2 SAMUEL 8:6 - PATHIAN LEKHABU THIANGTHO (BSI)

⁶ Ziaphatchun, David in Damaska khua’ Aramte chu sepai a koikhum ta’n; tichun, Aramte chu David suak in a pang tau ah, sia a choisak tai. David chu a chiana lam lam in Lalpa‘n zaw’na a pejel hi.

2 SAMUEL 8:6 ပူးပေါင်းရင်းမြစ်များ

2 SAMUEL 10:19

Hadadezer thunuai ah um leng zosia’n, Israelte’n a zawu ahi tai ti a kihiat phat un, Israelte tawh kilemna a hung siam ua, a suak in a pang tau hi. Tichun, Aramte chun Ammonte chu a panpi ngam ta puau hi.

2 SAMUEL 23:14

David chu kul det tak sung in a um ta’n; Philistin sepaite le Beth-lehem ah a um un.

2 SAMUEL 3:18

Lalpa‘n David kiang ah: Ka suak David mangcha’n ka mipi Israelte chu Philistinte leh a mêlmateu zosia lak ah kipat hukdok ding ka hi, ti ah thu a la tiam kha tu’hi a hun ahi tai,” ti in.

2 SAMUEL 5:10

Lalpa, sepai honte Pathian in a umpi ziakin, David chu a hat deu deu tai.

2 SAMUEL 7:9

la chiana lam lam in ka hun umpi in, la mêlmate zosia la ma-âng in ka hun thalup piak ta’n, khawvel ah mi thupite gual in la min hi’lian ding ka hi.

2 SAMUEL 8:14

Edom ah sepai a koi ah; Edom gam pumpi’n sepai a koi ah, tichun Edomte chu a leng un David suak a hitau hi. Chuleh, David chu a kiheina lam lam in Lalpa‘n zaw’na a pejel tai.

2 SAMUEL 8:2

Chuleh, Moabte le a zo kit ah; amau chu lei tual in a lupsak ah, te’na khauhual in a te’ ah; te’na khauhual chan ni tiang ah umte chu a tha dingte, te’na khauhual tawn khat sung ah umte chu a hawi dingte a hiu. Tichun, Moabte chu David suak in a lut tau ah, sia a choisak tai.

2 SAMUEL 8:7

David in Hadadezer sepaite sana phaw haw chu hun lâkpiak in, Jerusalem lam in a hun paw tung a.

1 LENGTE 4:21

Solomon in Euphrates ah kipat Philistinte gam zosia, Aigupta gamgi tiang ah lenggamte zosia chung in vai a hawm ah; amau chun Sia’ a hun chawi ua, Solomon dam sung sia’n a na a sep piak tau hi.

2 LENGTE 1:1

Ahab thi’nung in Moab chu Israelte kãl in a hel ta’n.

2 LENGTE 14:28

Tichun, Jeroboam nasep dangte zosia, a thilhi zosiate tawh, a hatdan leh, a galdo dan, chuleh Judah in a laksa Damaska leh Hamatha chu Israel â ding ah a lak kitdan, ziate chu Israel lengte Chanchin Lekhabu a kizik ta hilo a hem?

2 LENGTE 18:7

Tichun, ama chu Lalpa‘n a umpi ah, a kiheina lam lam ah chun a lamjang pekah; Assuria lengpa chung ah hung kiphin in, a na a hun sêm nuam ta puai.

2 LENGTE 3:4

Moab ah Lengpa Mesha chu belam vul mi ahi’n, Israel lengpa kiang ah belamnote nuai khat tawh belamte nuai khat mul a la piak sek ahi’n.

1 KHANGTHU 18:13

Edom ah sepai hon a koiden ah; chuleh, Edomte chu a leng un David thunuai in a um tau hi. Chun, David chu a chiana lam lam in Lalpa‘n zaw’na a pia pek tai.

2 KHANGTHU 17:2

Judai gam ah kul nei khawpite ah chun sepai hon a koi chiatah; Judai gam sung pumpi leh a pa Asa in a la luana Ephraim khawpite ah chunle sepai a koi suak hi.

SAM 140:7

Aw Lalpa, ka Lalpa, ei hukhingpa hat, kido hun in ka luchang la liakhu tai.

SAM 60:10

Aw Pathian, nangma’n lei pâm pai ta hilo a hem? Aw Pathian, ka sepaiteu, la kitonpi nuam ta paw’ngal in.

THUPILTE 21:31

Sakol chu kido’na ni â ding ah kisazosa ahi’n; gâl zaw’na vang Lalpa â ahi.

1 SAMUEL 13:3

Jonathan in Geba mun ah Philistin gâlvêngte a vazo ah; zia thu chu Philistinte’n a la he tau a. Chuleh, Saul in, “Hebrai mi zosia’n a la hiau in,” ti’n gam pumpi ah chun pengkul a mutsak a.

1 SAMUEL 14:1

Ni khat chu Saul chapa Jonathan in a gâlvan chawipa, tangval khat kiang in zia gual hin a gen ah, “Hung inla, gâlkhat lam ah Philistin sepaite giamun lam ah vachia hi ti,” ti’n a gen a. Himaleh, zia thu chu a pa a hil puai.

1 SAMUEL 14:15

Sepaite giamun, loulai leh sepai zosia lak ah chun patauna a hung um ta’n; sepai honte leh gâlgûk bawl pawlte nasan lau in a kithing ziang tau a; lîn nasa tak in a kilîng ah; patauna huaisia tak a hung um tai.

1 SAMUEL 14:6

Jonathan in a gâlvan chawi tangval kiang ah chun, “Hung tia, zia zektanlote sepai umna lam ah sawn vachia hi ti, Lalpa‘n ei hun panpi mawlo ding ahi; Lalpa‘n ei panpi leh kuama’n dâl thei pua’n tin, Lalpa‘n ei hukdawna ding chu a mi tam leh tawm thu ah kinga khel khel lo ding ei ve,” ti’n a gen a.