2 TIMOTHI 1:3 - PATHIAN LEKHABU THIANGTHO (BSI)

³ Ka pu leh pate’n a la ho gual un, sia leh pha thiang tak nei ah a na ka sep, Pathian kiang ah sûn leh jan ah ka pauchapnate ah chun nanghaw hun hezing in, kipak thu ka gen zing sek ahi.

2 TIMOTHI 1:3 ပူးပေါင်းရင်းမြစ်များ

LUKA 2:37

chuleh kum sawmgiat leh li sung meithâi ah a la khawsa ta, tempul ah kipat pawtdok lo ah, a sun a jan ah anngawl ah pauchap sek ahi’n.

NASEPTE 22:3

Kei hi Juda mi dik tak, Kilikia gam ah Tarsa khua piang ka hi’n, chuleh, Gamaliel kengbul ah seilian, I pu leh pateu dan le bukim tak ah zil ka hi; tu’hun ah nanghaw zosia gual tho ah keile Pathian lam ah phatchuamngai tak mai ka la hi.

NASEPTE 23:1

Paul chun, vaihawm pawlte chu en zing in, “Suapite haw, tu’ni tiang ah hin Pathian ma ah sia leh pha hetna thiang tak in ka um zing hi,” a tia.

NASEPTE 24:14

Ahi’n, tu’hin, zia hi la kiang in ka puang ahi: Dan leh Jawlneite lekhabu ah kizikte kha ka gin ziakin, I pu leh pateu biak Pathian chu bia’n, amau in a diklo ah a ngai uh, zia Lampi hi ka zui ahi.

NASEPTE 24:16

Zia thu hin ka sia leh pha hetna ziakin Pathian lam leh mihing lam inle theitawp ah panpi dingin ka kisa him ahi.

NASEPTE 26:4

Ka chipite lak leh Jerusalem khua ka chanchin zosia chu a kip a kawi in ka naupan lai ah kipat Juda mite zosia’n a hechiat tau hen.

NASEPTE 27:23

Tu’jan ngei ah khan, ka Pathian leh ka ho sekpa vansawlchâk ka kiang in a hung ding a,

ROMTE 9:1

Khrista ah chun thutak ka gen ahi, juau ka gen puai; ka sia leh pha hetna hin Thagau Thiangtho ah chun ei hetpi ahi.

2 KORINTH 1:12

Ka lung sung ua sia leh pha hetna dungzui ah ka suan uh chu zia hi ahi: Khawvel ah mite leh nangmau kiang ah hizaw diak in, taksa lam pilna hilo ah, Pathian thianthona leh titakna chun ka tawi uh ahi.

GALATIA 1:14

Chuleh, pu leh pate thugosia chung ah phatchuam ka ngai nasat diak ziakin, Judate biakdan lam inle ka chipite lak ah ka khan gualte tam tak chu ka la khêl tai.

EPHESA 1:16

ka pauchapnate ah chun hun hezing in, nangmau ziakin kipak thu ka gen zing hi.

1 THESSALONITE 3:10

La mêl uh mu ah, ginna lam ah la tâksap awng uh ka huk piak theina ding un, sun leh jan ah pauchap in ka pang zing ui.

1 TIMOTHI 1:19

Ginna leh sia leh pha hetna thiang tak vop zing in. Mi khenkhat in a sia leh pha hetnau chu paitha’n, ginna lam ah chun kuang kek gual in a buaisia tau hi;

1 TIMOTHI 1:5

Ei un thuhil ding I kol pen uh hi ahileh, lunggil thiangtho leh sia leh pha hetna thiang leh ginna tak tak ah kipat pawt hepina ahi zaw ngal a.

1 TIMOTHI 5:5

Meithâi hi tak tak, ama bep ah um chun, Pathian chung ah kinepna a koi ah, sûn leh jan in don leh pauchap in a um sek hi.

2 TIMOTHI 1:5

Ginna tak tak nangma ah um chu ka hezing hi; zia ginna chu a lim in la pi Loisi leh, la nu Euniki ah a um in, tu’hin nangma ah le a um hi ti ka hechian tai.

2 TIMOTHI 3:15

chuleh, Khrista Jesu ginna ziak ah hukdamna lam ah hun hil pilthei, Lekha Thiangtho kha la naupan lai ah kipat la het ahi tai, ti hezing in.

HEBRAITE 13:8

Jesu Khrista chu jani leh tu’ni leh kumtuang in a ngai ngai ahi zing hi.

1 SAMUEL 12:23

Kei ka hileh chu, nanghaw â ding ah pauchap haisan in Lalpa chung ah gitlo bawl pua’ng ka tin; chuleh, lampi dik leh pha chu hun hil zing ding ka hi.