2 TIMOTHI 1:12 - PATHIAN LEKHABU THIANGTHO (BSI)

¹² tu’ ah ka thoknate hile zia ziak chu ahi. Himaleh ka zak a cha puai, ka ginna ka ngakna pa chu ka hia’n; a kiang ah ka vopsak chu zia ni â ding ah chun a chingtup thei hi ti ka he ngal a.

2 TIMOTHI 1:12 ပူးပေါင်းရင်းမြစ်များ

SAM 25:2

Aw ka Pathian, nang ka ging ah, ei mualphosak kin; ei do-te ka chung in kithang phatsak kin.

SAM 31:5

La khut in ka thagau ka hun vopsak hi; Aw Lalpa, Pathian ginum, nang in lei hukdok tai.

SAM 56:9

Ka hun ko phat leh ei do-te chu taijak ta’n au. Pathian in ei panpi hi ti ka hia’i.

SAM 9:10

Chuleh, la min hete chun a hun taksang un; aw Lalpa, nang in vang a hun hawlte chu la kilepsan ngai puai.

ISAI 12:2

Ngaitia, Pathian chu ka hukdamna ahi; ama ah kinga’ng ka tin, lau pua’ng ka; Lalpa Pathian chu ka hâtna leh ka La ahi’n, ka hukdamna a hung hi tai.

ISAI 50:7

Lalpa Pathian in ei panpi hi; ziaziakchun, sukminsiat ah umlo ka hi; tichun, ka mai chu meisuang gual in, ka daw ngam ta’n, sukmualpho ah umlo ding ka hi ti ka hia’i;

ISAI 54:4

Lau kin, mualpho lo ding la hi’ngal a; lungthuai kin, zakcha lo ding la hi’ngal a; la khangdawng lai ah la mualphona zosia kha, hun hemil ta’n la tin, la meithâina ziak ah la zachatna zosia kha, he’pha talo ding la hi’ngal a.

NAHUM 1:7

Lalpa chu a pha’n, lungdon ni ah kul det ahi; ama bêlte chu a hukhing sek hi.

MATTHAI 12:21

Ama min in Jentelte kinepna um in a,” ti hi.

MATTHAI 24:36

Zia ni leh hun ding chu kuama’n a hepuau in, vansawlchâkte leh chapa’nle a hepua’n, ka Pa bep in a hia’i.

MATTHAI 7:22

Zia ni tak chuleh mi tam tak in, “Lalpa, Lalpa, la min in thute ka gen sek in, la min in thithate ka deldok sek in, la min in thilmak tam tak le ka hisek hilo a hem?” a la ti’n au.

LUKA 10:12

Ka hil la hiu, zia ni ah chun zia khawte thok sâng ah chun Sodomte thok ding chu a dân um jaw’n a.

LUKA 23:46

Zia hun ah chun Jesu chu aw ngai tak in a hung kiko a, “He Pa, la khut in ka thagau ka hun vopsak hi,” a tia. Zia chu a gen zaw in a thagau a tha tai.

JOHAN 17:15

Khawvel ah kipat amau ladok dingin ka don pua’n, himaleh, gitlona lak ah kipat vêng bit dingin ka don zaw ahi.

JOHAN 6:44

ka Pa, ei sawlpa chun a hîplo leh, kuama ka kiang ah hung theilo a hiu. Ahi’n, keima’n nitawp ni leh kaitho ing ka.

NASEPTE 13:46

Ziaphatchun, Paul leh Barnaba chun hangsan tak in, “Pathian thu hi nangmau kiang ah gen masak ding him ahi. Himaleh, la pom tâk lo ziak un, kumtuang hinna chang tâk lo ding ah la um tâk ziak un, Jentelte lam in kihei ta’ng kau.

NASEPTE 13:50

Himaleh, Judate chun, numei kipe zo deute leh pawsal a khua sung ua thunei deu deute chu a hun tîlsiau ah, a khawpiu ah kipat chun Paul tawh Barnaba chu a nawdok tau hi.

NASEPTE 21:13

Paul chun, “Bang ding ah keima lunggimna ding bep ah zia gual ah chu kap la hiu em? Lalpa Jesu min ziak ah Jerusalem ah kânna bep hilo in, thi le ka huam ahi,” a tia.

NASEPTE 7:59

Stephen chu suang ah a se’lai un, a pauchap ah, “Lalpa Jesu, ka thagau pui ta’n,” ti in.

NASEPTE 9:16

ka min ziak ah bang gual gentheina a hem a thok ding, a kiang in hun hiatsak ding ka hi,” ti’n a dawnhu a.

ROMTE 1:16

Khrista chanchinpha chu ka jachâkpi puai; kuale a ging tapo â ding ah hukhinna dingin Pathian thilhitheina ahi’n; zia chu a lim in Judate â dingin ahi’n, zia ban ah chun Grikte â ding a hung hi kit hi.

ROMTE 9:33

“Ngai in, Zion ah kipalna suang leh, dâlna suangpi ka koi in, kuale ama ging tapo chu mualpho pua’n au,” tia kizik gual khan.

1 KORINTH 1:8

Ama chun I Lalpau Jesu Khrista ni phat leh demna bei ah a hun koitheina dingin, a tawp chan in hun hi’det ding ahi.

1 KORINTH 3:13

mitin nasep chu tâklat in hung um intin; zia ni chun, mei ah etchetna um ding ahi, mei chun mi tin nasep chu ahi gual takin hun tâklang ta’n a.

PHILIPPI 1:20

Bang lam lam inle sukmualpho ah umlo in, hangsan tak ah thu ka gen ziakin Khrista chu ka taksa ah hin, ka thi inle ka hin inle, choihoi ah um zing ding ahi ti chu ka kinepna leh ka kingakna ahi.

PHILIPPI 3:10

Chutichun, ama leh a thawkitna thilhitheina chu ka het ah, a thoknate kikoppi in, a thina ah ama ka kibatpi theina ding in;

PHILIPPI 3:21

Ama chun bangkim a thunuai ah a umsak thei ziakin, I taksau musit um tak hile ama taksa lopi gual hiding in hun siam danglam in a.

PHILIPPI 3:8

Ahi takzet hi, ka Lalpa Khrista Jesu hetna lopi diak ziak ah chun, zia thilte zosia chu ki’dak buaksia gual in chânna in ka guat ta, Khrista ka mutheina dingin.

1 THESSALONITE 2:16

amau chun, Jentelte kiang ah hukhin a hitheina ding ua thu gen ei khâm ui. Tichun, a gitlo te’nau a hi’dim zing un; himaleh, Pathian lungnatna chu a chung un a hung tung tai.

1 THESSALONITE 5:4

Himaleh, suapite haw, nang uh vang zia ni chun gucha gual ah a hun huam dingin thim ah um la hi puau a.

1 TIMOTHI 6:20

Timothi, la kiang ah vopsak ah um chu vêngpha ta’n. Diklo tak ah pilna a tiu, thu kigen mai mai leh kinialnate chu kiheimang san in;

2 TIMOTHI 1:14

Eimau ah chêng Thagau Thiangtho kithuapina’n, nangma ah vopsak hita go thilpha tak chu chingpha ta’n.

2 TIMOTHI 1:16

Lalpa‘n Onesiphora Inkuanpite chung in jangaina pia ta hen; ama chun ei la hi’hal jel sek in, ka thikkol hile ei jachatpi pawngal a;

2 TIMOTHI 1:18

Zia ni phat chuleh, Lalpa ah kipat jangaina mu dingin Lalpa‘n ama chu guat ta hen. Ephesa khua a nasep zosia khale la he ma ma hi.

2 TIMOTHI 1:8

Chutichun, I Lalpau thu hiatsak leh, keima ama min ah suangkul ngâkpa hile ei jachatpi kin la; chanchinpha ziak ah thokgimna hi, Pathian thilhitheina dungzui in ei thokpi zaw’n.

2 TIMOTHI 2:9

Zia ding ah chun gimnate ka thuak ah, thilhi’khial gual ah kol busak hial in ka um tai. Himaleh, Pathian thu chu kol busak in a um puai.

2 TIMOTHI 4:8

Tu’hin dikna lallukhuk chu kei â ding ah koisa’n a um ta’n, zia chu Lalpa, vaihawmpa dik tak chun zia ni chuleh ei pia ding ahi; kei kiang bep ah hilo in, a kilâkna ngâkte zosia kiang inle.

TITA 3:8

Pathian gingtate chun nasep pha chu sêm ah a pilvâng diu ahi, ti hi thu ginum tak ahi: Zia thu chu hangsan tak ah gen dingin ka dawi la hi. Zia thilte chu mihingte â dingin a pha’n, a phachuam ma ma hi.

HEBRAITE 12:2

I ginnau siampa leh subukimpa, Jesu lam chu en zing hitiu; ama chun a malam ah kipakna chu thîl in, mualphona chu ngainêp in kros chu a thuak ah, Pathian lalchutpha changlam ah khin a hang kichu tai.

HEBRAITE 2:18

Ama ngei chun patepna a la thok tâk ziakin, patepna tuakte chu a panpi thei hi.

HEBRAITE 7:25

Ziaziakchun, amau pauchap piak ding ah kumtuang ah a hin ziakin, ama ziak ah Pathian hun naite chu a tawp tiang in a hukdam thei hi.

1 PETER 1:5

hukdamna hun nunung ah hung kilang ding ah guat zawsa chu mu dingin, ginna ziak ah Pathian thilhitheina ah vên la hiu hi.

1 PETER 4:16

Ahi’n la, Khristian ahiziak in thuak taleh, zakcha ki’hen; zia min ziak ah chun Pathian chawihoi hen.

1 PETER 4:19

Ziaziakchun, Pathian phasak dungzui ah thuakte chun thilpha bawl in, a Siampa ginum tak kiang ah chun kivopsak tau hen.

JUDA 1:24

Tu’hin, kipûk lo ding ah hun vengthei leh, a lopina ma ah demna bei leh kipak tak ah koi theipa,