2 SAMUEL 8:3 - PATHIAN LEKHABU THIANGTHO (BSI)

³ David in Euphrates luipi lam ah a gam tepte’na tungding kit ding ah a kuanna lam in, Zobah gam ah Rehob chapa, Leng Hadadezer chule a do malam hi.

2 SAMUEL 8:3 ပူးပေါင်းရင်းမြစ်များ

THILSIAM THU 15:18

Zia ni ngei ah chun Lalpa’n Abram kiang in thutiam a bawl ta’n: “Zia gam hi Aigupta luipi ah kipat Euphrates luipi tiang in,

2 SAMUEL 10:15

Aramte chun Israelte a zaw lo dan uh a het phat un a kiko khawm tau a.

2 SAMUEL 10:16

Hadadezer in Euphrates luipi gâl lam ah Aramte puidok dingin mi a sawl ah; tichun, Hadadezer sepaite hotu pen Shobakh chu tawh a leng un Helam khua a hung tung tau.

2 SAMUEL 10:19

Hadadezer thunuai ah um leng zosia’n, Israelte’n a zawu ahi tai ti a kihiat phat un, Israelte tawh kilemna a hung siam ua, a suak in a pang tau hi. Tichun, Aramte chun Ammonte chu a panpi ngam ta puau hi.

2 SAMUEL 10:6

Ammonte chun a chung un David a lungdam puai ti a het phat un, Ammonte chun Beth-rehob leh Zobah ah Aramte keng sepai sîng ni tawh, Maakah lengpa sepai sang khat tawh, Tob mite sepai sîng khat leh sang ni a chial tau a.

2 SAMUEL 23:36

Zobah khua Nathan chapa Igal; Gad mi Bani;

1 LENGTE 4:21

Solomon in Euphrates ah kipat Philistinte gam zosia, Aigupta gamgi tiang ah lenggamte zosia chung in vai a hawm ah; amau chun Sia’ a hun chawi ua, Solomon dam sung sia’n a na a sep piak tau hi.

1 KHANGTHU 18:3

Chun, David in Euphrates luipi gei ah gamgi suang phu ding ah a kuan lai in, Zobah gam ah lengpa Hadadezer chu Hamath khua’n a nuaisia malam hi.

2 KHANGTHU 8:3

Chuleh, Hamath-zobah do in Solomon a kuan ah, a vazo ngalah.

SAM 60:1

Aw Pathian, nang in lei pâm pai ah, ka kulteu lei hisiat piak ta’n; ka chung un la lungna tai; tu’hin vang ei tungding kit ta’n!

SAM 72:8

Ama’n langkhat lam ah tuisuagiat ah kipat, langkhat lam tuisuagiat tiang leh, Luipi Lian ah kipat kawl kîmvêl tiang in vaihawm hen.

PAWTDAWNA THU 23:31

Chuleh, la gamgi chu Tuipi San ah kipat Philistinte Tuipi tiang; gamthip ah kipat Euphrates luipi tiang in gît piak ing ka; a gam ah chêngte chu la khut ah pia ding ka hi’ngal a: Chuleh, amau chu la ma-âng ah kipat in la nawdok ding ahi.

DAN LEKHABU 11:24

La keng ua la chotnau gam tapo chu nang uh â hita’n ah; la gam uh chu gamthip ah kipat Lebanon tâng tiang leh Euphrates luipi ah kipat tumlam Tuisuagiat chan hita’n a.

1 SAMUEL 14:47

Saul in Israelte chung ah leng hi’na a chan phat ah chun, a lang a lang ah a mêlmateu a do ta’n; ziate chu: Moab, Ammon, Edom, Zobah lengpa leh Philistinte a hiu ah; a kiheina lam lam in a zo pek a.