2 SAMUEL 7:23 - PATHIAN LEKHABU THIANGTHO (BSI)

²³ La mipi Israelte tawhbang kua dang a um em? Lei chung ah kua nam le a Pathian, amau hukdok ding ah pui huai, ama min ding ah kisiam thil lopi leh tizat um takte bawl piak, amau â ding ah nam dangte leh a pathianteu nawdaw piak kua a um ah a hem?

2 SAMUEL 7:23 ပူးပေါင်းရင်းမြစ်များ

2 SAMUEL 7:24

Chun, la mipi Israelte hi kumtuang ah nang â a hi’theina ding un nang in la sudet ta’n; tichun, aw Lalpa, nangma chu a Pathian uh la hung hi tai.

1 KHANGTHU 17:21

Aigupta gam ah kipat la tatdaw la mite ma-âng ah namdangte tawden ah, thil lopi tak leh lau um takte bawl ah, min thupi tak siam piak ding ah Pathian in ama mite hiding ah a hukdaw, la mi Israelte gual hi khawvel ah nam dang kua a um em?

NEHEMIAH 1:10

Amau haw hi la suakte leh la mipi, la thilhitheina lopi tak leh la khutbân thahat tak ah la tatsate ahi ngâl un.

SAM 106:22

Ham gam ah thilmak a bawlte leh, Tuipi San pang ah thil tizat um takte bawlpa ngei kha.

SAM 111:9

A mite kiang in tatna a hun sawl a, a thuthung chu kumtuang â dingin a guat tai. A min chu Thiangtho leh tizat um ahi.

SAM 145:6

La thilbawl tizat um takte chu puanjak pek hi’ntin, ke’n le la lopi dan chu puangjak ing ka.

SAM 147:20

Ama’n namdangte lak ah kua chung inle, zia gual chun a bawl ngai pua’n; a dan siamte chule a he diak puau hi. Lalpa chu pâk tau in!

SAM 40:5

Aw Lalpa ka Pathian, nang in thil lamdang la bawlte leh, keimau lam la ngaituanate hi a tam ma ma in; ziate chu la ma’ hilat sên ding gual a hipua’n, hetsak ah gen ding hita leng, sim sên ding gual ahi puai.

SAM 44:3

a chemjam ziak uh hilo in gam hi la zawsak a; amau bân thahât ziak bep ah kihukhing a hipuau hi; amau la doisakna ziakin la khut changlam leh, bân thahât leh la mêl vâk in a hizawi.

SAM 65:5

Aw ka hukdampa Pathian, tizat um tak ah thilbawl in gâl zaw’na’n lei dawnhu ta’n: nang chu kawl kîmvêl tiang ah mi zosia leh, tuisuagiat gamla pen tiang ah umte kinepna chu la hi.

SAM 66:3

Pathian kiang ah chun, “La thil bawlte chu a lopi na e! La thilhitheina nasat ziakin, nangma hun do-te le la âng in, hung bokkhup ta’n au.

PAWTDAWNA THU 12:12

Zia jan hileh, Aigupta gam pumpi hung vâkvêl ding ka hi’n: tichun, Aigupta gam sung ah a piang masa pen, mihing hileh, gancha hitaleh hun that gam sik sek ding ka hi: chutichun, Aigupta gam ah pathian zosia hun gawt ding ka hi: Keima hi Lalpa chu ka hi.

PAWTDAWNA THU 33:16

Keima leh ka mipite hin lei kitonpi lo ngal leh, la mittung ah um ka hiu ti bangti’n hethei ding ka hiu em? Lei chung zosia ah mihingte leh la mipite hin kikhiakna ka nei sun uh chu, nangma ka kiang ua la hung kilâk sek ziak bep hi hilo a hem?” a ti’n.

PAWTDAWNA THU 6:7

Chuleh, nang uh ka mipite hi dingin hung kilâk ing ka tin, keile la Pathian uh hi’ng ka tin; tichun, Aigupta puakgik ah kipat hun puidok kha Kei Lalpa la Pathian uh ka hi, ti hun he ta’n lau.

PAWTDAWNA THU 9:15

Tu’hin ka khut hun tha leng, nangma leh la mipite hun sumangthai mai ding ka hi; chuleh, nangmale suksiat dim dem hiding la hi.

PAWTDAWNA THU 9:16

Himaleh, ka thilhitheina ka hun musak theina ding leh khawvel zosia ah ka min la puanjak theina dingin ka hun hinghoi nalai la hi.

JEREMIAH 32:20

Aigupta gam ah tepte’na leh, thilmak tam tak la la etsak ah; tu’ni tiang ah Israelte leh nam dang zosiate lak inle, tu’ni chan ah la min mang lo ah um dingin la bawl hi.

JEREMIAH 32:21

Nang in teptênate, thilmakte, khut hat tak leh bantha jak huaisia tak in la mipi Israelte chu Aigupta gam ah kipat in la la puidok ta’n;

EZEKIEL 20:9

Himaleh, a umnau Aigupta mite zosia het ah amau puidok ding ti ka la kihiatsak tâk ziakin, a mit muu ah ka min gensiat a hilona dingin, a mit mu ngei in amau ka la puidok tai.

KISIMNA LEKHABU 6:27

Tichun, ka min Israelte chung ah nga’n tin uh; chuleh, amau hun maljawl ding ka hi.

EPHESA 1:6

A hepina chun ama’n ei la lut ah, zia a hepina lopi chu I chawihoina ding un.

DAN LEKHABU 10:21

Ama chu pakchau in; la mit muu ah thil kidang leh tizat um tak tak te a la bawlpa, la Pathian uh ahi ngâl a.

DAN LEKHABU 15:15

Nang hawle Aigupta gam ah suak leh sal tânna kipat, Lalpa la Pathian un a hun tatdaw la hiu ti kha kihe zing tau in;

DAN LEKHABU 33:29

Aw Israel, la hampha nau e! Nanghaw tawhbang ah, Lalpa‘n a hukdaw namte, nangmau panpitu phaw leh, la hatnau chemjam chu ahi! La nuai ua kitulut dingin, la mêlmateu hung intiu in, a tungtûn uh chuan den ta’n lau.

DAN LEKHABU 9:26

Lalpa kiang in, “Aw Lalpa Pathian, la lopina la tatdaw, khut hât tak mai ah Aigupta gam ah kipat nangma mite leh la gochan ding ah la puidawte hi’mangthai ziang kin.

TITA 2:14

Ama chu eimau â ding ah hung kipia’n, thiangtho leh nasep pha ah phatchuamngai, ama mite hiding in, gitlo zosia lak ah kipat ei tandok tai.

JOSHUA 7:9

Kanaan mite leh zia gam ah um zosia’n hun hia’n tiu in, ei hun ûm in, lei chung ah kipat ka min uh hi’mangthai zo ding a hitau hi. Zia phat chuleh, la min thupi tak chu bang la law ta diam?” a ti tai.

1 PETER 2:9

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi:

THUPUAN 5:9

La thak a hun sau a: “Nang, Lekhabu chu la ah, a teptênate tham ding ah ting pen chu la hi; tha inla um ah, chitin, namtin, pautin leh mipite lak ah chun, la thisan inla tandok a, Pathian kiang la tut ta’n;