2 SAMUEL 8:14 - PATHIAN LEKHABU THIANGTHO (BSI)

¹⁴ Edom ah sepai a koi ah; Edom gam pumpi’n sepai a koi ah, tichun Edomte chu a leng un David suak a hitau hi. Chuleh, David chu a kiheina lam lam in Lalpa‘n zaw’na a pejel tai.

2 SAMUEL 8:14 ပူးပေါင်းရင်းမြစ်များ

THILSIAM THU 25:23

Chun, Lalpa’n a kiang in: “La sûl ah hin nam pani a um un, la gilpi sung ngei ah hin nam pani kikhen in au. Nam khat chu pakhat sâng in hat zaw’n tin: ahi’n, a upa zaw chun a naupang zawk na chu, sêm in a,” a ti tai.

THILSIAM THU 27:29

Nam chuam chuamte’n la na sêm uh hen la, chi chuam chuamte’n chibai hun bûk tau hen: la suapite chung ah leng in um inla; la nu chate’n chibai hun bûk tau hen: Hânsia hun law tapo chu, hânsialaw khum in um uh hen la, maljawlna hun pe tapo chu, maljawlna piak in um tau hen,” a ti tai.

2 SAMUEL 5:10

Lalpa, sepai honte Pathian in a umpi ziakin, David chu a hat deu deu tai.

2 SAMUEL 7:9

la chiana lam lam in ka hun umpi in, la mêlmate zosia la ma-âng in ka hun thalup piak ta’n, khawvel ah mi thupite gual in la min hi’lian ding ka hi.

2 SAMUEL 8:15

Tichun, David in Israelte zosia chung in vai a hawm ta’n; chuleh, David in a mipi zosiate chung ah thudik leh doichuam nei lo in vai a hawm a.

2 SAMUEL 8:6

Ziaphatchun, David in Damaska khua’ Aramte chu sepai a koikhum ta’n; tichun, Aramte chu David suak in a pang tau ah, sia a choisak tai. David chu a chiana lam lam in Lalpa‘n zaw’na a pejel hi.

1 LENGTE 11:15

Edom gam ah David a um lai ah, mithi vui ding ah a sepaite hotu Joab a kuan to ah khan, Edom ah pawsal zosia a la that ta ahi.

1 LENGTE 22:47

Edom ah leng a um pua’n; a thasângpa chun leng hi’na a chang mai hi.

1 LENGTE 22:48

Jehoshaphat in Ophir ah chia ah sana vapua dingin Tarshish longlian chi gual a bawl a; himaleh, long liante chu Ezion-geber ah a siat tak ziak un a chia ta puau hi.

2 LENGTE 14:7

Tichun, Phâijang ah chun Edom mite sîng khat a that ah, Sela chu kidona’n a la tai; zia chu Jokthe-el tin a min a sak in, tu’ni tiang ah a min ahi den tai.

2 LENGTE 18:7

Tichun, ama chu Lalpa‘n a umpi ah, a kiheina lam lam ah chun a lamjang pekah; Assuria lengpa chung ah hung kiphin in, a na a hun sêm nuam ta puai.

1 KHANGTHU 18:13

Edom ah sepai hon a koiden ah; chuleh, Edomte chu a leng un David thunuai in a um tau hi. Chun, David chu a chiana lam lam in Lalpa‘n zaw’na a pia pek tai.

SAM 60:1

Aw Pathian, nang in lei pâm pai ah, ka kulteu lei hisiat piak ta’n; ka chung un la lungna tai; tu’hin vang ei tungding kit ta’n!