2 TIMOTHI 2:19 - PATHIAN LEKHABU THIANGTHO (BSI)

¹⁹ Himaleh, Pathian suangphûm det tak chu a ding zing ah, zia tepte’na hi a nei hi: “Lalpa‘n ama â te chu a hia’i,” ti leh, “Lalpa min lam tapo in gitlona kiheisan hen,” ti hi.

2 TIMOTHI 2:19 ပူးပေါင်းရင်းမြစ်များ

JOB LEKHABU 28:28

Ziaphatchun, mihingte kiang in: “Lalpa launa chu vang pilna ahi takzet in, thil phalo nutsia hi, hetthiamna bul chu ahi takzet hi,” a tii.

SAM 1:6

Lalpa‘n mi dikte lampi chu a entha zing in, mi nunsiate lampi chu vâng mangthai ding ahi.

SAM 112:6

Midiktat chu bangmatik in, kilîng lo ding ahi ngal un; kumtuang ah hetzing hi’n au.

SAM 34:14

Gitlona nusia’n la, thilpha bawl in; kichamna hawl inla, a del in del mai in.

SAM 37:18

Lalpa‘n dem kâi lo mite hinkhua chu a hezing in, a go unle kumtuang dai intin;

SAM 97:10

Gitlona haw zosia chu Lalpa‘n a kipakpi hen; a mi ginum zosia a vêng bit sek in, mi nunsiate khut ah kipat in a hukdok sek hi.

THUPILTE 10:25

Thigawpi a thip phat leh, midiklote chu a beimang zo ta sek un; ahi’n, midikte chu kumtuang â dingin, phudet in a um sek ui.

THUPILTE 3:7

Nangma lunggêl bep in pil kisa kin la, Lalpa lau inla, gitlona nusia in.

ISAI 14:32

Nam palai ah hungte chu kua’n bangti’n a dawnhu ta diam? “Lalpa‘n Zion a tungding ah, a mipite lak ah tasamte chun, ama ah chun bitna mu ta’n au”.

ISAI 28:16

Ziaziakchun, Lalpa Pathian chun: “Ngai un, Zion ah chun, a suangphûm patna dingin suang pakhat, etchianna suang–suangphûm lûl tak khat chu ka lem in, ‘Ama ging taphot chu zakcha pua’n au!

ISAI 63:19

A chung ua vai la hawm khâkna ngai lo mite leh, la min ah kiko kha ngai lo mite gual in ka um tau hi.

ISAI 65:15

La min uh chu hânsia lawkhum dingin, ka mi têlchuam kiang in nusia in la tiu in, tichun, Lalpa Pathian in hun that intin; maleh, a suakte chu vang min dang khat in ko in ah.

EZEKIEL 9:4

a kiang in, “Khawpi sung hawtheng inla, Jerusalem khawpi sung ma ma hawtheng in; chuleh, khawpi sung ah ki’dak um tak ah thil a kibawl ziak ah, khawksa tak ah thûm leh mau zosia chu a chalkiu ah tepte’na bawl in,” ti’n a hun gen a.

NAHUM 1:7

Lalpa chu a pha’n, lungdon ni ah kul det ahi; ama bêlte chu a hukhing sek hi.

HAGGAI 2:23

Zia ni chuleh, sepai honte LALPA‘n: Aw Zerubbabel ka suakpa, Shealtiel chapa, hun panpi ing ka, sepai honte LALPA‘n a tii; khutsebi min namna gual in hun siam ing ka; nang ka hun têl ta ngal ah, sepai honte LALPA chun a tii.

ZEKARIAH 3:9

Joshua ma-âng ah suang pakhat ka koi chun, mai sagi a nei in; zia chung ah chun lekha zik ing ka tin; tichun, zia gam pumpi khawlo’na hi ni khat sung in la mang ding ka hi’ngal a, ti’n sepai honte Lalpa chun a gen ta’ngal a.

KISIMNA LEKHABU 16:5

ziaphatchun, Mosi chun Korah tawh a lawite kiang in, “Jingkal kît leh Lalpa‘n kua kua hi ama â a hia, kua pen hi a thiangtho ah, ama kiang ah lût thei ding chu a hem ti hun tâklang ding ahi; tichun, Lalpa‘n a kitêldawte bep chu a kiang ah lût ding ah a phalte chu hi’n au.

KISIMNA LEKHABU 6:27

Tichun, ka min Israelte chung ah nga’n tin uh; chuleh, amau hun maljawl ding ka hi.

MATTHAI 24:24

Messiah lêmte leh jawlnei lêmte hung pawt intiu in, melchikna leh tepte’na thupi tak tak le hun etsak in au; hithei vang leh têlchuamte hial le thep zaw hun gua’n au.

MATTHAI 28:19

ziaziakchun, chiau inla, namtin lak ah mi nungzui in siam unla, Pa leh Chapa leh Thagau Thiangtho min in baptis un;

MATTHAI 7:23

Himaleh, keima’n a kiang un, “Nang uh thil gilo hi’te haw, ka hun hekha ngai puai, ka kiang ah kipat chia mang un,” a la ti ta’ng ka.

MATTHAI 7:25

Gua a hung zu, tui a hung lian ah, thigua a hung hâng ah, zia In chu a hun nam sot sot a; himaleh, suangpi chung ah sak det ahiziak in, a pûk diak puai.

MARKA 12:16

Tichun, a hun lau ah, ama chun a kiang un, “Zia hi kua luchang lim leh kua min a hem?” a tia. Amau chun, “Kaisar,” a tiu a.

MARKA 13:22

Messiah lêmte leh jawlnei lêmte chu hung um intiu in, tepte’na leh thilmak lamdang tak tak hun mu sak intiu in, thei vang leh teldawte natiangle thep zaw gaw ding a hiu.

LUKA 13:27

Himaleh, ama chun, ‘Ka hil la hiu, khoilam mi la hiu ka he puai; chia mang tau in, nanghaw thil phalo bawlte haw, ei nusia tau in’ hun ti ta’n a.

LUKA 6:48

Ama chu Insa mi, thûk tak cho ah, suangpi det tak chung ah suangphûm lem gual chu ahi. Tui a hung lêt tak leh zia In chu tui in hat tak in a hun khaw ah; himaleh, pha tak ah sak ahi ziakin a hi’lîng zo puai.

JOHAN 10:14

Keima hi belampu pha chu ka hi; ka belamte chu ka hia’n, kei â te chunle keima ei hiau hi.

JOHAN 13:18

La leng ua thu ka gen ei puai, ka têlte chu ka hia’i; ahiziak in, ‘Ka vaithum nepa’n ka chung ah a keng khawtal a lâm tai,’ ti Pathian Lekha thu’n a gen kha a guitun theina ding ahi.

JOHAN 3:33

Kuale a thu hiatsak a la pomte chun, Pathian chu dik tak ahi, ti a sudet tau hi.

NASEPTE 11:26

a vamudaw phatin, Antiok lam in a hun pui a. Chuleh, zia kum tung kei ah chun kochuamte tawh kithua in kikhopnate nei in, mi tam tak a hil sek un; chuleh, Antiok khua chun nungzuite chu “Khristian,” a hun tipan tau hi.

NASEPTE 15:17

midang zosia’n le Lalpa chu hun hawl intiu in, ka min ah ei ko Jentelte zosia’n le, ei hun hawl theina ding un. Zia thilte bawlpa Lalpa chun,

NASEPTE 9:14

zia lam ah hinle la min lam tapote kântom ding ah thiampu lalte phalna nei ah hung ei ve!” ti’n a dawnhu a.

ROMTE 11:2

Pathian in a hetlawkte a hiziak un, a mite chu a pâmpai puai. Elijah khan Israel chung thu ah Pathian kiang ah thu a tutna thu, Pathian Lekhabu’n a gen kha helo la hiu em?

ROMTE 12:9

Hepina chu dawha panglo hihen la. Thil phalo chu huau inla, a pha chu tudet tau in.

ROMTE 15:20

Mi suang lepsa chung ah insa bep ka hi’lona ding in, Khrista min puak lut nailonate kiang ah, chanchinpha gen suak têi chu ka tup ahi.

ROMTE 15:9

A jangaina ziak ah, Jentelte’n Pathian a chawihoi theina ding un. “Ziaziakchun, Jentelte lak ah chun, chawihoi ing ka tin, La min pâk in La sa’ng ka,” ti zik gual ah khan.

ROMTE 8:28

Pathian in a guat dungzui ah a kote, ama hepite â ding ah chun a phatna ding un thil bangkim a bawl piak sek hi ti I he ngal un.

ROMTE 9:11

A chate chu a pianmau in, sia leh pha a sepdaw mau in, thil hi’ziak hilo in, a kopa dawi ziak hi zaw’n, têlna lam thu ah chun Pathian thil guat chu a dettheina dingin a kiang in:

1 KORINTH 1:2

Korinth khua Pathian kochuam, Khrista Jesu ah sukthianthote, mi thiangtho hiding ah ko hite leh mun tin ah I Lalpau, eimau Lalpa leh amau Lalpa, Jesu Khrista min lam tapote kiang in:

1 KORINTH 8:3

Min Pathian a hepi chun ama ngei chu het in a um zaw ahi.

2 KORINTH 7:1

Suapi doitakte haw, zia thutiamte chu I nei ziak un, taksa leh thagau kisukbuakna zosia chu kisuthiangtho in, Pathian lau in thianthona ah bukim in um hitiu.

GALATIA 4:9

Tu’hin, Pathian la hun het ua, Pathian mi het la hung hi’nung un, ti ding ahi zaw’n, thubul jawngkhal leh manlo suak ah um kit nopna lam ah bangatia kihei kit la hiu em?

EPHESA 2:20

Khrista Jesu ngei chu a kil ah suang poimaw pen ahi’n, sawlchâkte leh jawlneite suangphûm chung ah sak la hiu hi.

EPHESA 3:15

lei leh van ah Inkuan zosia min sakna pa,

EPHESA 4:30

Ahi’n, Pathian Thagau Thiangtho chu hi’lungngai kiu in; tatna ni ding ah chun ama ah chun tepte la hi tangal un.

1 TIMOTHI 3:15

ka hung vâigei khâk leh, Pathian Inkuan ah bang gual ah um ding a hem ti la hetna dingin ahi; zia ngei chu Pathian hing kochuam, thutak khuam leh kulpi chu ahi.

1 TIMOTHI 6:19

Chutia, tu’nung ah amau â ding ah suangphûm pha gothil kiphûm ah, hinna tak tak chu a tûkdet theina ding un.

HEBRAITE 11:10

Ama’n khawpi buldet Pathian siam leh sak chu a ngâk hi.

2 PETER 3:14

Ziaziakchun, doitakte haw, zia gual thilte chu la kinep ziak un, buak bek lo, gensiat bei leh thamuang tak ah a hun mutheina ding in taimat sua unla;

1 JOHAN 2:19

Amau chu I pawl ua kipat a pawtdok tau a; himaleh, I pawl ua pang ahi puau hi; I pawl ua mi hileu chu I lak un um zing ding ahi ngal un. Himaleh, I pawl ua mi a hi’lo dan uh kichetna dingin a pawtdok tau hi.

THUPUAN 17:8

Zia sahâng la mu kha a la umsa um lo kit, lei kawkhûk tawp nei lo ah kipat hung pawt kit ding leh manthaina lut kit ding chu ahi. Um zet ta ah, um lo kit sahâng chu a hung pawt kit lei ah mite, khawvel kisiam tîl ah kipat Hinna Lekhabu min kikhumlote chun a hun mu kit tak ua leh mak sa ma ma in au.

THUPUAN 2:13

La thil hi zosia leh la chênna munte, chuleh, Setan chutpha umna natiang ka hia’i; ka min chu det tak in la vop zing a, Antipas hun lai ah ka palai ginum, Setan chênna la lak ua a tha lai khan le, keima lei ginna chu la haisan diak puai.

THUPUAN 21:14

Khawpi kulbâng chun suangphûm kingakna sawm leh ni a nei a, ziate ah chun sawlchâk sawm leh nite min a chuang a.

THUPUAN 22:4

Tichun, a mêl chu mu’n tiu in, a min chu a chalkiu in um in a.

THUPUAN 3:8

La thil hi dante kha ka hia’i; en tiam in, la âng in kuama khâk theilo ding kot honsa’n ka koi hi; hâtna neukhat bep la nei ah, ka thu le la zawm ah, ka min le la kilepsan kha puai.