh haisan unla, chanchinpha hi ging tau in,” ti’n a gen pan a.

JOHAN 5:34

Himaleh, mihing thu hiatsak ka kipakpina le a hipua’n, hukdam ah la um theina ding uh ka ti a hizawi.

NASEPTE 11:18

Zia thute chu a hun het phat un a thip tau a. Pathian in Jentelte le hinna a neitheina ding ua a lung hei uh a phal piak tai, ti in Pathian a pakcha tau hi.

NASEPTE 2:38

Peter chun a kiang un, “La lung uh hei unla, Jesu Khrista min in baptisma chang leu chin, la gitlonau ngaidam hi’ntin; tichun, Thagau Thiangtho thilpiak hi chang in lau.

NASEPTE 20:21

Juda mi leh Grik mi kuama khenchuam lo in, Pathian lam ah la lung hei theina diu ngaitua ziakin, I Lalpau Jesu ah chun ginna nga det zawn la lak un na ka sêm a.

NASEPTE 5:21

Zia chu a het phat un, phalvak ah chun tempul sung ah valût in, a thuhil uh chu a sunzom tau a. Thiampu lianpen leh a umpite chu a hung tun phat un, vaihawm pawlte leh Israel upate chu a ko khawm ua, suangkul ah kipat vapuidok dingin mi a sawl tau a.

NASEPTE 5:31

Ama chun Israelte kiang ah lungheina leh gitlo ngaidamna a piak theina dingin, Pathian in Lalpa leh Hukdampa hiding in a khut changlam in a chawisâng tai.

NASEPTE 8:22

Ziaziakchun, zia la gitlona hi kisik inla, la lungthim ngaituana gilo hi a hun ngaidam thei khâk leh, Pathian kiang in pauchap ta’n.

GALATIA 6:1

Suapite haw, mi kuale a hi’khelna matdaw in um taleh, nang uh thagau mite haw, thepna tuak kha’ng ka ti ah kivêng pha kawm in, zia gual mi chu tungding kit un.

1 TIMOTHI 2:4

ama chun mi zosia hukhin ah um ding leh thutak he ding in a dawi hi.

1 TIMOTHI 6:11

Ahi’n, nang Pathian mi, zia thilte chu jamsan inla, dikna, Pathian ngaisakna, ginna, hepina, thoktheina leh nunnemna chu del zaw ta’n.

2 TIMOTHI 3:7

ziltil ah um zing ngal ah thutak hetdaw’na nei theilote a hiu.

TITA 1:1

Paul, Pathian suak leh Pathian ngaisakna lam ah thutak hetna leh Pathian mi têl, ginna dungzui ah Jesu Khrista sawlchâk chun,

TITA 3:2

kuama gensia lo ding leh, kinak haisan ding leh, nunnem ding leh mi zosia kiang ah thunuaigolna tâklang dingin hil kit in.

JAKOB 1:17

Thilpiak pha leh thilpiak buting taphot hi chung lam ah kipat, vâkte pa kiang ah kipat ahi’n, ama chu danglam lo leh thimna umlo ahi.

1 PETER 3:15

la lunggil un Khrista chu Lal in koi un. Nangmau ah um kinepna chu min a hung dot ua leh, dawnhu thei ngal dingin, thunuaigol leh ja tak kawm in kisazo zing un.

1 JOHAN 5:16

La suapi pakhat thina khop hilo gitlona bawl la mu chun, don in la tin, Pathian in ama tawhbang kiang ah chun hinna pia’n tin; chuleh, thina khop hilo gitlona bawlte kiang ah chunle pia’n a. Thina khop gitlona a um ah, zia gual mite â ding ah chun pauchap un ka ti ahi puai.