2 TIMOTHI 1:16 - PATHIAN LEKHABU THIANGTHO (BSI)

¹⁶ Lalpa‘n Onesiphora Inkuanpite chung in jangaina pia ta hen; ama chun ei la hi’hal jel sek in, ka thikkol hile ei jachatpi pawngal a;

2 TIMOTHI 1:16 ပူးပေါင်းရင်းမြစ်များ

2 SAMUEL 2:6

Tu’hin, Lalpa chun a ngilneina leh a ginumna la chung un latsak ta hen! Chuleh, zia thil la bawl ziak ua hin, keima’nle kipakman hun pia ding ka hi.

NEHEMIAH 13:14

Aw ka Pathian, ka Pathian In leh a sung ah nasepna â ding ah ka thilbawl phat hi hezing inla, nuaimang ziang kin.

NEHEMIAH 13:22

Chun, Levite chu amau kisuthiangtho ah hung khawm ding leh sabbath ni a thianthona ding ah kul kotkhakte chu vêng bit dingin thu ka pia tai. Aw ka Pathian, zia chungchâng thu ah hin ei hezing in la, la ja’ngaina let dungzui in ei hawi in.

NEHEMIAH 13:31

tichun, a hunbî dungzui ah thawlawm thing ding leh gamasa thillat dingte chule ka se piak tai. Aw Pathian, ka phatna hi hezing ta’n.

NEHEMIAH 5:19

Aw ka Pathian, zia mite â ding ah ka thilbawl hi ka phatna dingin hezing in, ti’n ka hun ni hi.

SAM 18:25

Mi ginumte kiang ah chun la ginumna la tâklang sek a; demna beite kiang ah chun demna bei la hi’na la sulang sek in;

SAM 37:26

Huangphal tak in a piau in, a thunglâksak un; a suanteu le maljawlna a hisek ui.

JEREMIAH 39:17

Himaleh, ziaphat chuleh, hun hukdok ing ka tin, la tizat ma ma te khut in hun pelut lo ding ka hi, Lalpa‘n a tii.

MATTHAI 25:17

Zia gual ma chun talent ni changpa kha le a kuandok ah, talent ni dang a vaveipung kit a.

MATTHAI 5:7

Mi jangai theite chu mi hampha a hiu; khawtua’na mu ding ahi ngal un.

NASEPTE 21:33

Hotu lalpen chun Paul chu a man ah, thikkhau pani bul dingin thu a pia’n, kua ahileh bang bawl a hem ti a dong a.

NASEPTE 28:20

Zia ding ah hin ka hun ko khawm la hiu hi, eimau I kimutuau ah I kihotua theina ding un; keima hi Israelte kinepna thu ziak ah thik khau ah kân ka hi bep hi,” tia.

1 KORINTH 16:18

Amau chun ka thagau leh la thagau uh ei suhal ngal un. Zia gual mite hi chawihoi un.

EPHESA 6:20

zia chanchinpha palai ding ah, thikkhau but chu ka hi tangal a. Ka gen ding gual tak ah hangsan tak ah ka gen theina dingin, ei pauchap piak un.

2 TIMOTHI 1:12

tu’ ah ka thoknate hile zia ziak chu ahi. Himaleh ka zak a cha puai, ka ginna ka ngakna pa chu ka hia’n; a kiang ah ka vopsak chu zia ni â ding ah chun a chingtup thei hi ti ka he ngal a.

2 TIMOTHI 1:17

Rom khua a hung tun in thanuam tak in ei hung hawl ah, ei hung kimupi hi.

2 TIMOTHI 1:18

Zia ni phat chuleh, Lalpa ah kipat jangaina mu dingin Lalpa‘n ama chu guat ta hen. Ephesa khua a nasep zosia khale la he ma ma hi.

2 TIMOTHI 1:8

Chutichun, I Lalpau thu hiatsak leh, keima ama min ah suangkul ngâkpa hile ei jachatpi kin la; chanchinpha ziak ah thokgimna hi, Pathian thilhitheina dungzui in ei thokpi zaw’n.

2 TIMOTHI 4:19

Priska leh Akuila tawh Onesiphora Inkuanpite kha chibai ei la bûk piak in.

PHILEMON 1:20

Ahi, ka suapipa, nangma jal in Lalpa ah chun ei kipaksak in! Ka lungthim hi Khrista ah chun ei hi’hal in.

PHILEMON 1:7

Suapi doitak, la hepina hin kipakna lian tak leh lung muanna nasa tak ka nei hi, nangma ziakin mithiang thote chu suk-hal in a um tau ahi.

HEBRAITE 10:34

Kolbutte chu la lainat ua, van ah thil phazaw leh a um zing dingte la nei ui ti kihia’n, la thil uh a lâkpiak lai unle kipak tak in la thuak tau hi.

HEBRAITE 6:10

La nasep uh leh hepina ziak ah la sepgimnau, ama min ah la latsak uh, mithiangthote chung ah la nasepteu, tu’tiang ah le la sep zing uh chu hemil dingin Pathian chu mi diklo ahi puai.

RUTH 1:8

Naomi chun a mo te ni kiang ah chun, “La nuteu In lam gêl ah chia kit mai tau in, kei leh mithite chung ah la phatnau dungzui in Lalpa‘n la chung un pha tak in hun bawl ta hen.