2 SAMUEL 7:7 - PATHIAN LEKHABU THIANGTHO (BSI)

⁷ Israel mipite lak ah ka um tawl tawlna taphot ah hin, ka mipi Israelte chingtup ding ah nam upate pakhat cha kiang inle, ‘Ka chênna ding sidar thing In bang ziak ah ei sak piak lo la hiu em?’ ka la ti ngai puai.

2 SAMUEL 7:7 ပူးပေါင်းရင်းမြစ်များ

2 SAMUEL 5:2

Tu’ma lam ah Saul ka lengpau ahi lai him ah khan le, Israelte a la puidok leh a la pui lût sektu kha nangma la hi’n. Lalpa‘n la kiang in, ‘Ka mipi Israelte chingtu ding chu nangma la hi’n, Israelte chung ah vaihawm ah la pan ding ahi,’ a la ti ahi,” a vatiu a.

1 KHANGTHU 11:2

Hun sawt tak a hita’n, Saul kha lengpa ahi lai ah kipat khan, nang hi Israelte sepai hotu lian in la la pang ta’n. Lalpa la Pathian chun la kiang in: ‘Nang hi ka mipi Israelte enkoltu ding leh, ka mipi Israelte chung ah vaihawmtu ding chu la hi,’ a la ti’sa ahi,” a hung ti tau.

1 KHANGTHU 17:6

Israelte lak ah ka chiana lam lam ah le, Israelte lak ah vaihawmte leh ka mipite pui huai ding ah ka sawlte kuama kiang inle, ‘Bang ding ah sidar thing ah In ei sak piak lo la hi em?’ ka la ti kha him him puai.

ISAI 40:11

Belam chingpa’n a belam hon an a piak gual in an a pia’n; belam note a khut in pâi khawm intin, a ângkawm ah pâi in, a belamte chu jaidam takin kaihuai in a.

ISAI 66:1

Lalpa‘n zia gual hin a gen hi: Van chu ka lalchutpha ahi’n, lei tual hi ka keng ngakna ahi; kei â ding ah khoi tak ah In ei sak piak ding la hiu ah, ka chawldamna ding mun chule khoi tak hiding a hem?

JEREMIAH 23:4

Amau pha tak cha enkol ding, belampute hun tung ding ing ka; tichun, lau ta pua’n tiu in, beidong diak talo in, a lak ua mangthai le um ta pua’n au, Lalpa‘n a tii.

JEREMIAH 3:15

Tichun, ka lungthim gual tak pu belamchingte hun pia’ng ka tin, amau chun hetna leh hetthiamna’n hun vâk in au.

EZEKIEL 34:15

Keima’n ka belamte kichin ing ka tin, kicholdamsak hiat hiat ta’ng ka, Lalpa Pathian in a ti ta’ngal a.

EZEKIEL 34:2

Mihing, Israelte chung ah belampute dem in thu gen inla, puitute kiang ah zia gual hin vagen in: Lalpa Pathian in zia gual hin a gen hi: Katei, nanghaw Israel belampu, nangmau bep kivâk ziang tate haw! Belampute chun a belamteu a vâk ding uh hilo a hem?

EZEKIEL 34:23

A lak un amau chingtup ding David tawhbang tungding ing ka tin, amau vâk in, a chingpa hita’n a.

MIKAH 5:4

Lalpa hatna ziak leh Lalpa a Pathian min lopina ziakin, hung dingdok in, a gan-gualte chu vâk ta’n a. Amau chu bit tak ah chêng in, kawl kîmvêl tiang chan pha’n a lopi pen hita’n au.

MATTHAI 2:6

‘Aw, nang Judai gam ah Beth-lehem khua, Judai gam ah thuneite lak in neupen pua’n la; la sung ah kipat in vaihawmpa hung pawt ding ahi ngal in, ka mi Israelte chingpa ding chu,’ ti hi,” a tiu a.

NASEPTE 20:28

Pathian kochuamte, a chapa thisan ah a leisate chu vâk dingin, nanghaw leh la gan-gualteu chung ah chun chingthei un; Thagau Thiangtho in amau haw chu entup ding ah a hun koite chu la hingal un.

NASEPTE 21:28

a kiko ua, “Israel mite haw, ei panpiu in! Zia pa hin muntin ah I mipiteu, I danteu leh zia mun nangawn hile kãl ah thu gen sek chu ahi. Zia lo chunle, tempul sung ah hin Grik mite hung pui lût in, zia mun thiangtho hi a hi’buak ta ahi,” a tiu a.

DAN LEKHABU 23:14

Lalpa la Pathian uh chu nangmau veng bit ding leh la mêlmateu hun do piak ding ah la lak un a hung pang zing sek ah; ziaziakchun, la lak ua a kiheimang lona dingin, la puanbûk uh chu a thiantho ding ahi.

1 PETER 5:1

Chutichun, la lak ua kochuam upate chu, keima la upatpiu, Khrista thoknate he pa, lopina chang dingpa hin, la lak ua upate chu ka hun tîl ahi.