2 SAMUEL 7:25 - PATHIAN LEKHABU THIANGTHO (BSI)

²⁵ Chuleh, tu’hin, aw Lalpa Pathian, la suak chung thu leh a Insung mite chungchâng ah la thugente chu kumtuang dai dingin sudet in la, la tiamsa dungjui in bawl in.

2 SAMUEL 7:25 ပူးပေါင်းရင်းမြစ်များ

THILSIAM THU 32:12

Nang in, ‘Pha tak in hun bawl na’ng ka, la suante chu tuisuagiat piaunêl sim sên lo khop ah a tam gual hin hun siam ing ka,’ lei ti ta ngal ah,” a tia.

2 SAMUEL 7:24

Chun, la mipi Israelte hi kumtuang ah nang â a hi’theina ding un nang in la sudet ta’n; tichun, aw Lalpa, nangma chu a Pathian uh la hung hi tai.

2 SAMUEL 7:26

Tichun, ‘Sepai honte Lalpa chu Israelte Pathian ahi,’ ti’n la min chu kumtuang ah choihoi in um ta hen; chuleh, la suak David Inkuante chu la ma-âng ah sukdet in um tau hen.

1 LENGTE 2:4

Lalpa‘n ka chungchâng thu ah, ‘La chateu in a hinna zosiau leh a lunggil zosiau tawh, ka âng ah thutak ah a um ua, a umdan uh a chit thei uh chun, Israelte lalchutpha chung ah kichu ding mi tasam pua’n la,’ a ti thu a sutzop theina ding in,” a tia.

1 LENGTE 8:26

Ziaziakchun, aw Israelte Pathian, la thugen, la suak, ka pa David kiang ah la thutiam chu namdet in um ta hen,” a tia.

2 KHANGTHU 6:17

ziaziakchun, Aw Lalpa, Israelte Pathian! La suak David kiang ah la thutiamna paukamte chu sukpitin in um ta hen!

SAM 119:38

La thutiam chu la suak kiang ah phudet in, zia chu nangma laute chan ahi ngal a.

SAM 119:49

La suak kiang ah la thutiam kha hezing inla, zia chun lei kinepsak ta’ngal a.

EZEKIEL 36:37

Lalpa Pathian in zia gual hin a gen a: Gancha hon gual ah tam, mihing hi’pung dingin, Israel Inkuante kichial khawmsak ta’ng ka.

1 SAMUEL 1:23

A pawsal Elkanah in a kiang in, “Pha lasak gual gual in bawl mai in; a nawichep hâi masia chu enkol inla, Lalpa‘n a gen gual chun bawl mai ta hen,” ti’n a dawnhu a. Tichun, a nu chun nausen chu a nawichep hâi masia a enkol tai.