2 TIMOTHI 2:24 - PATHIAN LEKHABU THIANGTHO (BSI)

²⁴ Lalpa suak in kinak a chîn ding a hipua’n, mi zosia chung ah nunnem, thuhil thiam leh lungdia thei ahi zawk ding ahi’n,

2 TIMOTHI 2:24 ပူးပေါင်းရင်းမြစ်များ

2 KHANGTHU 24:6

Tichun, lengpa chun thiampu lianpen Jehoiada chu a ko ah, a kiang in, “Lalpa suak Mosi thupiak dungzui ah Judai gam leh Jerusalem khua cheng zosia ah kipat, thuthung puanbûk ah matchâk ding, Israel mipi zosia lak ah kipat in hun lakhawm ding ah bangatia Levite chu thu pelo la hem?” a tia.

ISAI 40:11

Belam chingpa’n a belam hon an a piak gual in an a pia’n; belam note a khut in pâi khawm intin, a ângkawm ah pâi in, a belamte chu jaidam takin kaihuai in a.

DANIAL 6:20

Danial umna sakeibaknei kul a hun nai phatin, lungngai tak in Danial a hun ko ah: “Aw Danial Pathian suakpa, ginum tak ah a na la sep, la Pathian chun sakeibaknei lak ah kipat in a hun hukdok na em?” a hun tia.

MATTHAI 12:19

Ama chun nial pua’n tin, kiko diak pua’n a; khawlai vêl ah le kuama’n a aw hepua’n au.

JOHAN 6:52

Ziaphatchun, Judate chu a kinial tau a; “Zia mipa hin bang ti’n a taksa I nêk ding un ei pia thei ding a hem,” a tiu a.

NASEPTE 15:2

Zia thu ah chun Paul leh Barnaba chun nasa tak in a hun nial tau a; Ziaphatchun, Paul leh Barnaba tawh, a lak ua mi khenkhat chu, Jerusalem lam in chiau ah, zia dotna thu ah apostolte tawh upate tawh hang kiho dingin a sawl tau hi.

NASEPTE 23:9

Nasa tak in a kiko veng vung tau ah, Pharisaite lak ah lekhazik khenkhatte chu langpan in, a hung dingdok ua: “Zia mi hi a mawna ka mu puau: Thagau a hem, vansawlchâk a hem in a kiang ah thu a la gen hi kha taleh, Pathian dodâl hi khai tiu,” a tiu ah, a nialkãl lam in a hung pang tau a.

NASEPTE 7:26

A jing in a lak ua khenkhat a kinial lai tak un a vachia ah, a kilem theina ding un, gualte haw, suapi khat la hiu hi; bangatia dik lo tak ah kibawl la hiu em? a vatia.

2 KORINTH 10:1

Kei Paul, la mit muu ah thunuaigol tak ah um ah, la lak ua ka umlo phat leh khau sek hin, Khrista jaidamna leh nunnemna’n ka don la hiu.

2 KORINTH 10:4

Ei uh kigâlvannate chu taksa thil a hipua’n, kulpi det takte phiatna ding ah Pathian thilhithei tak chu ahi zawi.

2 KORINTH 6:4

Pathian nasemte gual in bangkim ah mi mit tung in ka um zawu a, nasa tak ah kukãlna, haksatna, tâksapna leh lunggimna ah te,

GALATIA 5:22

Himaleh, Thagau ga chu, hepina, kipakna, chamna, dawtheina, nunnemna, phatna, ginumna,

EPHESA 4:2

kingaitawmna tawh, nunnemna tawh, thokzawna tawh, hepina ah kidawtua zo tak ah um ding in,

DAN LEKHABU 34:5

Lalpa suak Mosi chu, Lalpa thu gual tak in, Moab gam ah chun a thi tai.

PHILIPPI 2:14

Phunchiak leh kinial lo in bangkim sêm un.

PHILIPPI 2:3

Kikhenna ding a hem, kilopisakna ziak a hem ah bangma bawl lo in, mi zosia’n kingaitawm tak in, ama sâng ah mi dang phazaw’n guat chiat uh hen.

KOLOSSA 3:13

kidaw zo tua chiat in, kua’nle mi chung ah thubuai nei taleu chin, kingaidam tua unla; Lalpa‘n a ngaidam gual in kingaidam tau in.

1 THESSALONITE 2:7

ziate chu Khrista sawlchâkte ka hi jal un phût ka hiu hi. Nu nau chawi lai in ama chate a duat gual in, la lak un nunnem tak in ka um zawu hi.

1 TIMOTHI 6:11

Ahi’n, nang Pathian mi, zia thilte chu jamsan inla, dikna, Pathian ngaisakna, ginna, hepina, thoktheina leh nunnemna chu del zaw ta’n.

TITA 1:1

Paul, Pathian suak leh Pathian ngaisakna lam ah thutak hetna leh Pathian mi têl, ginna dungzui ah Jesu Khrista sawlchâk chun,

TITA 1:7

kochuam hotu chu Pathian sum enkoltu ahiziak in, dem kâi lo ahi ding a hia; ama thu bep dawi hilo, lungna vak lo, zu dawn chîng lo, khut tha pai ziang lo, diklo tak ah lawkna hawl lo;

TITA 1:9

thugin dik tak mang ah mite thu a hiltheina ding leh, a nialte chu a zaw theina ding ah, hil ah a um gual ah thu gin um tak chu tudet mi a hi ding ahi.

TITA 3:2

kuama gensia lo ding leh, kinak haisan ding leh, nunnem ding leh mi zosia kiang ah thunuaigolna tâklang dingin hil kit in.

JAKOB 1:1

Jakob, Pathian leh Lalpa Jesu Khrista suak hin, nam sawm leh ni kithejakte chu chibai ka bûk hi.

JAKOB 3:17

Chung lam ah kipat pilna hung suk chu vang, a masa’n a thiangtho ah, kicham a nuam ah, a nunnem ah, a thunung thei ah, hepina leh ga pha’n a dim ah, doichuamna leh dawha him him panglo ahi.

JAKOB 4:2

Thil bang a hem la dawi ua, la nei diak puau a; tual la tha khawlaw sek ui. Thil bang a hem la êng kit ua, la nei thei diak puau ah; tichun, la kinial ua, la kido sek uh ahi. La dot lo ziak un la nei ngai puau hi.

JOSHUA 1:1

Lalpa suak Mosi a thi’nung in, Mosi kithuapi sek Nun chapa Joshua kiang in Lalpa‘n zia gual hin a gen a:

1 PETER 3:8

A tawp pen in, la leng un lungthim munkhat nei in, kilainattua leh suapite kihepina leh thunuaigolna nei in um un.

JUDA 1:3

Doitakte haw, I kikop uh hukdamna thu la kiang ua tha nuam tak ah zik ka guat lai in, mithiangthote kiang ah ginna vopsak ah umsa thu’n phatchuamngai tak ah pang ding ah tilkhauna thu gen ngai zaw ta’n ka hia’i.