2 SAMUEL 7:22 - PATHIAN LEKHABU THIANGTHO (BSI)

²² Ziaziakchun, Aw Lalpa Pathian, nang chu la lopi hi; ka bil ua ka het dungzui un, nangma tawhbang kuama a um pua’n, nangma lo’ngal Pathian dang him him a um puai.

2 SAMUEL 7:22 ပူးပေါင်းရင်းမြစ်များ

2 SAMUEL 22:32

Lalpa tilo Pathian kua dang a um em? I Pathian uh ti lo ngâl suangpi dang a um ah a hem?

1 LENGTE 8:23

Zia gual hin a gen a: “Aw Lalpa, Israel Pathian, nang tawh bang Pathian chung lam van ah ahiloleh nuai lam lei ah a um puai, lunggil zosia tawh la ma ah um, la suakte â dingin thuthung leh hepina det tak la vop zing hi;

1 KHANGTHU 16:25

Lalpa chu a lopi ma ma ziakin, nasa tak ah pakchat ding ahi’n; pathian dang zosiate sâng ah ja zawk ding ahi.

2 KHANGTHU 2:5

Ka Pathian uh hi pathian dang zosia sâng ah chungnung zaw ahi gual ma in, a In ding ah ka sak ding chule thupi tak hi ding ahi.

SAM 135:5

Lalpa chu lopi tak ahi ti leh, I Lalpau hi pathian dang zosia chung ah, um ahi ti ka he ta ngal a.

SAM 145:3

Lalpa chu a lopi hen, lopi tak ah pâk ding ahi; a lopi dan chu suidaw sên ding gual ahi puai.

SAM 44:1

Aw Pathian, ka pu leh pateu khang ah, la thilbawl ei hilteu kha, ka nakhang un ka la he tau a;

SAM 48:1

I Pathian khawpi Lalpa chu a lopi hen, lopi tak ah chawihoi ding ahi!

SAM 86:10

Nang la lopi in, thilmakte la bawl sek hi; nangma bep Pathian la hi.

SAM 86:8

Aw Lalpa, pathian dangte lak ah, nangma gual a um pua’n, la thilbawlte gual bawlthei le a um puau hi.

SAM 89:6

Vante ah khin Lalpa tawh te’pi thei ding kua a hem um? Van ah umte lak ah Lalpa tawhbang kua a hem um ah,

SAM 89:8

Aw Sepai honte Lalpa Pathian, aw Lalpa, nangma tawhbang ah, hât kua dang a um em? La ginumnate chun a hun hual kîmvêl hi.

SAM 96:4

Lalpa chu a lopi ziakin nasa tak ah pâk ding ahi; pathian dang zosia sâng ah nasa tak ah ja ding ahi.

PAWTDAWNA THU 10:2

Chuleh, la chate leh la tute tiang in Aiguptate bang gual ah a la soisa ka hem ti leh, a lak ua tepte’na thilmak ka bawlte hi la gen theina ding leh, keima hi Lalpa chu ka hi ti a hettheina ding un,” a tia.

PAWTDAWNA THU 15:11

“Aw Lalpa, kua a hem pathiante lak ah, nang tawh te’thei ding? Kua a hem nangma gual ah thianthona ah lopi, choihoina lam ah lau um leh, thilmakte bawl?

PAWTDAWNA THU 8:10

Ama chun, “Jing leh,” a tia. Mosi’n, “La ti gual ah chun hi hen: tichun, Lalpa ka Pathian uh tawhbang hi a um puai ti la hiattheina dingin.

PAWTDAWNA THU 8:6

Tichun, Aron in a khut chu Aigupta gam ah tuite chung in a vak jak ah; ukêngte chu a hung pawt un, Aigupta gam chu a tuam suak ziang tai.

PAWTDAWNA THU 9:14

Tu’chung ah ka hun gawtna ding hi nangma leh la miliante leh la mipite zosia chung ah tunsak ding ka hi; chutichun, keima gual hi lei chung zosia ah hin a dang umlo ahi ti la hettheina dingin.

ISAI 40:18

Pathian chu kua tawh la te’ a, ahiloleh, bang lim tawh a kipua em?

ISAI 40:25

Kua tawh lei têpi diam uh? Kua a hem ka kibatpi? Mi Thiangthopa chun a tii.

ISAI 45:18

Vante Siampa, Pathian ngei chu! khawvel pumpi guanggal leh siampa, (ama’n a phudet ta’n; a thawn mai ah um ding ah siam lo in, chênna dingin a siam a.) Lalpa chun, Keima hi Lalpa chu ka hi’n, Keima tilo kuama dang a um puai, a ti ta’ngâl a.

ISAI 45:22

Nanghaw, kawlkil tiang ah umte haw, keima lam hun ngau inla, hukdam in um tau in! Keima bep hi Pathian ka hi’n, a dang a um puai.

ISAI 45:5

Keima hi Lalpa chu ka hi’n, a dang kuama a um puai; keima tilo ngâl Pathian dang a um puai. Ei helo malehchin le, keima’n gâlvan in ka hun thuam in,

EZEKIEL 36:22

Ziaziakchun, Israel Inkuante kiang in, Lalpa Pathian in zia gual hin a gen hi, ti’n la: Aw Israel Inkuante haw, ka thil hun bawl guat hi nanghaw ziak hilo in, la chianau taphot ah namtin lak ah la subuak uh, ka min thiangtho ziakin ahi zaw’n.

EZEKIEL 36:32

Zia hi nanghaw ziak ah ka hun bawl ding ahi puai ti, la leng un he tau in, Lalpa Pathian in a ti ahi. Aw Israel Inkuante haw, la umchanteu kha zakcha’n, lungngai tau in.

DANIAL 2:45

khut ah kisêk hilo, mual ah kipat suangtum hung kilîk in, thîk leh sum-eng leh, tung leh dangka leh, sana hun sep nawn dim dem la mu gual ah chun, hung um ding ahi. Pathian lopi tak chun, tu’nung ah bang gual thil hung um ding a hem ti, lengpa a hun hiatsak ahi chu lam. La mang ah la mu ngei leh a hilchetna chule a dik tak ahi, ti’n a dawnhu tai.

MIKAH 7:18

Nangma gual ah gitlo’na ngaidam leh, la gochan umsun te gitlo’na melkhu pei Pathian dang, kua a hem um ngai? A lungnatna kumkhua’n a vop zing pua’n, a hepina danglam ngai lo a suklat ziakin a kipak sek ngal a.

DAN LEKHABU 3:24

“Aw Lalpa Pathian, la suak hi la lopi dan leh la hât dan lei musak pan ta’ngâl ah; nangma thilbawl gual leh la thilbawl nasa takte gual ah bawlthei pathian dang him him lei leh van ah a um puai!

DAN LEKHABU 32:39

Keima, kei bep hi ka hi’n, pathian dang a um puai, ti he tau in. Ka that ah, ka hinsak ah; ka hi’liam ah, ka hi’dam sek; ka khut ah kipat in kuama’n a ladok thei puau hi.

DAN LEKHABU 4:35

Lalpa bep hi Pathian ahi’n, ama tilo ngâl a dang umlo ahi, ti la hiatsak theina ding un la kiang ua tâklat ahi.

DAN LEKHABU 4:39

Ziaziakchun, Lalpa chu Pathian, chung lam ah van leh nuai lam ah lei ah hin ama tilo a dang umlo ahi ti hen, la lunggil un ngaitua zing tau in.

1 SAMUEL 2:2

Lalpa gual ah mithiangtho dang a um puai, nangma tilo ngâl chu; I Pathian uh tilo ngâl Suangpi dang a um puai.