2 SAMUEL 7:8 - PATHIAN LEKHABU THIANGTHO (BSI)

⁸ Ziaziakchun, tu’hin, sepai honte Lalpa chun, ka suak David kiang in zia gual hin la gen ding ahi: Gancha chinna mun, belam hon la chinna mun ngei ah kipat hin, ka mipi Israelte chung ah Leng hiding in ka hun teldaw la hi’n,

2 SAMUEL 7:8 ပူးပေါင်းရင်းမြစ်များ

2 SAMUEL 12:7

Nathan in David kiang ah chun, “Zia mipa chu nang la hi! Lalpa, Israelte Pathian in zia gual hin a gen hi: Israelte chung ah leng hiding in sathau ka hunnu’ in, Saul khut ah kipat inle ka hun hukdok in;

2 SAMUEL 14:13

Numei chun, “Bang ding ah nang in Pathian mite chung ah zia gual ah chu bawl gua la hi em? Lengpa’n a mi nawmangsa a In ah a hung kitsak nop lo leh zia thu la gendaw chun thiamlo a hun chan tai.

2 SAMUEL 23:1

Tu’hin, ziate hi David kamsuak nunung pente chu ahi: Pathian in a choisân, Jakob Pathian in sathau a nu’ leh, Israelte Mi Hatpa doisakna changpa, Jesse chapa David thugente chu:

2 SAMUEL 24:17

Mipite thattu vansawlchâk chu David in a mu phât in, Lalpa kiang in, “Keima bep ka hi a gilo chu; zia belamte hin bang a bawl ua a hem? La khut chu keima leh ka pa Inkuante chung ah tunsak zaw dingin ka ni la hi,” a tia.

2 SAMUEL 5:2

Tu’ma lam ah Saul ka lengpau ahi lai him ah khan le, Israelte a la puidok leh a la pui lût sektu kha nangma la hi’n. Lalpa‘n la kiang in, ‘Ka mipi Israelte chingtu ding chu nangma la hi’n, Israelte chung ah vaihawm ah la pan ding ahi,’ a la ti ahi,” a vatiu a.

2 SAMUEL 6:21

David in Mikhal kiang ah chun, “Lalpa, la pa leh a Inkuanpite zosia thasâng ah, Lalpa mipi Israelte zosia chung ah leng hiding ah ei têlpa, ama Lalpa ma-âng ah lâm ka hi.

1 LENGTE 3:6

Solomon in, “Ka pa, la suak David ginumna tawh, a dik tatna tawh, thu tak ah la âng ah a um dungzui in lungsiatna lian tak la musak ah, tu’ni tiang ah hin, a lalchutpha chu ding chapa la pia’n, zia nunnemna lian tak chu la vop ahi.

1 LENGTE 8:16

Ama chun ‘Ka mipi Israelte Aigupta gam ah kipat ka puidaw ni kipat in, ka In sakna ding leh ka min umna dingin, Israel namte lak ah khawpi khat chale ka la têl chuam puai; ahi’n la, ka mi Israelte chung ah um dingin David ka la têl in,’ a la ti’n.

1 KHANGTHU 17:7

Ziaziakchun, tu’hin ka suak David kiang ah chia inla, a kiangah zia gual hin vagen in: Sepai honte Lalpa chun zia gual hin a gen hi: Nangma hi gancha tatna mun ah la belam chinna kipat in, ka mipi Israelte chung ah vaihawm dingah ka hun lakdaw la hi’n;

1 KHANGTHU 21:17

Chuleh, David in Pathian kiang in, “Mipite sim ding ah thupia kha keima hilo ka hia a hem? A gilo chu kei ka hi’n, a thil gilo bawl chu keima ka hi. Himaleh, zia belamte hin bang a hi’khial ua a hem? Aw Lalpa ka Pathian, la khut chu keima leh ka Inkuante chung ah chu ta hen la, la mipite chung ah natpi tunsak kin!” ti’n a pauchap tai.

AMOS 7:15

ka gan hon zuina kipat in Lalpa‘n ei ko dok ah; chuleh, Lalpa‘n ka kiang in, Chia inla, ka mi Israelte kiang ah thu vagen in,” ei ti’n.

NASEPTE 7:46

Ama chu Pathian mit a tun ziakin, Jakob Pathian â ding ah In sak piak dingin a la don a.

1 SAMUEL 10:1

Samuel chun sathau bûk khat a hun ladok ah, a luchung a sunkhum ah; a chawp ah a kiang in, “Lalpa‘n a mipi Israelte chung ah vaihawm dingin a hun têl ah sathau a hun nu’ hi. Lalpa mipite chung ah vaihawm inla; chuleh, a kîmvêl ua a mêlmateu khut ah kipat hin amau la hukdaw ding ahi. Tu’hin Lalpa‘n a gochante chung ah vaihawm ding ah a hun têl ahi ti la hettheina ding ah tepte’na chu zia hi ahi:

1 SAMUEL 2:8

Chaga chu leivui lak ah kipat in a kaitho in, mi tasam chu leivui lakah kipat dom sâng in, leng chate lak in a kichutsak in, lopina chutpha a luasak hi. Lei kingakna khuamte chu Lalpa â a hia, khawvel chu a chung un a nga ahi.

1 SAMUEL 9:16

“Jing leh tu’hun tuam hileh, Benjaminte gam ah kipat in pawsal pakhat la kiang ah hun sawl ding ka hi, ama chu ka mipi Israelte chung ah vaihawm ding ah sathau la nu’ ding ahi. Ama chun Philistinte khut ah kipat in ka mipite chu hukdok ding ahi; ka mipite gentheina ka mu ta’n, ei konau aw git ka het tâk ziakin,” ti in.