2 TIMOTHI 2:20 - PATHIAN LEKHABU THIANGTHO (BSI)

²⁰ In lian tak sung ah chun sana leh dangka bêlte bep a um pua’n, thing leh bêllei ah kisiamte le a um ui; khenkhat gun tak ah mat ding a um ah, khenkhat mat mai mai dingle a um hi.

2 TIMOTHI 2:20 ပူးပေါင်းရင်းမြစ်များ

EZRA 1:6

A Invêngteu chiat in dangka ûm leh bêlte, sanate, thil chi chuam chuam, ganchate leh thil go takte chu, amau kiphalna dungzui ah a piakkhawmteu bân in panpi’na a pechiat tau a.

EZRA 6:5

Chuleh, Nebukadnezar in, Jerusalem Tempul ah Pathian In a kipat sana leh sum-eng ah kisiam ûm leh bêlte a puakdaw, Babulon a tut zosia khale Jerusalem tempul ah puak tung kit hi hen la, Pathian In ah chun a umna chiat un koi kit hi hen; ti’n a kizik a.

PAWTDAWNA THU 27:3

Meivam kholna ding bêlte, vutluakna dingte, khutsawp kuangte, sasutna ding thik satul kâ leh mei koina ding kuangte hawle la siam ding ahi: zia tak ah matchâk ding zosia hi sum-eng ngen ah la bawl ding ahi.

KÂ LATE 4:2

Zion chate, amau gik dan bûk sana thiangtho man jat ah lûlte chu, bêlsêkte khutsuak leibêl gual bep ah, ngai a hiziang tau em!

DANIAL 5:2

Zu a kham phatin, Belshazzar in a pa Nebukadnezar in, Jerusalem tempul ah kipat sana leh dangka ah kisiam ûm leh bêlte chu hun la’, a milian leh lalte tawh, a jiteu, a thâikêmteu zosia tawh zu dawnna mat ding ah hun choi dingin thu a pia.

JOHAN 8:49

Jesu’n a dawnhu a, “Thitha jawl ka hi pua, ka Pa chu ka chawihoi zaw ahi; himaleh, nang un lei suminsiau ahi.

ROMTE 9:20

Himaleh, a dik tak in, aw mihing, Pathian nial chu kua la hia hem? Thilsiam in ama siampa kiang in, “Bang a tia zia gual ah hi lei siam a hem?” tiding a hia hem?

1 KORINTH 3:9

Kei uh chu Pathian naseppi, a suakte ka hiu in, nang uh chu Pathian louma leh Pathian In chu la hiu hi.

2 KORINTH 4:7

Himaleh, thilhitheina chungnung chu keimau â hilo ah, Pathian â ahi ti a kilat theina dingin zia go chu leibêl ah ka koi tau hi.

EPHESA 2:22

Nanghaw le ama ah chun, Thagau ah Pathian chênna mun ding ah lepkhawm la hitau hi.

1 TIMOTHI 3:15

ka hung vâigei khâk leh, Pathian Inkuan ah bang gual ah um ding a hem ti la hetna dingin ahi; zia ngei chu Pathian hing kochuam, thutak khuam leh kulpi chu ahi.

1 PETER 2:5

nang uh le suang hingte gual in, thagau lam In ah lepto la hiu ah, Jesu Khrista ziakin Pathian kipakna lam, thagau lam kithoina lân ding ah thiampu thiangthote la hung hitheina ding un.